راجعت نفسي وأثر مالي معك ذنب=ألاّ إنّي أحبّك وأحبّ إبحراره!!

بندر · #1 04-10-2006, 02:04 PM

مسّاكم الله بالخير ..

قصيده كتبتها فجر اليوم يعني نيو

,

,

إكل الحبوب الله يشافيك ياربّ=وخلّ إمْعَشوقك عقب طال إنتظاره
رحت وتركت إبيوته إيصبّها صبّ=يهتفبها قلبٍ تصاليه ناره
ترى الجدال اللّي على طاري الحبّ=أخير من هرجٍ عُقُبْه إنتكاره
راجعت نفسي وأثر مالي معك ذنب=ألاّ إنّي أحبّك وأحبّ إبحراره!!
صارحتك إبحبٍ معه خافقي شبّ=وحلفتلك والله معرف البوراه
كبّيت كلّ الناس من خافقي كبّ=مافيه غيرك معتلي فالصّداره
ياليت مالي قلب .. والاّ معي قلب=يفتح لك ومكتوب فيه إختياره!!
عزالله إنّي مستخيرٍ من الحبّ=الا أنت ماظنّي معاك إستخاره!!

,

,

وسلامتكم

الجامحه! · #2 04-10-2006, 02:42 PM

هلابك .. اخوي .. (( راعيها))
صح لسانك.. قصيده رووعه .... تسلم يمناك..
والله يعطيك العافيه..
لاهنت
ننتظر جديدك بكل شووق ..
تقبل فائق احترامي وتقديري .
اختك..((الجامحه!))