رديات بن حسين وبن صبحان

[&الهتلاني&]

الشاعرين ضيدان بن صبحان اللزيزي العجمي ,,وسعد بن عبدالله الهتلاني العجمي

وهما شاعران.حدثت بينهم رديات كثير,,وكانت تجمعهما صداقه برغم فارق السن الكبير بينهم ...

ومن هذهِ الرديات مادار في احد المقاهي حينما بدأ ضيدان بقول





تطلب لي الشاهي وتطلب لك حليب
وانا على الحليـب كبـدي ذايبـه

انا احمد الله يوم ماانت بـلي نسيب
يقطع صبـي ٍ مايقـدّر شايبـه...





فرد سعد عليه :





قم اطلب لنفسك ترى ماانت بـغريب
ولاني بـطالب لك ولاني بـجايبـه

تبغى الكفيّا يـوم طرّيـت المشيـب
واتعبتني مثل الوزيـر ونايبـه ...





فقال ضيدان :





في خوّة الطيّب انا مالي نصيـب
ومن خوة الرديان نفسـي طايبـه

وقد كان ظني فيك للعلـه طبيـب
والاريا.. بها مخطي وفيها صايبه.





ورد سعد الرد الاخير فقال :





كل ٍ يبي يرمي رفيقه فـي قليـب
وابليـس نـوّخ عندنـا ركايبـه

وعلّمته الممشى سبقني في الخبيب
اللي علومـه كلّبوهـا خايبـه...






ومما دار بينهم ايضا ً ان ضيدان جاء الى سعد وقد حس ان سعد يملك ثروه في البنوك فقاله له :





عطنا من اللي ياسعد ربـي عطـاك
عندك فلوس ٍ في البنـوك ونايمـه

وانا رفيقـك دايـم ٍ وامشـي ورك
وماادري متى تمطر سماك الغايمه .؟






فرد سعد :





اللي عطاني خير بالشحذه بلاك
هذي عطايا الله وذي قسايمـه

يومك حسود وتّو مابيّن رداك
ماعندنا لك مايفطـر صايمـه





فرد ضيدان :





اظن من زارك بـبيتك مانساك
ولااظن مثلك تنّسـى قدايمـه

يارجل فكّر زين والرب يهداك
عزّم ترى الرجّال من عزايمه





فرد سعد :





تعش ّ عندي جعل ماتاكل عشاك
عسى تعشّاك الطيـور الحايمـه

واللي لنا جابك عسى يقلع مدااك
واللي يبي فرقاك محـدٍ لايمـه





فرد ضيدان الرد الاخير:





لاتحسب انًا قاعدين ٍ في رجاك
وعاد الجمل يمشي على قوايمه

يالله يالمعبود جارك ودخـلاك
راحت خساره ذا الصبي تمايمه





وفي احد المرات زار ضيدان صديقه سعد فتأخر في

تقديم القهوه والقدووع(وخبركم عاد بالشيبان لاتأخرت

عليهم القهوه ).. فقال ضيدان :





جاك المسير مالقى منـك ترحيـب
لاجبت له قهوه ولامـن قدوعـي

ياليتنـي دوّرت غيـرك معازيـب
جيتك جويع ورحت منّك بجوعـي

الظاهر انك ماتعـرف المواجيـب
لاشك طبعك يختلف عن طبوعـي

حنّا لاجانا الضيف ننفض له الجيب
ونجيب له من كل شكل ٍ ونوعـي

عاداتنا والرزق من عالـم الغيـب
هذا وانا ابخل واحد ٍ من ربوعـي





فجاء سعد بالقدووع ورد عليه :




