اتصل بنا البحث up a3ln usercp home
 


العودة   ::. مـنتدى قبيلـة العجمـان .:: > الـمنتديات الادبيــــــة > :: مـنتدى الـشعر العــام ::

إضافة رد
 
أدوات الموضوع انواع عرض الموضوع
  #1  
قديم 23-08-2010, 12:06 AM
ناصر العظيمان ناصر العظيمان غير متواجد حالياً
 عضو نشيط
 
تاريخ التسجيل: Jun 2009
المشاركات: 443
سلّم وجا صوبي يقول : ابنشـدك يللـي تـزور ؛؛؛ عن حالة الدنيا وعن وضع الزمان وعـن هلـه

بسم الله الرحمن الرحيم

.
.


قصيده أعجبتني واحببت ان انقلها لكم !

.
.

يا الله وانا طالبك تغفر ذنوبـي يـا غفـور
ارجيك والجا لك وانـا سالـك واعيـد المسألـه

لوما تطهرنـي بعفـوك مـا تطهرنـي البحـور
جيتـك وذنبـي قـد تعـلاّ غاربـي يـا مثقلـه

أنا من الطين انخلقت , أخطـي ولانيـب معـذور
قامت علي الحجّـه بدعـوة رسلـك المرسلـه

مؤمن بتوراتـك و إنجيلـك و مؤمـن بالزبـور
و بسنّـة محمـد وآيـات الكـتـاب المنـزلـه

لكن خُدعت بزخـرف الدنيـا وزادتنـي غـرور
أبدت مفاتنهـا و ورتنـي مـن العمـر اجملـه

طبعاً بما إنـي بنـي آدم حصـل منّـي قصـور
واذنبت يـا مـولاي ذنـبٍ بالخفـا مـا تجهلـه

أسألك تغفر لي و تستر موقفـي يـوم النشـور
اليا القفت خلقـك صحايفهـا وهـي مستذهلـه

من يستلمها بالشمال افلس وهـو يدعـو ثبـور
ومن يستلمها باليميـن افلـح لخيـر المنزلـه

واسألك يا ربـي تعاونّـي علـى نيـل الأجـور
أحيا حيـاةٍ مكسبـي فيهـا مـن البـر افضلـه

واسألك جاهٍ مع هـل الدنيـا وحـظٍ مـا يبـور
أيضاً وعرفٍ مـع هـل الحكمـه ورزقٍ تكفلـه

من لا تهيّا لـه مقـامٍ مـع طويليـن الشبـور
يبكي على ما ضاع من عمره وخيبـات عملـه

وان شاب راسه لا ترجّى فيـه تجبيـر الكسـور
لا خير فـي تالـي زمـانٍ مـا تغانمـت اوّلـه

ومانيب ناسي قصةٍ صـارت وانـا ازورالقبـور
لازلـت افكـر فـي غرابتهـا وبالـي تشغلـه

ساعة ظهر لي شايبٍ له حول قرنيـن محجـور
في جوف قبرٍ عن هـل الدنيـا طـواه ويعزلـه

سلّم وجا صوبي يقول : ابنشـدك يللـي تـزور
عن حالة الدنيا وعن وضع الزمان وعـن هلـه

أنا مضى وقتي ومـرّت بـي طويـلات الدهـور
والباقـي بعمـري بعيشـه بينكـم واستكملـه

قلت : الزمان اللي يبارينا علـى خبـرك يـدور
الوقت نفسـه مـا تغيّـر ماشـيٍ فـي جدولـه

أما البشر , , , لا والله الاّ غير من حد الجـذور
صار انتقالٍ مـن يميـن الـى يسـار المنقلـه

استغرب الشايب من اللي قلـت وبليّـا شعـور
حط اليمين اعلىالشمال وخاطـره فيـه اسئلـه

قال : افتني عن حالة الشيبان والشيـخ الوقـور
أهل الخبر والراي والحكمـه وضـرب الأمثلـه

