بعيدن عن شاطي الراحه .. ، ..

[dont play with me]

سلام عليكم


صباح ولا مسا / خير







برنامج شاعر المليون اتعبنا واعجب بعضنا وبعضنا لا !!


لكن في منتدى العجمان يعجبنا .. منتدى الشعر العام

يا مشير القلب عن داعـي غرامـه=خل قلبي فـي غرامـه لا تشيـره
أتركه ما يجهـل الحـب ونظامـه=لا تعدّه ضمـن عميـان البصيـره
له من الخبره ما يحفظ لـه مقامـه=وارث ٍ له من سلوكه حسن سيـره
لا تـراود شفـه وغايـة مرامـه=الهبايـب لـو تمـرّه مـا تثـيـره
فوق غصنه حطّ .. عصفور وحمامه=وغرّد الأوّل علـى نـوح الأخيـره
لو مراده قمـزه وغمـزه وشامـه=كان شفته يومي لموكـب سميـره
فيه غير اللي علـى خـدّه علامـه=واحـد ٍ عنـدي علاماتـه كثيـره
النزاهـه والوجاهـه والفهـامـه=والنبا الجـذّاب والنفـس الستيـره
سمعته تفرض على الناس إحترامه=مـا رماهـا فالرحـاه المستديـره
ولا يحسب حساب لبّـاس العمامـه=لو لبسها شيخ شيخـان العشيـره
أستلم قلبي ومـن يـوم إستلامـه=ما تولاّ عرش قلبـي حـيّ غيـره
كمّ يذوّبنـي علـى زبـدة كلامـه=بالنقاش اللي علـى كيفـه يديـره
بينـي وبينـه مشاريـه وملامـه=ودمعتين بعين شوق .. وعين غيره
لـو يقابلنـي بضحكـه وإبتسامـه=هب في صدري هواه وطـار طيـره
جرّ فكري عقب ما حزت إهتمامـه=بالطواريـق الطويلـه والقصـيـره
قلت أحبك .. قال حبّي لـك علامـه=قام يكبر ؟ قلت مدري .. قال خيره !
كلّ منّـا لـو يعبـرّ عـن هيامـه=تقصر علومه عن اللي في ضميـره
والطيـوف اللـي تبلّغنـي سلامـه=مادرت قلبـي بفقـده وش مصيـره
جعل ربـي مـا يذوّقنـي خصامـه=شاري ٍ وصله على شـرّه وخيـره
يا زعيم الوجـد تزهـاك الزعامـه=سير بي والله يصون أحلى مسيـره
هكـذا حـب ٍ تغـذيّـه الكـرامـه=أفتخر به وأذكـره فـي كـل ديـره
العلم رفـرف علـى ذروة سنامـه=اتركوا قلبي ما يسمع مـن يشيـره
ما لحقني لوم من قصـة غرامـه=لو تبثّه نشـرة أخبـار الجزيـره !

ســـــــــداح

[الجلمود]

صح السانك وبيض الله وجهك

[قبلة العذارى]

كلّ منّا لو يعبرّ عن هيامه=تقصر علومه عن اللي في ضميره
والطيوف اللي تبلّغني سلامه=مادرت قلبي بفقده وش مصيره
جعل ربي ما يذوّقني خصامه=شاري ٍ وصله على شرّه وخيره
يا زعيم الوجد تزهاك الزعامه=سير بي والله يصون أحلى مسيره
هكذا حب ٍ تغذيّه الكرامه=أفتخر به وأذكره في كل ديره

في كل ديره ..

ياسلام ياسلام

:
:

don't play with me


ارفع لك القبعه احتراما وتقديرا لذائقتك الشعريه الرائعه


صح لسان الدكتور المرقابي / سداح .. ولاهنت على النقل

تقبل مروري

[ريــــــانـه العــــود]

don't play with me

كلّ منّا لو يعبرّ عن هيامه=تقصر علومه عن اللي في ضميره
والطيوف اللي تبلّغني سلامه=مادرت قلبي بفقده وش مصيره

صح لسان الشاعر سداح

وصح اختيارك

[فلاح بن ملبز]

ارحب تراحيب المطر يا dont play with me

وصح لسانك ولسان شاعرها المرقابي / سداح

ويعطيك العافيه على ذا القصيدة الجزلة

وبيض الله وجهك

ولاهنت

[عنـ وافتخرــزي]

بسم الله الرحمن الرحيم

قصيده رائعه من الشاعر : سداح

وسلمت يداك على النقل يا ( لا تلعب معي ) وشكرا لك

اخوك : عنزي وافتخر !!!!!!

[سهوم بقعهـ]

/خير

.
بيني و بينه مشاريه وملامه
ودمعتين بعين شوق .. وعين غيره
.
لو يقابلني بضحكه وإبتسامه
هب في صدري هواه وطار طيره
.

صح لسآنـ ه /و/ طآب ذوقك

لآ هنتّّ

[طخطاخ]

رح ياشيخ
فحل من فحول الشعر

بيض الله وجهك ولاهنت طال عمرك

شاعر بما تعنيه الكلمه
نثر + محاوره

سجلني متابع لك

[dont play with me]

المشاركة الأصلية كتبت بواسطة الجلمود

صح السانك وبيض الله وجهك

الجلمود

حياك الله

الله يبيض وجهك وصح بدنك


لاهنت

[dont play with me]

المشاركة الأصلية كتبت بواسطة قبلة العذارى

كلّ منّا لو يعبرّ عن هيامه=تقصر علومه عن اللي في ضميره
والطيوف اللي تبلّغني سلامه=مادرت قلبي بفقده وش مصيره
جعل ربي ما يذوّقني خصامه=شاري ٍ وصله على شرّه وخيره
يا زعيم الوجد تزهاك الزعامه=سير بي والله يصون أحلى مسيره
هكذا حب ٍ تغذيّه الكرامه=أفتخر به وأذكره في كل ديره

في كل ديره ..

ياسلام ياسلام

:
:

don't play with me


ارفع لك القبعه احتراما وتقديرا لذائقتك الشعريه الرائعه


صح لسان الدكتور المرقابي / سداح .. ولاهنت على النقل

تقبل مروري

ارحبي قبلة العذارى



شكرا ً شكرا ً شكرا ً

على الكلام الجميل والطيب وعلى الاطراء



صح بدش ومرور يهمني


لاهنتي