((الليل لجزال القصايد دواوين ... والخيل لعيال الحمايل مسره))

[عادل آل عمر]

ادارى موقع العجمان الموقر ...


الاساتذه المشرفين ..


اخوانى الشعراء ..


الاعضاء الافاضل ..

كل عام وانتم بخير



وعيدكم مبارك ..

الليل لجزال القصايد دواوين
والخيل لعيال الحمايل مسره
والبن لدلال الرجال الميامين
والسيف لامن طاح فانشد مقره
ياابو على ناصر علومك عمى عين
اللى يبيع العز والا يضره
اشوف ياناصر متاهات والسين
مطلع سوال الشاعر اللى تمره
فى اليوم عشرين الف حاله وتخمين
شيطان قاف يشتكى ضيم شره
كل مابغى يوصف دلال المزايين
يوصف مزايين الدلال ويجره
عشق العنود اللى رقت بالغلا لين
صارت لقلبى كنز مكنون دره
اعشق سوالفها وتعشق جوابين
مااطيق بعدك وانتى انتى مجره
فيك الكواكب شامخه والغلا بين
تاجك وكرسيك وعرش يفره
الشاعر اللى لابغيتى تنامين
يكسيك باابياته ويوصفك حره
شيهانة ماتدهل المنهل الشين
ضمياتن رويانتن مستقره
ياابو على عادل غدى بين نارين
نار العنود ونار نار التشره
لاجاك مرسولى وشفت العناوين
ياناصر اعلم بان مثقال ذره
من هيبتك ومقابلى للشياهين
تكفينى امن العشق واللى يزره
لانك ولد عم وغم المعادين
وحزامى الضافى وللعين قره
جدانك الاحرار زمز الميادين
للحرب زلزال مكر(ن) مفره
اليا اقبلوا بتشوف قوم شياطين
مجنونهم فى الحرب لله دره
صالوا وجالوا والمعارك براكين
ثم هيمنوا واللى نسى لايغره
ضرب الطويله والقنا وام تاجين
واعلوم اخو نوره وكتمان سره
وان جاك مرسولى وشفت العناوين
ياناصر اعلم بان مثقال ذره
من هيبتك ومقابلى للشياهين
تكفينى امن العشق واللى يزره

[ابوحمد الشامري]

كل عام وانت بخير يا السنافي .

وصح لسانك على هذه القصيده الرائعه ولا هنت على ما قدمت.

ابوحمد الشامري

[راكان اليامي]

لاهنت لاهنت ياعادل وصح الله لسان على القصيده

[قبلةالعجمان]

صح لســـــــــانك ...

[حسايف]

وانت بخير وصحه وسلامه

وصح لسانك ولاهنت

[كويتيه]

صح لسانك اخوي عادل ولا هنت على هالقصيده الحلوه
لك مني كل التحيه

[هند]

مرحبا بالأخ القدير ( عادل آل عمر )
يعطيك العافية على الأبيات الجميلة

وكل عام وأنت طيب



السؤدد

[عادل آل عمر]

كاتب الرسالة الأصلية ابوحمد الشامري

كل عام وانت بخير يا السنافي .

وصح لسانك على هذه القصيده الرائعه ولا هنت على ما قدمت.

ابوحمد الشامري

ابو حمد ..


صح بدنك ...

والله لايهينك ..


شرفنى مرورك يالغالى ..


لاخلا ولاعدم ..

[عادل آل عمر]

كاتب الرسالة الأصلية راكان اليامي
لاهنت لاهنت ياعادل وصح الله لسان على القصيده

يامرحبا ياراكان ..


صح بدنك وقايل مايهون ..




احترامى ..

عادل ال عمر

[وردة&العجمان]

كل عام وانت بخير يا السنافي .

وصح لسانك على هذه القصيده الرائعه ولا هنت على ما قدمت.


وردة&العجمان