بسم الله الرحمن الرحيم
السلام عليكم ورحمة الله وبركاته
ثقافه واستعراض شعري وفتل عضلات وأثبات شاعريه
صوت وصدى من اجمل ما قرأت
بين ملك الساحه الشعريه (هلتر الشعر) محمد إبن الذيب
و(النابغه المهناوي) ماجد ابن مهنا
هاذي قصيدة , محمد ابن الذيب
ياليل خير وماذكرتك يوم جيت الا بخير = ماينخدم بخيل لكنك بخيل وتنخدم
لاهين الا الهينه ولا عسير الا العسير = ولاذميم الا البخل ولا حميد الا الكرم
واللي تعدى مرحلة لابداع والنجم الخطير = ان صبها صب الذهب والارسمها لك رسم
وش فلسفة سقراط والا وش كتابة شكسبير = الى تلاقت حنكة الشايب وطيش المنفطم
واستؤمتها وسميت باسم الله وقلت الا يصير = سوت سوات المتنبي,واسمعت من به صمم
لاني على الدرب الطويل اجري الدرب القصير = وامر شمطان اللحى لاهل الشنابات العصم
الصف الاول ماهو بصفي ولا الصف الاخير = انا .. انا من حيث ما أجلس هنا يبدا الرقم
شاعر لياحرك هجوسي رايح الغربي عصير = سمعتك احلا ماكتبت من القصيد المنتظم
وان صاحت بيوت القصيده صيحت الحر الأسير = اجيك كني قايد الحمله بجيش المعتصم
والى بغيت انافس الشعار واولهم جرير = قلت البيان يصير من سحر والشعر حكم
ياشعب كشمير انت تبغى حق تقرير المصير = وانا لو الا وضاع بايديني على ذيا الخشم
لكن شاعر لامعي ذمه ولا عندي ضمير = ما اعرف الا جرت المنكوس في راس الحزم
لكن ياجراح والناقه ماهي بمثل البعير = تعال باعلمك والتدخين مايبري الألم
البارحه يووم انصحك وتقو لي ياعم .. طير = اسلوب خايس بس من حقك لكن وين العشم
لو ان ربي هادي ن بك لو يهودي من نضير = ترى النبي اكد على انها خير من حمر النعم
وان كانك مصمم على التدخين ولا لك مطير = عليك بالمالبورو الله لايبارك با لألم
والى بغيت نغوص للمرجان فالبحر الغزير = ولاتهون من القلام الزرق دور لي قلم
وان مالقيت الدفتر موضح على ضهر السرير = اشتر لنا دفتر جديد ابو ثلاثمية رزم
واول نصيحه من شوير يسوقه لاغلا شوير = الخال لاوصيك اذا غلط والعم عم
حسن التعامل يجمل الرجال فعيون النضير = مثل الصبر لمّارسين هواية صعود القمم
واخر كلام احاول اختصره لك بموجز قصير = لارحت تبغى المطعم وجيت ولقيته مزدحم
مفروض ماتضرب هرن وان جا لك الهندي يسير = حاول يكون اسلوبك مهذب وشكلك محترم
ترى الغنيمه سندويشة جبنه وقوطي عصير = وجهة نظر واكيد تفهمها وغيرك مافهم
ترى الحقير اللي بدون اخلاق ماني بالحقير = والغالي اللي جنسه شوي ويكاد ينعدم
لكن لا تذكر مطاليق الرجال الا بخير = الا وله..على شحم,والثانيه..على شحم
ترا النشاما فالزمن ذيا مثل كيس الشعير = ان ماكلته البل ياستار تاكله الغنم
وان هملوني ربعي عتيبه وخلوني مطير = اشره على العجمان والمره وانا بن لاعجم
تصدق اني قبل قرنين مضت كنت الا مير = ماغير ابني من عظام القوم صرحي واهدم
لكن من جا فالحكم بانجلترا توني بلير = وان يديني تنجرح حتى من اشواك السلم
غديت طيرٍ ناشبه رجليه في سبق الجرير = الريش حت ومابقى الا الجلد وحتات العظم
وان قلت بشت الراعي وش جابه مع بشت الوزير = قلت الخياط اهو الخياط الفرق في طول الكمم
لكن على طاري العروبه وين موسى بن نصير = ترز الا علام وعربنا مايرز الها علم
لابارك الله بالقناصل والسفاره والسفير = ونضيق وتضيق الملوك وتبتلش فيه الخدم
وش موزي الحجاج يو انه يشهر فالزبير = الا السنين العوج والنيات واولاد الزلم
لو اكثر الحكام يمرض واكثر العالم يسر = جراح تعبير الغلا بالقلب ليس بالقدم
لو احنا نواكب تطور هالامم ونستنير = صرنا ملوك الا رض والنيران في راس العلم
الى متى .. والروس تحنى غصب والواقع مرير = ونحنُ خير امة قد اخرجت بين الا مم
ان كانها بالكبر والقوه فغير الله صغير = الم ترى ؟ فيل ابرهه ولم ترى ولم ولم ؟!
