السلام عليكم ورحمة الله وبركاته......
ارجو ان تنال هاذى القصائد اعجاب الجميع وان تحوز علي رضاكم ...
أنـا ماهقيـت يسـوي الوقـت ماسـواه وخان الزمان وعـادة الوقـت خوانـي
وياحـي مـن هـذي ديـاره وذا مربـاه ذواري هبوب النود مـن فوقهـا بانـي
أنـا يـوم شفـت البيـت متهـدم مبنـاه تذكرت زول كان فـي البيـت سكانـي
انادي عليه وساقي العيـن جـاري مـاه وأنا عارف إني لـو تحريـت ماجانـي
ظلمني الزمان اللي جبرني علـى فرقـاه صواديـف بقعـا شـرهـا ماتعـدانـي
صدوف الزمان وطول صبر لحقت أقصاه حدتني علـى مبـدا الطويلـة مسيانـي
انا قد بغيت اوقف الرجـل عـن مبـداه ولكـن شفـت المـوت مازيـد خلانـي
الا جيت عـد قـد نـزل مـاه وألاجـاه تسابق دموعي واظهرت خافي احزانـي
أنا كيف بدله واطمع ان خاطـري ينسـاه وأنـا كـل مامريـت مدهالـه ابكانـي
إلا جات بـه الاخبـار وإلاحـد طـراه ماعاد اتسمع صوت مـن زيـد حكانـي
أعيـش بخيالـه واتنـادم مـع ذكــراه ويدوي بي الهاجوس فـي عالـم ثانـي
يغيـم سمـاي إلا تواجهـت أنـا ويـاه وحتى الحكي ماعاد ينطـق بـه لسانـي
قضى العمر كله عادني في رجا لا مـاه وطال الرجـاء واليـاس قـام يتحدانـي
هو اللي تتوق النفـس لمشاهـدة وحكـاه ولاجـا بقلبـي عنـه سجـه ونسيانـي
الديـــــار الجنوبيــــــــه
تعودت مبدا الرجـم صبـحٍ وعصريـه وعيني من الدمعه خـذت حقهـا وافـي
الا جيت بخفي الحـزن بانـت مواريـه ودمعة عيونـي بينـت حزنـي الخافـي
اجامـل مـع الخـلان جـوزا معذريـه وكل الجـروح اكنهـا بيـن الاجنافـي
وكنـي مـريـضٍ مايبـيـن مشاكـيـه يجامـل مـع الـزوار ويقـول متعافـي
مريضٍ مرض قلـبٍ وعينـي شقاويـه ومبطي وانا مـن لـذة النـوم متجافـي
وقلبـي حـنـونٍ للـديـار الجنوبـيـه وطول البطا ماغيـرت حبهـا الصافـي
ومبـداي فـي عـرقٍ تعنكـب ذواريـه هو احب من قصرٍ بني قرب الاسيافـي
هل الجوب ذكروا ربعوا فـي ضواحيـه وقالوا غواميس النخـل عشبهـا زافـي
وحلـوا هـل الذيـدان عنـد الرماديـه وخذوا في جناب الغرس مشتى ومصيافي
خاطــــري داروه ((
ونتي ونةٍ خلـوجٍ مـع الوقـت العتيـم وكدت مذبـح ولدهـا وحالـوا دونهـا
حالي اللي راحت اشجار وديانه هشيـم مبطـيٍ مازيـد دب الحيـا بغصونـهـا
لاجرى ماها ولازيـد حركهـا النسيـم من بطـا الامحـال فيهـا تغيـر لونهـا
كانيٍ مابي وانا مخفـي ٍ شـي ٍ عظيـم وكل الارض اليوم ضاقت علي ركونهـا
ياعرب تكفون من كان له قلـب ٍ رحيـم كل نفس ٍ صابها الحـزن لا تقصونهـا
خاطري داروه ياللـي تـدارون اليتيـم وان بكت عيني مـن الدمـع لا تنهونهـا
كبدي اللي لاعها خافي الحـزن السقيـم كـل ماقلنـا تشالـت تزيـد طعونـهـا
كل ما بريت جروحي من الحزن القديـم جيت دار ٍ حايـل ٍ البطـا مـن دونهـا
في الهوى حزات من وصف جنات النعيم وفيه نار ٍ جملـة الخلـق مـا يقوونهـا
((نـــودٍ من الغربـــي ((
نودٍ من الغربي وروس المبـادي يسوى جديد القصر لو زان مبداه
بارضٍ جديده والمنازل جـدادي ماكان في قلبك من الهـم تنسـاه
لازان نبت العشب في كـل وادي مثل الزوالي اللي تنشّر مشـراه
شرفت حاديني من الهـم حـادي في راس رجمٍ هيض العين مبداه
اهل خافـي عبرتـي بانفـرادي من جور همٍ عيت النفـس تقـواه
واقول ياقلب الخطا مـن تنـادي وقتٍ بحال الناس هـذي سوايـاه
اشوف وقـتٍ ماعليـه اعتمـادي رفع الهزيل وعالي الناس وطـاه
مثل الكسيرة في نهار الطـراديه ذا الزمان اللـي عطانـا مقفـاه
افراحنا اللي في ليالـي العيـادي اقفت مع وقـتٍ تقافـت مطايـاه
قفا زمـان مخضبيـن الهنـادي وجا وقت جيلٍ مذهبه ماعرفنـاه
الا نصحت اللي عن الدرب غادي تبلش الين تسامحه فـي خطايـاه
ان كل زرعٍ مقتفيـه الحصـادي ينشف ولو هو يجري الماء بمسقاه
وروح الفتـى لابدهـا للنفـادي نفسك اجلهـا لاقـرب ماتعـداه
طريــــــق الحـــــق ((
يالله يـا مديـر الهبايـب والافــلاك اللي دبيـب الـذر ماهـو بخافيـك
ألطـف بعبـدٍ يطلـبـك ويتـرجـاك لا غافـلٍ عنـك ولاهــو بناسـيـك
خليـك يابـن آدم زهـيـدٍ بدنـيـاك أ رزاق بقعـا لاتـغـرك وتغـويـك
ان اقبلت تاتيـك باضعـاف الاسـلاك وان دبـرت ماعـاد تسمـع مناديـك
لو ساعفت لك ساعـةٍ تقطـع رشـاك واتيّهـك عقـب المعـزه وترمـيـك
اللي وطا غيرك مـن النـاس ياطـاك مامـر قدامـك علـى النـاس ياتيـك
اما هلك تصبـر علـى حـر فرقـاك والا انت تصبر عن حبيبـك وغاليـك
وتعيش وحدك عقب من عاش ويـاك تبقى وحيـدٍ دمعـة الـورع تبكيـك
لا تتبع الشيطـان باهـداك وارضـاك يصبح مصابيحـك ويمسـي مماسيـك
للشـر مفتـاحٍ وللخـيـر صـكـاك يغويـك ويضلـك وللشـر يهـديـك
خـل اتكالـك واعتمـادك بـمـولاك اللي ان وفيت وانجاك وان خنت يهفيك
الرزق عند الله وماكتـب لـك جـاك لو يعلنون الناس عـن قطعهـم فيـك
تحياتي لكم اخيكم : هادي العجمي.
09-10-2010, 08:48 PM
اروع القصائد لى الشاعر عامر المرى ///// الله يرحمه .....1
العرض العادي