القدوه اصحاب الأمور اللي تطـاع بكـل شـور
اللـي يفضّـون النـزاع ويحكمـون المشكلـه


قلت : البعض منهم على ما قلت في وصفك وقور
قدوه ولكن رايهـم مـا ينفـرض فـي مسألـه

الطاعه العميـا بقـا منهـا مجاملـة الحضـور
اللـي تلاقيهـا مـع اوّل فـرصـةٍ متنصّـلـه

والبعض لا عبـدٍ يخـاف الله ولا عبـدٍ شكـور
لا زهّـده شيبـه مـن الدنيـا ولا هـو جمّلـه

بهيمةٍ يرجـع علـى منحـاه الاوّل ومحصـور
فـي لعـب بيلوتـه وريـح زقارتـه ومعسّلـه

والبعض الآخر شابت رموشه على درب الفجـور
ينقـل جـوازه للسفـر مـن مزبلـه لا مزبلـه

أشيمطٍ زانـي قضـا عمـره بحانـات الخمـور
والعايلـه ورعٍ يغـرّر بـه وبـنـت مهمّـلـه


قال : افتني عن حالة الخفـرات ربّـات الخـدور
اللي تصـان بـبيـت عايلهـا و بابـه تقفلـه

شيهانةٍ تشمخ عفاف وتصقـل فـروخ الصقـور
بين الفريق بـبشتهـا الضافـي وتـوبٍ تسبلـه



قلت : العـذارى فـي زمنّـا ببغـاوات الطيـور
تقليد هرج و عرض ريـشٍ خلفهـا تستخملـه

تلبس عباةٍ ضيّقـت حـول الردايـف والخصـور
فضيحةٍ تكشف جسدها مـن علـوّه لـاسفلـه

وموضة شيالٍ تكشف الوجنات والـوان الشعـور
والمحـرم تبـدّل بـجـوالٍ بيـدهـا تحمـلـه

لا فوّحت صفر الدلال ولا عرفت غـش القـدور
تطبـخ لـهـا خـدّامـةٍ بالعايـلـه متوكـلـه

الأم ما صانت عفاف البنت من عمـر الزهـور
والأب ديّـوثٍ تحكـمـه حـرمـةٍ مسترجـلـه

وشلـون يتربّـى عيـال ام التبـرّج والسفـور
الاّ خنـازيـرٍ دمـاهـا بــارده ومغـفّـلـه


قال : افتني بحال الشباب الصلب صيّـاد النمـور
الفـارس اللـي ينطـح خصومـه بزنـدٍ يفتلـه

الوافي الشهم الغيور اللي لعرض الجـار سـور
البار عند امّـه وابـوه وعلـم ربعـه يشغلـه


قلت : الشباب بوقتنا وجهه مثـل بـدر البـدور
والجسم من زود الرخا ما تنفتـل فيـه عضلـه

قصّـة شعـورٍ صيّرتهـم لا إنـاث ولا ذكـور
والثـوب راح ولا بقـى الاّ عـالـمٍ متبنطـلـه

ناسٍ ( فلنتينو ) وناسٍ تلبـس ( كرستانديـور )
صار التنافـس بينهـم فـي لبسهـم والجنتلـه

من كان يشرب من قرار البير مشروبه ( بيور )
والبل راعيها غدا يشـرب حليـب ( النستلـه )

مامنهم اللي قام دون اعـراض جيرانـه غيـور
من قام قالو , , وشـملقّف حضرته ؟ وشـدخّله

والوالدين حقوقهم ضاعت وعنهـم فـي نفـور
ان غـاب عنهـم لا تذكرهـم ولا جـاه الولـه

بدّا عليهم شلّـةٍ تهـوى الوطـا بيـن الجحـور
لو تعزله عنهم تبـي لـه شـان كنّـك تقتلـه

ما راح يوم يشارك ربوعه بحـزن ولا سـرور
حتى ابن عمّه يعرفه بالوجـه واسمـه يجهلـه

بدّل حكاه وضيّـع سلومـه وحالـه فـي دبـور
وان شاف ضيف يخش حتى انّه يفـارق منزلـه


ناظر لي الشايب بعينٍ تجمـع السبـع البحـور
يقول : انا لا يمكـن ادخـل مجتمعكـم واقبلـه

انتو لكم وقتٍ تصـدّع مـن بلاويـه الصخـور
ما يقعد الجمّال به ساعـه ولـو ضـاع جملـه


.
.

