رحبو فيني في هالمنتدى الناجح

[شموخ روق]

السلام عليكم ورحمة الله وبركاته


كيفكم كلكم نكن تلو الآخر


أبي أسألكم سؤال صريح .. ؟؟
ليه دايم الأشياء اللي نحتاجها ونبيها وندور عليها مانلقاها .. ولما نستغنى عنها ونكون مو في حاجتها نلقاها قدامنا تنتظرنا نمد ايدنا لها !!!!
على فكره هالشي على السبيل الانساني أيضا .. أكيد في أحد غيري تعرض لهالموقف بشكل ما ..

هم إحتمالين مالهم ثالث .. يا إننا مانحس بقيمة الشي ونبحث عنه إلا لما نفقده ويصير وجوده شي محال ( كما هو حال من يتبع المقفي ) .. أو إنه يختفي لما نحتاجله ( كما هو حال الرخوم عزكم الله ) ... وفي الحالتين الأنانيه عامل مشترك له دور كبير في سير الأحداث


الله يكفينا الانانيه والانانيين والشر والشريرين

صحيح نسيت أعرفكم بنفسي ..
أنا شموخ روق ..


حبيت أشارك في منتداكم .. ويشرفني أكون أخت لكم وأنال حبكم ..

بالنسبه لهواياتي وايش ممكن افيدكم فيه فـ أنا أقول تغسلون ايدكم بماي وصابون وديتول أحسن لان مامني رجا .. لا هوايه ولا هم يحزنون .. كل اللي اعرف اسويه اني اقرق في أي موضوع .
أحب الشعر .. وما اعرف أوزنه .. احب الخواطر .. وماعرف أكتبها .. أحب التصاميم وماعرف أشتغل على أي برنامج تصميم ..
ولكني قارئه جيده جداً لكل ماهو جميل . ومُحاوله ( فاشله طبعاً ) في كل ما كان له علاقه بالكلمه والحسّ والأبداع .


طبعاً ماراح أنسى السؤال اللي في نهاية كل موضوع ترحيب لازم نقوله في أي منتدى ندخله ولو إني ماأدري ايش الغرض منه لكنه أحد الروتينيات اللي بنموت وحنا ماتخلصنا منها بالضبط مثل مراجعات الوزارات والطوابع :

هل تقبلونني إخت لكم ؟
ممكن ترحبون فيني ؟

[فلاح بن ملبز]

وعليكم السلام ورحمة الله وبركاته

أختي الكريمة / شموخ روق

حياش الله معنا في منتداش منتدى وشبكة قبيلة العجمان واتمنى انش تفيدين وتستفيدين من هذا الصرح الرائع

(شباصتي الحمرا ؟؟؟ في منتدى الاسرة والمجتمع )


واتمنى لش قضاء اسعد الاوقات

[شموخ روق]

لالا شباصتي الحمرا ذا موضوع ثاني

خخخخخ

ع العموم

شووكررن اخوي فلاح على المرور والترحيب

[مرهف إحساس]

وعليكم السلام ورحمة الله وبركاته

ياهلا فيكِ اختِ المحترمة .. شموخ روق تشرفنا بتواجدكِ

تحياتي لكِ

[زيـــاد]

ههههههههه هلاوغلا

حياج الله , انا ضيف بس عقب الي قريت قلت لازم ارحب

يامرحبا بج .. وشباصتج مع الي بعدي

[عــــاليــــه]

مامعي شي يازياد لاتظلمني الي بشوشتي منكسر طرفها مولها <<احلفي عاد
يحياااا الله ام شباصه والله انتس توووووحفه اجل جمرود وزمرهود<<مو رايقه ارقى اعدل
مثل اختي يااااسبحان الله

بالنسبه لهواياتي وايش ممكن افيدكم فيه فـ أنا أقول تغسلون ايدكم بماي وصابون وديتول أحسن لان مامني رجا .. لا هوايه ولا هم يحزنون .. كل اللي اعرف اسويه اني اقرق في أي موضوع .
أحب الشعر .. وما اعرف أوزنه .. احب الخواطر .. وماعرف أكتبها .. أحب التصاميم وماعرف أشتغل على أي برنامج تصميم ..
ولكني قارئه جيده جداً لكل ماهو جميل . ومُحاوله ( فاشله طبعاً ) في كل ما كان له علاقه بالكلمه والحسّ والأبداع .

اعترفي بسرررررررررررعه كيف عرفتي شخصيتي
بالعربي لاتهتمين الي كذا يسمون عباقره<<طسي مناك
واتسيدن نرحب فيتس ياوخيتي دام الشخصيه نفسها
وفلاح صادق بتلقين الشباصه بقسم الاسره
واقول مثل ماقال الشاعر
يامرحبا ترحيبتن كلها لش تكسيش من راسش ليحد ماطاش
تقبلي مروري
عاليه

[الجلمود]

هههههههههههههههه



الله يكون في عون رجلش


هلاوغلا بضيفتنا الغاليه بين اخوانش وخواتش

[فيـــصل الشمري]

منتدى العجمان يرحب بك أجمل ترحيب

ونتمنى لك وقتاً سعيداً مليئاً بالحب كما يحبه الله ويرضاه


فأهلاً بك في هذا المجلس المبارك إن شاء الله

ونرجوا أن تفيد وتستفيد منـا

وشكـراً لتعطيرك المنتدى بباقتك الرائعة من مشاركات مستقبلية

لك منـا أجمل المنى وأزكى التحيات والمحبة


اخوك امير بكلمتي

[‏وَتـے ـيــنْ]

يه يه يه شنو هذا .!!؟

يا اهلا ً وسهلا فيج بين اخوانج و خواتج ..

على فكرة موضوعج مسوي ضجة بالمنتدى هههههههههه

وتقولين ما تعرفين تسوين مقدمات بفهم الكلام اللي فوق شنو بالله .!!؟ لووووووووووول

الشباصة دوريها تحت السرير بس ديري بالج يطلع لج زهيوي خلي وياج" بف بف "خخخخ

[ريــــــانـه العــــود]

اختي شموخ




ياهلا فيك

وحياك الله في منتدى العجماااان