صباحك سكّر
وبهون بهون تأمل معي !
.
مبطي وانا بيني وبين الهواجيس=وقفة تأمل .. واستراحة محارب
عجزت لا افهم وش تقول الكوابيس=في كل ليل تمرْ .. والها مآرب
من حقي اوزن كل ما فات .. واقيس=واشمر ذراعي .. واسدد .. واقارب
وكان البحر قدمي .. وخلفي تضاريس=وبموت من حيتان .. والا عقارب!
سلّمت صدري للهوا والنسانيس=وسوّيت من نفسي لنفسي تجارب
شاعر معاناه .. وعذوبه .. واحاسيس=ومصامخٍ بين اللحى والشوارب
حتى ولو اعيش خلف الكواليس=تعرفني الاجناب .. قبل الأقارب
ثبّتْ عرشي .. بين كسرى وبلقيس=وانهار كسرى .. وانهدم سد مارب
وان كان مال الميل .. دون النواميس=رفعت كفّي لله وقلت ..يا رب!
لحّفني .. بشِدّة هل الخيل والعيس=اللي لها يوم المضارَب .. مضارِب
وجنّبني من ابليس .. وامْجالس ابليس=ابليس حربه حرب .. وانا مُحارب
انسان تغريني المظاهر وانا .. ليس=الاّ ! .. ضعيف ومنك واليك .. هارب
احلم .. ومن حلمي اشب الفوانيس= واصحى .. على وقع الفتن والمكارب
هذا زمان الدرس .. من غير تدريس=ياللي ليا هالحين .. تعمل تجارب
ان شفت بيضة ديك .. والا لبن تيس= حاول تصدّق عينك .. ولا تغارب!
.
( خالد حصيّن )
/
ودّي
18-12-2010, 02:38 AM
العرض المتطور