إقدع عسى يقدع على راسك الذيب
في خايع ٍ مابه من الناس دوعـي

متعطل ٍ في البـر قبلـي تناقيـب
من ليلة الجمعه ليـوم الربوعـي

ومرّوك ناس ٍ غايب ٍ عنهم الطيب
وخلوك وحدك في مكان ٍ يروعـي

ثم جاك ذيب ٍ ماسنونـه بتركيـب
ذيب ٍ ولد ذيب ٍ وشرس ٍ قطوعي

سوّى بك سواة ٍ على غير ترتيب
يجزع لها قلب الشجاع البتوعـي

مرحوم ياعود ٍ كسا راسه الشيـب
هنديته تـذرف عليـه الدموعـي





وفي مره من المرات جاء سعد بفكره من بااب المزح وعرضها على

صاحبه ضيدان وهو يقول له:





ضيدان ماودّك نشكل عصابـه
نحتل بعض بنوكها والمحلات

اما يجي لي ولك قدر ومهابه
والا تبيّتنا بيات ( الشريفات).

والرجل ودّك يشتهر في شبابه
بالطيب والا بالعلوم الرديـات

ولايهتني فـاكله ولافي شرابه
إلين تطلع صورته فـالمجلات





ورد ضيدان على سعد بحكمه مع علمه بأن سعد كان يمزح :




موضوعك اللي جبت كله غرابه
والظاهر انّه سابع المستحيـلات

واخاف لاتنبـح علينـا كلابـه
ثم هات نسلم من مخاليبها هات

ويابوك ماعمري دخلت النيابـه
ومن العمر ماباقي ٍ كثر مافـات

وان كان تبغى الراي قبل يغدا به
من واحد ٍ جرّب جميع الحيالات

خل الحطب للي يعرف الحطابـه
نهارنا شمس ٍ وفـالليل لمبـات



=====================
الشاعر سعد بن حسين توفى
منقــــــــــــــــــول

[&الهتلاني&]

تكمله للموضوع

بعد ان باع ضيدان التاكسي الذي كان يملكها راى زبون واقفاً
في الطريق فقال لسعد الذي كان يقود السيارة طالباً منه التوقف
وتوصيل الزبون :

ضــــــــيـــــــــدان
اللي يلوح لك على الخـط السريـع\الظاهر انه يا سعـد مـن ربعنـا
وقف ترى المعروف عمره مايضيع\خلاّية الرجلي مهـي مـن طبعنـا

رد سعد (رافض الوقوف) شك في الزبون
هذي سواتك قبـل للتكسـي تبيـع\من لا يعرفك يبتلش فـي وضعنـا
صاحبك هذا وقفتـه وقفـة خليـع\حنا على الشارع وريخـه نشعنـا

رد ضـــــــيــــــــدان
خله ونرجع له الى طـاح الربيـع\ذا عرضته يمكـن تفـرق جمعنـا
حنا ما صدقنا ان حن ناتي جميـع\وشفنا تهاوشنا وهـو مـا سمعنـا

رد ســــــــعــــــــد
طوفت لك هذي وحلـم الله وسيـع\ياللـي نحـاول للمشاكـل دفعنـا
لا تنفضح طعني وسـرك لا يذيـع\هـذا وشكلـه مـا ينالـه نفعـنـا

[النقال]

الله الله


صح ألسنت الشّعار



ولاهنت أخي الهتلاني وننتظر جديدك




وكل عام وأنت بخير




أخــــــــــــــــــوك




النقـــــــــــــــــــــــال

[المعالى]

في خوّة الطيّب انا مالي نصيـب
ومن خوة الرديان نفسـي طايبـه

وقد كان ظني فيك للعلـه طبيـب
والاريا.. بها مخطي وفيها صايبه


الله يدوم عليك الصحه والعافية يا بن صبحان



وفي احد المرات زار ضيدان صديقه سعد فتأخر في

تقديم القهوه والقدووع(وخبركم عاد بالشيبان لاتأخرت

عليهم القهوه ).. فقال ضيدان :


جاك المسير مالقى منـك ترحيـب
لاجبت له قهوه ولامـن قدوعـي


شاعرنا ضيدان يستنفر إذا لم يجد القدووووع خاصة




الأخ الفاضل / الهتـــلانى


الله يرحم سعد بن هتلان ويغفر له

ويكول بعمر بن صبحان ويبارك فى أيامه

ويعطيكم العافية ،،،،







.

