السلام عليكم ورحمة الله وبركاته
هذه قصيده لشاعر مريط بن فهد العكشان
اهداء للمرشح مبارك هيف الحجرف
قال المعيضي والمعيضي ابن عكشان
تسمعوا وش قال يا ابناء القبيله
يامداحمن للصف فالصف عجمان
فأركد وفك الناس قدح الفتيله
حنا قبيله شانها في الزمن شان
تشتال حملن غيرها مايشيله
فإن كان للدنيا تواريخ وديوان
فحنا على مر الزمن فالطويله
عيالنا يوم اللقاء كنهم جان
وشيباننا وسط المجالس ثقيله
واليوم عشنا في الرخى وامن وامان
وكلن على ماقيل مدعي سبيله
لكن مواجيب الفزع تبغي حصان
فالموجبه بالصوت نوحي صهيله
الموقف الغصاب يفرق فالاخوان
لو الظهر واحد وبطن الحليله
احدن إليا منك بغيته ترى بان
واحدن مكانه سد ناسع الجديله
الطيب بين ماله أيّات عنوان
ولايبي له وصف ولا دليله
واليوم يطلبكم سلايل كحيلان
تكفون ياربعي نبي نرتكي له
اليوم نبغيكم على قلب ولسان
والفزعه اللي فإبن عمك قليله
يوم إنها بالخيل وإرخاي الارسان
ماقد ذكرنا بالردى والفشيله
لكن ترى الدعوى على صوت ولجان
وإيدينكم ماهي بعلينا بخيله
وكرسيكم اللي على مر الازمان
يبغي رجالن تعتزي وتنتخي له
الصف واحد مانبي فيه نقصان
ولانبي ذكر: (ترى فيه ميله)
يانوم عيني لاغشى الجو دخان
يامروية شبا السيوف الصقيله
انتوا لها لا من وجه الزمن شان
ميقافكم يشفي الكبود العليله
للموج يامبارك سفينه وربان
وانت اللذي بإذن الولي تستوي له
ومادام ربعك لابتي قوم راكان
يكفيك من زايد هروجي ذبيله
واختامها صلوا عدد كاينن كان
على النبي في كل صبحن وليله
01-02-2012, 01:06 PM
العرض العادي
