ومن لارقى للطيب روس الشواهيق

[مريغان]

الطيب فرصه والجمايل توافيق = ومن لا توفق ماكتب له جماله
ومن لارقى للطيب روس الشواهيق =مازان له وقته على مابداله
ومادام لفعول الجمايل عشاشيق = كسب الجمايل مايجي بالسهاله
ولو انها تشرب مع فكة الريق = كلن خذاله كل ما أصبح بياله
والطيب منوه للقلوب المشافيق = كلن يتوق ومنوته راس ماله
والمدح مايزهي على الرجل ويليق =الا لاصارت وافيات خصاله
يستاهله رجلن يفك المزانيق = اللي يقال ونعم لا جا مجاله
ومن ساقته نفسه وهو مابعد سيق = لأجل الجميل يزين الله فاله
والمرجله ماهي بتحتاج تنسيق = من بين قلب اللي عشقها وباله
ومن عادة الدنيا تخون المواثيق = تفتر مكرتها سوات المحاله
ولولا اللوازم ماعرفنا المخاليق = مانعرف الرجال لين انعناله
والكفؤ تظهر فزعته حزة الضيق = وينشاف في الشده بعين العداله
نسل الرجال متعبين الملاحيق = متوسطن من بين عمه وخاله
واللي يطيق ولابغى قال ما أطيق = تحرم عليه المرجله والشكاله
والهينه تكبر على اللاش والهيق = له في الرخا قاله وفي الضيق قاله
والطيب شاره والضماير صناديق = واللاش طيبه ما تعدى ظلاله
وأنا أسبر قلوب الرجال المغاليق = والصامت أقطع غايته من مقاله
ومادام في الدنيا رجال ومطاليق = نصيتهم واللاش مالي وماله

صح لسان الشاعر

منقوووووووله

[(سعد بن محمد)]

صح السان شاعرها وناقلها

ولاهنت يامريغان على النقل

[الكحيلا]

,

,

صــــح اللسانه وتســــلم يمناااك !!

مميز بذووقك ,,

,

,

[محمدالطويل الهتلاني]

صــــح اللسانه وتســــلم يمناااك !!

مميز بذووقك ,,

[بنت الزعبي ..]

السلام عليكم ورحمة الله وبركاته

صح لسان كاتبها وناقلها

لا هنت عالقصيده الطيبه

تقبل حضورى المتواضع

[أبو حسنة]

لا هنت يا مريغان
تقبل مروري
إخيك :. أبو حسنة