[&الهتلاني&]

الله لا يهينكم على الردود
العيد عليكم مبارك

[عكس التيار]

يقول سعد بن حسين

مايشبع الا فالولايم والافراح
ذا المسلم اللى صار بطنه فضيحه

ماأدرى معاه الجن تاكل والاشباح
والا شفاح اهل الكبود الصحيحه

يحضر عند الناس والقدر مافاح
لين العشا عنه الستاره نزيحه

ماهمته نسبة دسمها والاملاح
وعيا من الدكتور يسمع نصيحه

والمشكله ماهوب للضان ذباح
استادكم ياللى ألسنتكم فصيحه

لادل من رايه ولاهوب نصاح
جعله يطيح وينثبر فى مطيحه

ورد عليه ضيدان بن صبحان

ابوحميد بيتعشى ويرتاح
وماكل ليل عند ربعه ذبيحه

فى بيت منه للمواجيب نطاح
محمد منصا الوجيه الفليحه

والحر ياتيبه من البعد ملواح
والعود يجذبنا من البعد ريحه

ودنياك يابن حسين ماجات به راح
وعزى لكم ياهل النفوس الشحيحه

اضحك وانا فى ايدى زقاره ومسباح
وخل الزعل لاهل الوجيه القبيحه

العود يطرح له ثلاثين ماطاح
مهوب مثلك عاجز فى نطيحه

يغشنى غش البريكات مزاح
الله لا يثرى ثراه ويبيحه

الله يرحم حيهم و ميتهــم

[عكس التيار]

قصيده تحمل أماني جميله لضيدان وجمع معه صديقه سعد

ضيدان :

ياليتني تاجر وبيتـي علـى الطـاش
ومساهم فـي نفـط بحـر الشمالـي

واشري من اللي تنطح السحب بالكاش
ماهمنـي لـو قالـو السعـر غالـي

واحجج اللي كـاده العسـر ببـلاش
وادفـع ملايـيـن زكــاة لمـالـي

وعندي سعد يعمل مقهـوي وفـراش
وليا بغيـت امشـي يطـرّف نعالـي

رجلٍ نعرفـه زيـن ماهـو بغشـاش
وليـا طلبتـه حاجتـاً جابهـا لـي!

فرد عليه سعد غاضباً حيث قال :

البارحه فكري من الهـم منـداش
من واحد طـرّش كتابـه وجالـي

والله مالي خلق نمزح مع الـلاش
اللي تمنى الخير له والعنا.. لـي

وقد قلت له دعواك بترد بهـواش
وأرسل مكاتيبك على احـد بدالـي

او اعتذر ما دام الاوضاع تنّـاش
والا..قلبـنـا الاولات التـوالـي

ياصعب فهّامك وتفهيـم الادبـاش
وبيّن عليك انك تكـتّ الدحالـي!

واليوم كثّرت التمني علـى مـاش
يازين ضربـك بلعصـا والعقالـي

وربعك يعرفونك:كميّـخ وعمـاش
وجهك ماهوب إمن الوجيه الطوالي

يوم انت لاجوك المسايير تنحـاش
مثل الثعل من رافعـات الذيالـي!

