آخر عباراتي وداع , وآخر طموحاتي رحيل ؟ /// جيتك وكبدي ناشفه , وأقفيت وكبدي ناشفه !

[ عسّاف خيل ] · #1 02-07-2011, 02:05 AM

,

السلام عليكم
مساء / صباح الغبار

تواصليّه : )

مايطرب الهاجس ولا يبحث خفاه ؟
إلا طواريقه براس ( النايفه ) !

والحد مايمضي الين ما افتق شباه
ولا يجيب الراس , غير الكايفه

يدق هاجوسي مع دقّه هواه ,
ويهيض حتى تنعسف عسايفه

لاحنّ رعّاد المخايل من سِماه ؟
شرّعت باب كنت ؟ قبل مسايفه

باب الغلا للي خذا عقلي حلاه
وإشتقت لـ محاكاه , ولـ طرايفه

غديت من دون الخيال ومن وراه
واتعبت فكري في رسم ( وصايفه )

لله درّه , زين خلق الله ( خذاه ) !
لا يابعد ؟ طوايفي , وطوايفه

من يوم شفته والهوى في مبتداه
حسّيت بأن كنّي من أول شايفه !

يرتع بروحي من خلاه وفي خلاه
( بالي ) شتاه , ومهجتي مصايفه !

العين ؟ لـه صدر الشمالي لـ خوياه
والقلب له جوّ الجنوب , ( وطايفه ) !!

واللي يزّود داخل اعماقي ( غلاه ) ؟
لا قام ( ينّشد ) , يحسب إني عايفه

وانا ( ربيعي ) لاخذت يدي يداه ؟
ثم عانقت نحايفي , ( نحايفه ) !

ونسيت غربالي وهو همّه نساه !
وعشنا معاه ( تنْ ) الغرام ( وفايفه ) ,

يضيع تركيزي , وأضيّع الإتجاه :-
لاعّظ بـ أسنانه ( طرف ) شفايفه

وانسى وش أسمي لا طرق سمعي حكاه ؟
إحساسي ( وحواسي ) .. ولايفه !!

عرفه معرّفني على ( معنى الحياه ) ؟
تعدّدت .. في دنيتي , ( وظايفه )

يظيفني ( ماسنجر ) وإلا بلاه ؟
نبضي ( بكرّيات دمي ) ظايفه !

كم مرّه قد سقت رجلي في نحاه ؟
ماعوّدت من دون وصله خايفه

يفداه منحوت تناقله , الرواه ؟
ويفداه مطبوعه , وشهره زايفه !

ماراح أكيد انّه خذاه اللي عطاه ؟
على العظيم المقتدر خلايفه ,

من ذاق لذّات الهوى بأول صِباه ؟
تكثر إليا طال العمر .. ( حسايفه ) !

مخرج :-

الحبّ ماهو كل شيّ , إذا وقّف حظٍ بخيل !!
قلوبنا أصفى من العسل , بس الظروف مصالفه

لا للندم لا للتعب .. أو شي من هذا القبيل ؟
وانتِ ماجاء منّك ( خطأ ) ؟ حتى تقولي : آآسفه !!

من غير ليه إستسلمي , وإستلهمي صبرٍ جميل !
ولا تسأليني : وش بقى ! مالك بـ طول السالفه ,

قولي لهم ياعزوتي , ما عابنا موت النخيل !
إللي يوافيها ( الأجل ) وتموت وهي وآقفه ,

آخر عباراتي وداع , وآخر طموحاتي رحيل ؟
جيتك وكبدي ناشفه , وأقفيت وكبدي ناشفه

النص لـ عوض أبو فقايا
والمخرج لـ مساعد الرشيدي

. . . . . . . . . . . . . . . . . . .