صــــــواديــــــــف الاقـــــــدار

محمد عبيد ال ذهيبان · #1 22-06-2005, 01:22 AM

البارحه يوم القلم بالورق سار=

ابديت علم(ن) بالحشا موقد له

سويت لي دله بها بن وابهار=

ودكت هواجيس الفكر مستهــــله

روابع(ن) مابينهااصغار واكبار=

وقالت تخير بين دقه وجله

وجلست انقي من جزيلات الاشعار=

في خايع(ن) مافيه منهو وصل له

للي سلب عقلي وخلاني احتار=

ةخلى بوسط القلب نسعين عله

غرو(ن) ركز فالقلب لوحه ومسمار =

اسس قواعدها وثبت محلــــه

سيطر على قلبي وعقلي والافكار=

واجيه كلي لابقى حاجه(ن) له

أمشي على شانه على حامي النار=

واضحك واقول ياجعلها فدوت له

له في ضميري زود حشمه ومقدار=

لاشافته عيني حرام(ن) تمله

هو الذي يفرق عن البيض بشعار =

ابزينن ومنطوق(ن) وعقل(ن) يدله

خده كما بدر(ن) يشعشع بالانوار=

خمست عشر ليل(ن) بحسب لـهله

له اشقر(ن) من فوق الامتان نثار=

ذيل الاصيل اللي عزومه تشلــــه

اخشيف ريم(ن) مشيها بالتمخطار=

ا تقود خشف الصيد دقه وجله

مادوجت بالسوق ولاتتبع الطار=

مصيونت(ن) فالبيت عن كل زله

بنت الرجال اهل المواجيب والكار=

امردده ما بين سيف(ن) وسله

تخشى من المنقود والعيب والعار=

ودرب الردى ياناس ماهي تدله

من بيننا عهد ومواثيق واسرار=

وحب(ن) على وضح النقا شاهد له

حلفت انا ما انساه لو صار صار=

مرخص غلاه لو املك الكون كله

لا كن جار الوقت والوقت غدار=

بعد جريح القلب عن غايتله

وغديت انا بدار وهي صارت بدار=

والكل منا محتسر في محله

حسبي على بقعا وصواديف الاقدر=

شنت حروب بدوله(ن) مستقله

لا ياوجودي وجد من طاح منهار=

جاه الخبر في دفتر(ن) مرسلله

ساعت قرا المكتوب طار العقل طار=

موتت هله في حادث(ن) فجعتله

ابيه وامه ماتوا واخوانه اصغار=

مالهم سواه وكل هم(ن) يكله

لامن نظرهم هلت العين بعبار=

شاف اليتامى بين حرم ومذله

لابه صديق(ن) يستشيره ليا شار=

وليا انعقد عقد(ن) صعيب(ن) يحله

دارت دواليب الدهر والفلك دار=

ودورات بقعا فالعرب مستحله

يالله يا منشي هماليل الامطار=

انك تعين اللي فقد شوف خله

وسلامــــــــــــتكــــــــــم

قبلةالعجمان · #2 22-06-2005, 01:36 AM

سيطر على قلبي وعقلي والافكـار
واجيه كلـي لابقـى حاجـه(ن) لـه

أمشي على شانه على حامي النـار
واضحك واقول ياجعلها فـدوت لـه

له في ضميري زود حشمه ومقدار
لاشافتـه عينـي حـرام(ن) تملـه

صح لساااانك ...
قصيـــــــــدة اكثر من راااااائعه

لابه صديق(ن) يستشيره ليا شـار
وليا انعقد عقد(ن) صعيب(ن) يحلـه

دارت دواليب الدهـر والفلـك دار
ودورات بقعـا فالعـرب مستحـلـه

يالله يا منشـي هماليـل الامطـار
انك تعين اللـي فقـد شـوف خلـه