[عجمي العجمي]

السلام عليكم ورحمة الله وبركاته


حبيت اسألكم عن قصيدة سعد اللي يقول فيها :



ماهمنا تحطيمنا خط برليف ,,,, ولا اجتماعات ٍ عقدها شاره

..................... ,,,, خلو عربسات ٍ يدور بمداره




والاخرى اللي قال فيها :

الحر تاتيبه جميلات الاعذار ,,,, والنذل يملاه التعذر صلافه





حيث اني بحثت عنها كثيرا ً فلم اجيد ببحثي
افيدونا افادكم الله

[عكس التيار]

وعليكم السلام و رحمة الله وبركاته

يالعجمي استلم ما وجدنا

عربســات يشتكي ضيدان من حالة العرب في وقتنا الحاضر مخاطبا صديقه سعد الذي لم نعثر على رده:

عطني زقاره ياسعد باشرب الكيف

من ضيقه في الصدر باشرب زقاره

بلكي تخفف زايد الهم تخفيف

و عندي عسى يهبط امبير الحرارة

و ياليتها ترجع على الرمح والسيف

و مصانع النابالم تمنى الخسارة

و ارجع على بيت الشعر واسكن الريف

انا و ناس مايبون الحضارة

و نمشى شمال و غرب من دون تعريف

لا من جوازات و لا من سفارة

ما فادنا تدميرنا خط بارليف

و لا اجتماعات عقدهن "بشارة"

حن خابرين كل ما قيل تزييف

و كل يقرب خبزته صوب ناره

و ان كان له نفع عربسات ما شيف

خلوا عربسات يدور بمداره!!


البيوك التماتيك تخلف ضيدان عن مأدبه أقامها المحامي ثامر المجدعي له ولسعد بمنزله بمنظقه هدية الكويتية وبعد ايام جاء ضيدان لصديقه يشتكي من المرض وكبر السن، فأجابه سعد بهذه الأبيات:

إن مت ياضيدان ماني بباكيك

و ان مت انا لياك تبكي عليه

مانت بكفو ياعود لامت نرثيك

ما خبر منك الا الشقى والأذية

نسيت يوم اتعبتني في ترجيك

العصر يوم ان العشا في هدية

تبغي المحامي يالردي يتصل فيك

وش انت حتى ماتجي بالوصية

عود معقد والتعاسة تباريك

و مؤهلات معالجيتك ردية

ياخف نفسك قبل تثقل مخابيك

و اليوم حتى ماترد التحية

يا والله اللي به رجال تساميك

لاشك يابعد السمي عن سميه

جاتك و انا راعي البيوك التماتيك

فيها اعتزي و لا اعتزي بالمطية

نقطع امداد من طرفنا يغذيك

يومك بطول و نيتك قلبية

[عكس التيار]

ياراكب من عندنا فـــوق سمبوك = متوجه صوب المنــــامه بشايب

مع البحر كنك على القار ف بيوك= يلحق ويفهق مسرعات الهبايب

وان طحت في خفر السواحل وردوك =دارك على عود من الحول ذايب

وان باركوا لك بالسلامه وهنوك =لك في الدلاله ياابن الاجواد نــايب

ترى خويك كان من قبل صعلوك = ويدل حتى موحشات الخـــرايب

وصحيح لو تنشد هل الدار دلوك= واهل الوفــا ماعابهم ربع عايب

ويامقدرين الضيف لو مامعه بوك = باخلاقكم صارت ثمان عــجايب

وارجوك انا ياصاحبي وارجع ارجوك = اياك تنسى انك مودي وجايب

رجــع لنا خريج بومبي وبانكوك = وخلك على الزله بعيد الحضـايب

سعد بن عبدالله بن حسين العجمي

الـــــــــــرد

اخطوا عليك اللي بها الاسم سموك = اسمك سعد وانت السعد منك غايب

والظاهر ان اهلك على العنف ربوك = وطلعت تبحث للنشب والطـلايب

وظلمت حظك مااشين الظلم يابوك = وهجيت عود عن هل الــغي تايب

ماتدري اني صرت هادي ومبروك =وعلي تــثـني عمتي والنسـايب

وان شفت ديواني على طول مصكوك = اطرد ورا حظ ورزق نهــايب

وحتى انت تــنغزنا مع الحكي بالشوك = ياهي علينا من كبار العقـايب

ضيدان بن صبحان العجمي