السلام عليكم ورحمة الله وبركاته
حبيت انقل لكم هذه القصيده للشاعر الكبير والاسطوره سعد الحريص
واتمنى ان تحوز على بعض من رضاكم
هب جنوب وطاح بـرد المكاتيـب=ويا كثر ما هب الجنوب وذكرته
يملا حضوري من حضوره وأنا أغيب=ويا ما غيابي في غيابه حضرته
إن جاء مطر صارت له ضلوعي شعيب=وإن راح ريح طيَـر إللـي بذرتـه
جنَبت لو مالي عـن الدمـع تجنيـب=من وين ما هـاج بجروحـي شعرتـه
طال السكوت و ما لصمتي مطاليـب=غير الكلام إللـي وقـف وإنتظرتـه
واااا صمتي إللي صار في عيونهم عيـب=واااا جرحي إللي لو فضحني سترتـه
لي صاحبٍ يملا كفوفـه تراحيـب=لولا الحيا مـن ضحكتـه ما إعتبرته
يا صاحبي ما هـي عليـهَ مقاضيـب=عذروبي إنك ذخـري إللـي ذخرتـه
عذروبك إنـك شوهتـك الأكاذيـب=وعذروبي إنك جاك طيـب ونكرتـه
إن جيتنـي بفـراق زود العذاريـب=بجيك أنـا من زود صبـر صبرته
للطيـر جنحـانٍ وريـش ومخاليـب=لكـن يضيـع صيدتـه فـي غبرتـه
ومن جزم نفسي يوم صار الردى طيب=حلمي قبـل لا يكسرونـه كسرتـه
ومن راح مني قلت ياعلـه مصيـب=دورت لـه عـذر كريـم وعذرتـه
إللي يبي بعـدي أنـا مانـي قريـب=أمـا ربحنـي ولا أنــا ماخسـرتـه
قلبي خويـي مـا لقلبـي معازيـب=إللـي حقرنـي مـن رداه إحتقرتـه
رغم الجروح إللـي بقلبـي معاطيـب=حبيـت كفيـن الزمـان وشكرتـه
............وسلامتكم...........
16-01-2007, 08:17 AM
قصيدة الاسطوره سعد الحريص ((هب الجنوب))
العرض المتطور
