قوم من نومَتْك ياعزّام أنا رافع قضيّه=والوعد فالمحكمه وأنا بحضّر لك شهودي:)

[بندر]

قوم من نومَتْك ياعزّام أنا رافع قضيّه=والوعد فالمحكمه وأنا بحضّر لك شهودي
جيتنا ياصاحبي ماذقت بنّ الشاذليّه=وأنت قدرك يالسنافي مايوفّيه القعودي

[شيخ المراجل]

الله الله .........
مبدا يحمس وان لكم من المتابعين.

[عبدالله العبيد]

اقتباس:
قوم من نومَتْك ياعزّام أنا رافـع قضيّـه

ودي ارد بس انا عبدالله ماني بعزام

[عـزام]

اررررررررحب يا راعيها

ويالله سترك ما احبّك للدعاوى والمحاكم


استلم..

المحاكم تنعقد للى مشى درب الخطيه=والسعودى ما يطالب في دعاويّه سعودى

ما على مثلى ذنوب ولا على مثلك زريه=يا عسى بيتك عمار العز يا فهد الفهودى

[عـزام]

شيخ المراجل

حياك الله يا السنافى ولاهنت على المتابعه

عبدالله العبيد

حياك الله وانت ودك ترد على كل طاروق

ولا هنت على المتابعه

[بندر]

طيّب طيّب ياعزام ..
,
,

التطوّر ماينسّينا السّلوم الآوليّه=ومثلك وشرواك عرفه مطمعه وإيزود..زودي
الله إيسامح الأمير اللّي قطع دربك عليّه=منت في طاعتْه ياعزّام ملزم وإمحدودي

,
,

[عـزام]

يا سلام يا سلام يا راعيها

استلم لا هنت..

عقّب اللى يترك سلومه ويخلف من خويه=الخوى يلزم خويّه لو تبيحنّ السدودى

بارك الله فى محل اهل الوفا واهل الحميه=المكان اللى جمعنا مع عريبين الجدودى

[بندر]

الله الله
إستلم ..
,
,

خلّنا من سالفتنا يازميل العسكريّه=دارك التحرير وآنا ديرتي يمّ الصمودي
قومك إيقولون حنّا قوم: (هيّ وهاي هيّه)=عطني الحجّه وثبّتها لي وحلّ العقودي

,
,

[شيخ المراجل]

راعيها...................عزام .............ابداع منقطع النظير .


تراني متابع بشده.

[عيد بن شدقان]

الله الله الله


يا شعّار

صح السنتكم


وانا في صف عزام ضد راعيهاا