بسم الله الرحمن الرحيم
اخواني اعضاء منتدي و شبكة العجمان
احب ان اقدم لكم قصيدة الحداثه للشاعر مانع بن شلحاط
التي القاها على مسرح شاطئ الراحه
في برنامج شاعر المليون في نسخته الثالثه
اتمنى ان تنال اعجابكم
يازنـاد الشعـر والصـوان يـاراس الفتيلـه
يا صعاطير القصيـد اللـي توردنـا الجهالـه
شاعر واخطـي الينـا غنيـت وامثـل قبيلـه
واشـرب الفنجـال الاول زود والـت البيالـه
ما احشم رابح صقر واتوق لأصحاب الفضيلـه
لين ابا حولي عوض دوخي وعبـدالله فضالـه
مرحبا يا محمد بن الذيب في ظهـر الاصيلـه
واتعذر من بشوت القـوم واصحـاب الجلالـه
الادب يحشم وانا صبح الادب واطـراف ليلـه
وشاعر مالـه اقامـه شعـر اضمـه بالكفالـه
ما علي من وراد الـبي ام لو طـور موديلـه
وش على الصفحات والمكياج في ايام البطالـه
ما يقند راسـي الا صـوت ظيـدان وزميلـه
لا تراكى الهاجري يحلى القصيد اليا ارتكى لـه
والجميح بإسمـه المعـروف معـروف وكيلـه
وابن جدلان الفحل بالشعر سـوى لـه وكالـه
والقريحه تعتـزي بالشعـر غايـه لا وسيلـه
والحداثه في زمـان العولمـه صـارت عبالـه
يارصيف الشمس ,, يانهود البحر يا الله العقيله
بعثريني ما ادري ويش الشيح وهروج النخالـه
شمعدان الفجل واقـواس الخـراط المستحيلـه
وزقزقـة بنفسـج الكركـم وجنحـان البقالـه
واغنيـة فراشـة المريـخ وهـروج الجديلـه
وقوقعة قمح الحنان وخبـزة رمـوش النذالـه
وزاوية تسعين في خدود المرايـا المستطيلـه
والعن ابو جـد خالـك بنـت عـم البرتقالـه
عالم كنها السكارى ما ادري وش هي تحكي له
لعنبوكم ذي حداثه شعـر يـا النـاس الحثالـه
لعنبو حي السفيه اللـي يمزمـز فـي سبيلـه
يحسـب ان الشعـر يرفعـه لا جـال مجالـه
الشعر منطق وادب واسلـوب والفـاظ اصيلـه
ويش خانة شاعر يقعد علـى الشعـار عالـه
اسرق من النـوم للفكـره ليـا جاتـه دخيلـه
فكرتـي بشماغـي المعـروف قبعهـا عقالـه
ليه جعل ابيه من راس السـراط ليـا المليلـه
مايـدور فكـرة حولـه علـى قـده وحـالـه
داوي فكري واغني فوق فـي راس الطويلـه
واتسيسج من جروح الجوف لو مانيـب دالـه
ونتي من مابهـا الاعمـاق واودعهـا نثيلـه
وخربـق الكبـد الخـرع ان بـه وداع مثالـه
24-12-2009, 02:27 PM
العرض الشجري