السلام عليكم ورحمة الله وبركاته..
الأخوة الاعزاء أعتذر لطول غيابي لبعض الظروف وأقدم لكم هذه القصيده أتمنى تنول اعجابكم
ياجعل يسقى لاغدت لي سهالات..وتروح ذالضيقه عساها تجلي
قدلي ثمان اسنين وتزيد ويلات..من حر شيٍ! بالضماير يغلي
أنا بوظيفه عاليه! وحلوها مات..كرهتها سبة حسد لي يهلي
من ناس لاترحم! وبالشر لي جات..ماهمهم لو رحت! لو جيت كلي
من قهري إنهم في وظايف مهمات..في بعضهم ناسٍ! رقوا بالتعلي
هاذي مصيبه يالربع داخل الذات..ضعف النفوس ومنها الدين قلي
كلما تقدم ذالزمن! ماضيه فات..وأندم سنينٍ ضايعه ماتحلي
طعم الحياة! اللي بها ذقت حسرات..أكتم لي بركانٍ من الغيض ملي
مدري وش الحيله! ولوقلت له هات..فيض الحمم! خله يطفيه غلي
تعبت من حالي! ومن كثر علات..قامت تجي صوبي عساها تولي
هاذي خطايا الناس من فوق زلات..وسط اللسان اللي حكا وقال ياللي
عشت السعد وأنت الذي طفت عثرات..وسط الحياة وصبت منها التسلي
ثم صحت بأعلى الصوت وأقول لعنات..يالله عساها تجتمع ثم تجلي
كل من بغالي من عسير المضيقات..وكل من بغالي يصبح الهم ظلي
جاني الملل في كل لحظه ولحظات..أحس بالضيقه تزيد وتعلي
تقرب! وأنا أبعد! على جر ونات..أشوفها تقرب كما قرب خلي
دورت حلٍ وسط كثر الشهادات..وأخذت منها بعضها وقلت ياللي
سموك بإسم الواسطه بكل ماجات..كبر السوالف ولا حاجاتها اللي
تحتاج لك!! وآجيك دايم بحاجات..وتقول راوح في مكانك وولي
تنسى الرجاوي منك في وقت همات..نجري لها وأنقول إرحب وهلي
ياشينها لاصرت محتاج فزعات..تحسب حسابك بالتغير وباللي
لامن طلبته! صد عنك تعنات..خلاك تجمع من قهر فوق ذلي
وياشينها لاصرت راعي محاتاة..ولا تنول اللي في بالك على اللي
ترضاه نفسك كل وقتٍ وحزات..تبغي المعزه من عطاها تشلي
هذا وأنا صابر وأدور علاقات..ولا لقيت اللي نفعني بجلي
يالله عطفك بالعسر والمسرات..إلطف بعبدك كل وقتٍ وحلي
17-03-2007, 08:54 AM
العرض المتطور
