قصيـــدة : الــ شيخ / محمد بن فــهد بن منيخــر (رحمه الله)
..( ألـــ ســـــفرآن )..
البارحه دكت علي الهواجيش=وعيني سشرد منها لذيذ النعاسي
من ماضي الأيام جاني عواسيس=دقيت علي بيبان قلبي اجراسي
تواردت قلبي اخماس وسواديس= شوطن من الهاجوس فيه التماسي
شفت الديار الدارسات المراميس=ارض حلى ماكنه قد جاه ناسي
ذي دار ابو كروز راع النواميس= فالجودوالامجاد ماله قياسي
اللي علي الفرسان ياخذمراويس=لادر عوا سرد الرمك باللباسي
وذي دار اخو حسنا بعيد المناويس=مع ساقته صملان الانضا يباسي
ناطح اوجيه الحرد لاجت كراديس=نطيح للي لبس ددرعن وطاسي
ودار أل عبار الرجـال الفواعيس= سعد الرفيق واللمعادي إنحاسي
ودار أل جويعد كن ماقاعها ديس=ربعن توطي اللي براسه عطاسي
ودار أبـــو اخميس ذابح العقر العيس=ريفن علي ربعه وللضد قاسي
اديــارهم تدري عليـها النسانيس=يبني عليها امن الهبايب اطعاسي
وقفت فيها غارقن بالحواسيس=امن الذهول مغيب عقل راسي
ابغى الديـــــار تونس القلب تونيس= ابغا الشلى وزادت عماسي اعماسي
وفيضت عبرات بصدري محابيس=ومجاذب الأهات قطع انفاسي
تخيلو الي فالمجالس جواليس=ربعن تروم العز فخر وحماسي
ربعن لهم فالمجد مبنى وتسيس=اللي لهم روس المعالي كراسي
أكبار الصحون أمتعبين المحاميس= أبيوتهم مثل الجبال الرواسي
ألاد سفـــران علي الخيـــل فريس=فحول الرجال ابروسها قو باسي
لمن تعلوا فوق مثل القرانيس=كم راس راسن طاح فارض المداسي
قلبي الذكراهم يجيبه وساويس=يكفخ الطاريهم بليا مواسي
طوتهم الايام طي القراطيس=وابغا اتناسهم ولاني بناسي
حيـاه من عقب الجماعه تواعيس=وطول العمر والقصر عندي أمتواسي
17-11-2008, 11:16 PM
ألاد سفــــــــران علي الخيـــل فريس=فحول الرجال ابروسها قو باسي (محمدبن فهدبن منيخر)
العرض العادي
