تكفووووووون ياعيال

مهرة الخيل · #1 31-05-2006, 03:28 AM

عـهـدي بـهـا قــدام تلـبـس عـبـايـه = وأنـا بعـد قبـل ألبـس شـمـاغ وعـقـال

طفلـيـن نتـهـجـا حـــروف الكـتـابـه = الله يامـجـمـل سـوالـيـف الأطــفــال

كانـت لنـا فــي كــل شــارع حكـايـه = وكنـا نـقـول عـلـوم مـاهـي بتنـقـال

وكـنـت أتـقـاسـم مامـعـاهـا مـعـايـه = مـن آيسكريـم التـوت لعلـك أبـو ريــال

وكـانـت بعكـسـي شـاطـره بالـقـرايـه = تقـرأ جــزء عـمـى وطــه والانـفـال

وانــا لــك الله مــن مــواري غبـايـه = مـدري أبـو نقطـه هـو الـذال أو الــدال

وكانـت لأبـويـه تشتـكـي مــن شقـايـه = وتعلمـه كـيـف أربــط الـبـاب بحـبـال

يامـا علـى ظهـري كسـر مـن عصـايـه = يقـول لـي خلـك وأنــا أبــوك رجــال

وأمــي تـقـول إدع لـولــدك الـهـدايـه = خوفـي يصيبـه كثـرة الـضـرب بهـبـال

لاشفتـهـا مـــع أول الـــدرب جـايــه = ماأدري أنـا اللـي ملـت وإلا الوطـاءمـال

أحــس قلـبـي يرتـجـف فــي حشـايـه = ماكـنـه إلا الضـيـف لاهــز فـنـجـال

يـامـا عــن السعـلـي تخـبـت ورايــه = لاخوفوهـا فـيـه ثــم شـافـت ظــلال

تـقـول ... خـلــك يا(....)مـعـايـه = وأستانـس ألـعـب عنـدهـا دور الأبـطـال

وأغـاااااار حتـى مــن عـيـون أصدقـايـه = لاطالعوها!!!قلت...تكفوووووووووووون ياعيال

سند · #2 31-05-2006, 04:17 AM

وأغـاااااار حتـى مــن عـيـون أصدقـايـه = لاطالعوها!!!قلت...تكفوووووووووووون ياعيال

مهرة الخيل

صح الله ألساانش ولاهنتي ياطيبه

ولاتحرميناا منش ومن جديدش

تقبلي أطيب وأرق تحياتي,,,

سعد القوي · #3 31-05-2006, 04:19 AM

لاهنتي

ظلام الليل · #4 31-05-2006, 08:15 AM

اللة اكــــــــــــــــــــــــــــــــــــــــــــــــ ـــــبر على القصيدة الوافية الجزلة

قسما" باللة اني ماسمعت زيهااااااااا
صح اللة لسانك((((((((( يامهــــــــــــــــــــــــرة الخيل)))))))))
واللة يبيض وجهك على القصيدة الوافية

وانااااااااااااااااااااااااا بنتظار جديدك على احر من الجمر

وتقبلي تحياتي
محمد بن ماجد الدويش
الصمان

м8ąĐїṜ · #5 31-05-2006, 12:01 PM

من آيسكريم التوت لعلك ابوريال

صــح لســـانك اخـــتــــي ظلام الليل

ولاهنــــتــــي على الإختيـــار الرائع( )

وانا اظن ان فيه واحد مغنيها اسمه؟؟؟؟محمد احمد

تقبـــلـــي تحيتـــي

ظلام الليل · #6 31-05-2006, 12:04 PM

حدد موقعك
انااااااااااااااااااااااا رجال مو بنت يوم تقول ((( اختي )))

بس اتوقع خلطة املائية

وتقبل تحياتي
ولد شيخ امطير
بن ماجد
الدويش