شعوب فينا الذل له ممسى ومقيال وهجير = اراءنا متشتـته وافكارنا ماتنخدم
فينا الغني من البذخ يتفل على وجه الفقير = وعلى وجيه العافيه شرهة عيون المنحرم
والاشعريين اول كانوا وهم جمعٍ غفير = اذ جا منهم شخص واحد حفزوا فيه الهمم
تجمعوا ثم جمعوا مايملكونه في حصير = وتقاسموه وبالتساوي كل بيتٍ له قسم
حتى ذكرهم هادم الا صنام ابو وجهٍ منير = قال بما معناه هم مني وانا منهم
لكن نضره من تفاؤل تفعل الشيء الكثير = ومن باب شد وأرخ للعشاق من سهمي سهم
لانني شاعر واحب وذي طبيعه في خضير = وخضير تاسع جد..عاشر جد..مادري المهم
اللي غلاها من ورى الشريان والظلع القصير = جروحها فالقلب ياجراح عيت تلتئم
ياللي على الطاري قهرك الدرب واتعبك المسير = توك تلهم لي وانا من قبل اشوفك ملتهم
دامك خذيت الروح من بين الحنايا ياخشير = ارحمني الله يرحمك والله يرحم من رحم
اسير في رمضى وصالك والغنيمه زمهرير = فرقاك لين اصبحت اسطوره تحاك بكل فم
يالا فيا من مقلتي دمعا منقطع النضير = قد اتسم بما توقعته وقد لااتسم
تثيرني وبقدر مانته تستطيع انك تثير = اتقى عروق القلب واعتها واقساها سقم
ياراس حربه ياظهير ايمن ياتدري..لا ظهير = الا فديت عيونك الثنتين وانته تبتسم
لبيك ياديباج ياإستبرق ياسندس ياحرير = يالؤلؤن مكنون ولولو في جيدٍ منتضم
في جيدك الألحاد والفتنه وفي منحرك غير = اللات والعزى وماتدعي به قريش وصنم
لكن ياكشمير وش تبغى بتقرير المصير = خلك سواتي والعب المنكوس في راس الحزم
..........................................
وهذا رد ماجد ابن مهنا
يا ( محمد ابن الذيب ) صار بذا الزمن مالا يصير = الصدق حربه وانثنت والحق سيفٍ منثلم
أنت لك مبدء , ولي وجهة نظر واظن غير = تختلف في ناظري من الوجود إلى العدم
انا على ظهر الفرس , وانتَ على ظهر البعير = والمسـافه سـرمديه لا تخص ولا تعم
عيش فالدنيا كبير .. تودع الدنيا كبير = وعيش فالدنيا قزم .. تودع الدنيا قزم
من يوم طريت العرب وانا دموعي في مغير = لكن الشرهه على قــواد في هيئة صنم
عمرك سمعت الفارس اللي يسرج اظهور الحمير = اما قتل والا نجى بس النهايه منهزم
والناس قالوا من ربح فالمعركه يضحك أخير = الأوله قدها لنا .. والثانيه للي فهم
قلي على الأسلام من هو في عروبتنا يغير = النادرين شوي والنادر يكاد ان ينعدم
والشيخ ابن لادن على ماقيل ماسمع به شوير = باع دنيا تغبن الرجال وتعز الرخم
والشيخ ياسين المعاق القادر النجم الشهير = في ذمتي ما اشوف غيره في عيوني من نجم
الله يرحمه .. ويقدينا على ثارٍ يثير = كل قــواد العرب ويعود ذاك المعتصم
يعني إلى من وقفت نبضات قلبك يا بلير = يمكن ان بوش الأبن يرسم تعازيّه رسم
وأنا اعتزلت من السياسه لأنها شيءٍ خطير = يمكن تروحني وطي , ولا بتعدمني عدم
خلنا فالفلسفه والشعر وابساط الحصير = والكايده للكايدين .. والرخيصه للجلم
عمر طعم الفلسفه ما يشبع اطموح الفقير = كل مابدى فلسفه التاجر يقول: انكتم
المستحيلات الثلاث المعجزه قطع النظير = الغول , والعنقاء منها , والصديق الملتزم
واقولها واقع قناعه وقتنا مافيه خير = يعني اليا جات طعنه من خوي لا تنصدم
والعشير اللي تنكر ما بدى له من عشير = جرح ما يبري دواه ومايطيب ويلتئم
الزمن دولاب بيرٍ والموارد وسط بير = لا ارواك مره اغتنم منه قبل يردم ردم
شيب الطفل الرضيع واعتمى الرجل البصير = والعرج غاية مراده بس سجات القدم
وشلون يطمع باللبن اللي يحبون المضير = لرتفع خشم الرعاه ولااحقرو راس الغنم
زلزال تسونامي عثا بالهند في يومٍ مرير = والبلاد اللي تجاورها وعباد البهم
لأنهم مافرقوا بين النذير امن البشير = والله يبلى من يشاء اعراب والا من عجم
مولج الليل النهار وعكسه بفلكٍ يدير = سبحانه اللي نور وجهه يضوي الليل العتم
