ودي إنك تدري إنك اغلا آدمي قد عرفته

[فهد آل مخلص]

من غلاتك ماعرفت آعبر إش لون انت غالي=إوودي إنك تدري إنك اغلا آدمي قد عرفته
بس كيف آوصلك معلومة صارت ببالي=وقعها وقع الرماح بصدر رجال شغفته
اربع احرف كلمة آحبك وهي وزن الجبالي=عند رجال معى تيارك العاتي جرفته
انت يللي طلعتك طلعة قمر ماادري هلالي=كل حب غير حبك في الحشاء منه حذفته
وكل ماطروك سالت دمعتي سيل الخبالي=وإن نوى غيرك خفوقي عن هوى غيرك حرفته
القدر محتوم وانا اصبر على جور الليالي=ولأجل عينك لو سهر عيني عذاب لي وقفته
لو بكاها دم جعله فدوتك والمر حالي=في سبيل إرضاك يرخص وإسمعي حلف حلفته
رح في امان الله يادمع على الخدين سالي=لو يجيب الدمع شي كل ماعندي ذرفته
الضروف وصدتك كنها مثل ضرب السلالي=ولاتحاسبني بذنب والله إني مااقترفته
غير شوفي حالتي تكفين ثم روفي بحالي=افتي القاري وقولي رح لذاك الرجل وافته
وكان تنوين القطاع ولانويتي بإلوصالي=ارسلي طبي معى المرسول وإن جاني لقفته
العوض ولاالقطيعه لا غدى مني حلالي=وإن رجع منه شوي عن نظر غيري لحفته
في بعض الأشياء يقال وفي بعضها مايقالي=بعض الأشياء لو تخفا عن نظر غيري كشفته
ماآتحمل غلطة انزل بها بين الرجالي=وإن نواني بإلغوى الغاوي تجيهلت ونقفته

[زمانك]

صح السانك اخوي فهد
لاهنت
تقبل
تحيااااتي,,,

[بسكوته]

صح لسااانك مليوون عالابيات الجزله

ولاهنت

[فرز الوغا]

فهد لاهنت علي ذا القصيدة العسرة
صح السانك

[فلاح بن ملبز]

السلام عليكم ورحمة الله وبركاته

أخي الكريم / فهد بن المهيص


أولا ً :

حياك الله معنا في منتداك منتدى وشبكة قبيلة العجمان واتمنى أنك اتفيد وتستفيد من هذا الصرح العظيم

واتمنى لك قضاء أسعد الاوقات


وثانيا ُ :

صح الله لسانك على ذا القصيدة الجزله

ولاتحرمنا من جديدك

ولاهنت يا السنافي

[الاحرش]

اللة اللة






صح لسانك


فهد بن المهيص

[عبدالناصر آل عبدان]

بن مهيص



كفو وصح لسانك يالقرم


قصيده رااااسيه صح



موفق يالشيخ



ودعتك الله

[فهد آل مخلص]

اخواني الأعزا كل عام وانتم بخير
وبعد اشكر لكم مروركم الكريم
وبعد فانا اعتبر نفسي طالب في هذا الصرح الشامخ وآتقبل النقد الهادف من الجميع
اخوكم / فهد

[عـ100ـج]

صح السانك يافهد

والله لايهينك على القصيده الرائعه


لك أجمل تحيه

[علي السكران]

العوض ولاالقطيعـه لا غـدى منـي حلالـي=وإن رجع منه شوي عن نظر غيـري لحفتـه
في بعض الأشياء يقال وفي بعضهـا مايقالـي=بعض الأشياء لو تخفا عن نظر غيري كشفتـه

صح لسانك ابدعت والله يوفقك

اخوك ... علي السكران