انا لله وانا اليه راجعون
من القصائد التي قيلت في رثاء الشيخ نايف بن ثامر بن محمد الوجعان
احد اكبر مشايخ قبيلة شمر واجلها واكرمها
رحمه الله رحمة واسعه واسكنه فسيح جناته
ريف الضعوف
ياعين هلي دمعـك اليـوم ياعيـن تكفيـن هلـي الدمـع لاتحبسينـه
أبكي على شيخن رحل يوم الاثنيـن أبكي على راع الخصـال الحسينـه
أبكي على راس الرجـال المياميـن اللي عليـه شيـوخ شمـر حزينـه
ولو البكاء كثـره يـرد العزيزيـن نبكيك مع طـول الزمـان وسنينـه
ولو البشر تفدي بعضها عن الشين كم من عزيزن ساق عمره رهينـه
ابوردن ريف الضعـوف المساكيـن عسـاه بالفـردوس مـع ساكنينـه
راس القروم اللي على المجد ضارين ونسل الشيوخ اهل الفعول السمينـه
راع الكرم والطيب والعـز والديـن وراع العلـوم الصايبـات الرزينـه
كم من ضعيف يشكي الهـم والديـن جالـك وكرمتـه وسـددت ديـنـه
يالله عسى قبـرك ورود وبساتيـن وتنعـم بجنـات ونعيـم وسكيـنـه
وعسى الحيا ياخذ له سنين وسنيـن يسقي ثـرى قبـرك ويبتـل طينـه
مثلك فقيده فـي عيـون العريبيـن وموتك على كـل القبايـل غبينه
الشاعر/ سلطان بن ردن بن نايف الوجعان
>>>>>>>>>>>>>>>>>>>>>>>>>>>>>>
موت وميلاد
ياعين هاتي فاير الدمع مـن غـاد هلي دموعـك واذرفـي ياعنيـده
لو البكا من محجر العيـن يـازاد يرجع لنا خطو الخطـل والوليـده
لاابكيك يانايف على روس الأشهاد إلين دمـع العيـن ياقـف بريـده
مرحوم ياشيخ جمع نبـل وامجـاد الطيب يجري مع منابض وريـده
راسه تصعفق به زعاطير الاجداد إبن وحفيد اللـي يهابـه ضديـده
شيخ على الجزله مضرا ومعتـاد من روس قـوم بالملاقـا عنيـده
يمه ضعوف الناس سرداد مـرداد تلقـى ليانـه عـن مهبـل عبيـده
شيـخ وقلبـه للوفـا دار ميعـاد صدره تزاحم بالخصـال الحميـده
أحلى من الما العذب في عين وراد ومـظلله غيـد تهـزع جـريـده
كفه علـى مايذخـر الغيـر نفـاد يامن خطو اللاش حسب رصيـده
بس البكـا ماعـاد ميـت ولافـاد ولانذكـر انـه رد يـوم فقـيـده
سبحان رب سـن مـوت وميـلاد منـه وإليـه الأمـر كلـه يعيـده
أطلب عسى قبرك له المزن ينقـاد يسقـي ثـراه وكـل يـوم يعيـده
يالله عساك بحل عن أمـة الضـاد ياللي علـى كـل النشامـا فقيـده
محمد بن فهدبن محمد الوجعان
>>>>>>>>>>>>>>>>>>>>>>>>>>>>>>>>>>>...
20-03-2010, 09:02 PM
العرض العادي