والمطوع لا تطوع يلبس الثوب القصير = ويحتزم حكم الشريعه واشهد انه محتزم
يا رجال الهيئه اللي وجهكم دايم منير = جعلني فدوه اللحاكم يا قويين العزم
اسمحوا لي مالها في حشا جوفي خشير = ونيتي بيضا ولا لي مع هل الشينه سهم
ايه شاعر .. بس شعري ما ينسيني المصير = كلنا للموت مير الختمه تبغى ختم
الله يحسن خاتمتنا بيوم عبسٍ قمطرير = تشخص الأبصار فيه وشاب راس اللي فطم
الراجفه , والواجفه , والقارعه , يوم النذير = ينفخ الصور وينادي .. قد دنا يوم الحسم
اقولها وانا ولد عبدك وعبدك يا قدير = ترحم الشايب وترحمني وترحم من رحم
الكدر أكبر خوالي والحزن كنه قصير = والدموع امن الجماعه والهموم اعيال عم
يعني نكسات الزمن ما عاد تعني لي كثير = كنت آتحاشاها ولكن للأسف ماتحتشم
لا قلت يا حظي مشينا قال لي يا اخوي وير = ما تدري أني ميتٍ قبل آحيى منذ القدم
الحظ ملعون الثوى بلعون ماعنده ضمير = صرت اترجا من عجاجه بس مايبري الألم
مافيه نخوات ( الدواسر ) لفزعوا للمستجير = وعيا لايسوق الديه على الجدار المنهدم
ابيه ياسم لي عصاي ويجبر القلب الكسير = ازهمه وانخاه لكن كني اللي مازهم
مالي مع قربه نصيب ولا على بعده مطير = للأسف ماهيب هقواتي ولاهوب العشم
واثق الخطوه ملك وان كان عينته امير = عيشة الدنيا كفيله تجعله ضمن الخدم
طرى على بالي شعر وقمت اتفكر واستخير = واتذكر الأعلام واللي قد علو راس الهرم
الليالي مستشار وصرت حضرة مستشير = مالي الا دمع عيني لا انكسر راس القلم
ابو العلاء اللي مرض ومن المرض اصبح ضرير = واصبحت دنياه في عينه كما لون الجهم
والفرزدق بالنقائض قد تفرس في جرير = بس شعر العاطفه جرير نارٍ في علم
صار له سبعين عام فالنحر مثل الشطير = بس تاب واستناب وربك اللي به علم
فالجاهليه لو ذكرنا عنتره والا زهير = ما همشوا شعرٍ بدعه الشيخ جلال الفرم
والا ابن لعبون اللي قد كسا شعره حرير = والسديري فالنبط رايه على راس الحزم
ومحسن الهزاني اللي سخر الطرق العسير = والعطاوي في قصيده معتلي اعلى القمم
ومحمد ابن حفيظ , واهل الست , والقوم الظفير = و راكان ابن حثلين , وشالح , والعواجي , والفغم
ولو ذكرا او نسينا الشعر بحرٍ غزير = سموه ديوان العرب والمسأله ماهيب أسم
بيّن تواريخ العرب والطيبين امن الحقير = وسجل امجاد الصوارم والزمان المنصرم
للوفاء حمال مسك وللغدر نفاخ كير = وللصداقه برد أحياناً واحياناً حمم
الحباري فالحما والحر عاجز لا يطير = يا ( محمد ابن الذيب ) عان المسأله تبغى همم
لو صار في تنهيدتك ضيقه وعبرات وزفير = لو سلمت العاقبه غيرك توهق ما سلم
لاتضايق والدهر لو شب في جوفك سعير = نصيحتي تسمع عبادي لعنبو نجوى كرم
الزير يوم انه تردا بذبحة الفارس جبير = ياعنك ابن عباد والله العظيم انه شهم
وش حالة اللي مضطهد امن السفاره والسفير = مالقى في غربته الا زنازين القسم
لو شكينا للوزاره يمكن يضيق الوزير = كن عيشتنا هنا جمعية الصم البكم
والقافله تمشي ولكن وش نهاية ذا المسير = انخاف لامن ضيعت نجرح اصابيع الندم
انولد حلمي صغير .. ومات من عاده صغير = واحمد الله .. دام عافيتي من اكبار النعم
العلم نورٍ بس .. قلي من هو وده يستنير = اهدافنا وغاياتنا متناقضه ما تنسجم
من يوم جيت القيصريه داله بحزة عصير = عرّض علي خشيف ريمٍ قد شبحته في حلم
بجمس سوبرمان مابه غير خدامه وعير = وقد عطبني من عيون الفاتنه كذا سهم
جتني وقالت:مرحبا , قلت:ارحبي يا زمهرير = قالت:اوصف لي طريق الخرج ودي بالدلم
قلت : العفو مادلها وأنا على في وهجير = اكذب عليها وارحلت وتقول : ذا ما يحترم
صارت غنيمة غزوتي اقل من صاع الشعير = خرجت انا بخفي حنينٍ وارفضت اخذ الرقم
وسلامتكم
عقاااااب
06-12-2005, 02:35 PM
العرض العادي
