ابو عمامه ,,, ؟؟

[(هاوي قصيد)]

مسا الخير

قصيده عذبه بقوة معناها وجزالتها :

الشاعر \ ناصر بن راشد الهاجري

من ابليس واعوانه اعوذبـك يـا المعبـود = ومـن شـر نفـسٍ(ن) للمخاليـق لـوّامـه

لك الفضل يابوفضـل مالـه مـدى محـدود = ومن افضل فضل فضلك على المسلم اسلامه

لي أيام فـي صـدري حيـام القصيـد ورود = وذاللّيل مـن عِـدّي رويـت آخـر حيامـه

وجِدت ..ولو إن الجود ماهو مـن الموجـود = رصيد الفكر من وقـت مـا جفّـت اقلامـه

بعد لاح بارقها .. وتمثنـاه صـوت رعـود = يعيش القصيد اللّـي مكانـه علـى الهامـه

سلامي على أهل النقد ... والاّ هل المنقـود = امراض النفوس اللّي مـن الحقـد منظامـه

لشخص البنادم نقدهـم .. والبـرا مـردود = ولو يلبس اعمامه .. غدا اسمه أبو اعمامـه

كذا النقص في شخصيّـة الناقـص المعقـود = مواطِـن رداه أميـال .. خلـفـه وقـدّامـه

علـى كـل حـال السالفـه حبلهـا ممـدود = ولولا اختـلاف الذايقـه ماحـدٍ(ن) سامـه

ولو قالوا إن الشعر .. ورث الأبـو وجـدود = كِثر من حلم بالشّعر .. وابطى مـع احلامـه

انا اعرف رجل لا ابوه شاعر .. وهو معدود = ولا فيه شاعر فـي خوالـه .. ولا اعمامـه

توافيق مثل الطيـب يخلـق مـع المولـود = وهايـب مـن الــرّزّاق لا وزّع انعـامـه

فـكم من هلامه جاب .. عوق القلوب السّود = وعوق القلوب السّود .. كم خلّف اهلامه ؟!!؟

وكم من سليط السان شاعر .. ولابـه فـود = نهـار اللّقـى مـا عـاد تشتالـه اعظامـه

أقوله : يا حيّ الرجل .. قرم وقصيـده زود = مثاله .. مثـال الفـارس الشّهـم وحزامـه

وسلامتكم

[اعجمي]

وكم من سليط السان شاعر .. ولابـه فـود
نهـار اللّقـى مـا عـاد تشتالـه اعظامـه

صح لسانه وتقبل مروري

[جطلي بن فهد]

الله الله


ياسلااااااااااااااااام

صح لسانك جزله ومايجيبها الا الجزل

وصح لسان شاعرها ولاهنت والله يعطيك العافيه

[bomeshal12]

لاهنت
وصح لسان الشاعر

[صـــبـــــــــا]

انا اعرف رجل لا ابوه شاعر .. وهو معدود=ولا فيه شاعر فـي خوالـه ..ولا اعمامـه
توافيق مثل الطيـب يخلـق مـع المولـود=وهايـب مـن الــرّزّاق لا وزّع انعـامـه

يا سلااام
صــح لسان الشاعر
ناصر بن راشد الهاجري
على ذالقصيده الجزله وصــح نقلك لهاا
لاهنت اخوي الهاجري على طرحك ..

[(هاوي قصيد)]

اعجمي ,,,

صح الله بدنتس , والله يعافيك

لاهنت على المرور الكريم

[(هاوي قصيد)]

سماوي بن نجم ,,,

يامرحبا طال عمرك , ما الجزل الا راسك وتسلم

لاهنت على المرور الكريم

[(هاوي قصيد)]

ابو مشعل ,,,

ولانت , يامرحبا

تسلم على المرور الكريم

[(هاوي قصيد)]

صبا ,,,

صح الله بدنتس , ويامرحبا ولانتي

لاهنتي على المرور الكريم

[نـاصـر]

صح لسانه ولاهنت على الأختيار الجزل يالهاجري

ومعودنا دايم على الأختيارات العذبه

تقبل مروري