اهداء للشيخ احمد الفهد الاحمد الصباح

قلبي معاهم · #1 15-07-2011, 09:02 AM

السلام عليكم ورحمة الله وبركاته

سلامي ياشيخن رفع رايته فوق
روس الجبال النايفات الطويله
* * *
احمد فهد الاحمد ولافيه مخلوق
سوا سواته فالامور الثقيله
* * *
حرن شهر نفسه مع الناس مرموق
يضرب على الكايد ولافيه حيله
* * *
ريف الضعيف اللي من الهم محروق
ماله جدى فيها ولامن وسيله
* * *
مثل السحاب اللي رعود وبروق
محي الثرا من عقب ما سال سيله
* * *
ياراعي الحرشا ترا الطاق مطبوق
افزع معي يابن الشيوخ الاصيله
* * *
لك عادتن بالطيب مانته بمسبوق
يامقدر اللي في محلك يجيله
* * *
كل المراجل في سموك لها ذوق
يابن الشجاع اللي فعوله جزيله
* * *
يوم العدو طوقن ورا طوق في طوق
وقف لهم واحرق فصيله فصيله
* * *
يكتب له التاريخ ويشتاق له شوق
شوق الخليل اللي تمني خليله
* * *
مرحوم ياشيخن على ذكره نتوق
شعبك يحبونك قبيله قبيله
* * *
وختامها صلو على خير مخلوق
على النبي اللي دعا بالفضيله

* * * * * * * * * * * *

وسلاااامـــــــــــــتـــــكـــــــــــــــــم