وسلامتكم

.................
عزالله صدق !
!!!!!!!!!!!!!!!!!

__________________


التعديل الأخير تم بواسطة ناصر العسكر ; 24-08-2010 الساعة 01:21 AM
رد مع اقتباس
  #2  
قديم 23-08-2010, 12:51 AM
عجميه ما تهاب عجميه ما تهاب غير متواجد حالياً
 عضو فعال
 
تاريخ التسجيل: Jul 2010
الدولة: فديـــــــــت الكـــــــويت
المشاركات: 1,584

صـح الســان شآآآآآآعــــــرهـاا ولآهنــــــــــت

عـــــلـى الطــــرح الممـــــيز وتقبــــل تحــيـااااتـــي

__________________

لا غڜاڪ الليل وأڛرف بڪ"الحزن العميڦ "جنب وجـيه البشر

وإسـجد لـلـــ{{..~ خلاّقها

رد مع اقتباس
  #3  
قديم 23-08-2010, 04:53 AM
ناصر العظيمان ناصر العظيمان غير متواجد حالياً
 عضو نشيط
 
تاريخ التسجيل: Jun 2009
المشاركات: 443

اقتباس:
المشاركة الأصلية كتبت بواسطة عجميه ما تهاب مشاهدة المشاركة
صـح الســان شآآآآآآعــــــرهـاا ولآهنــــــــــت

عـــــلـى الطــــرح الممـــــيز وتقبــــل تحــيـااااتـــي

مرحبا ومسهلا

التميز هو تواجدش

شكراً

__________________

رد مع اقتباس
  #4  
قديم 23-08-2010, 06:32 AM
خالد بن نفل خالد بن نفل غير متواجد حالياً
 عضو خاص
 
تاريخ التسجيل: Mar 2010
الدولة: AL KUWAIT
المشاركات: 6,185

صح لسان شاعرها
وتقبل مروري

__________________
استغفرالله واتوب اليه

رد مع اقتباس
  #5  
قديم 23-08-2010, 02:46 PM
عـآزمـي الـنـقـيـرهـ عـآزمـي الـنـقـيـرهـ غير متواجد حالياً
 عضو نشيط
 
تاريخ التسجيل: Mar 2010
الدولة: الـنـقـيـرهـ
المشاركات: 476

صح السانك والسان شاعرهااااا,,,,,,,,,,,,,





.,,,,,,,,,,تقبل مروري,,,,,,,,,,,,

__________________
أضــغــط على pLAY

]





[poem=font="simplified arabic,5,green,bold,normal" bkcolor="transparent" bkimage="" border="none,4,gray" t ype=1 line=0 align=center use=ex num="0,black""]

أضــغــط على pLAY ^^^


سـبحان الله والحمدلله

رد مع اقتباس
  #6  
قديم 23-08-2010, 10:52 PM
ناصر العظيمان ناصر العظيمان غير متواجد حالياً
 عضو نشيط
 
تاريخ التسجيل: Jun 2009
المشاركات: 443

اقتباس:
المشاركة الأصلية كتبت بواسطة الهتلاني88 مشاهدة المشاركة
صح لسان شاعرها
وتقبل مروري

مرحبابكـ

لاهنت على المرور الكريم

__________________

رد مع اقتباس
  #7  
قديم 24-08-2010, 12:27 AM
ضامي ضامي غير متواجد حالياً
 عضو فعال
 
تاريخ التسجيل: Apr 2006
المشاركات: 4,157

لاهنت على النقل المتميز

__________________


((تسلم ايدينش يا قوت القلوب ))

مَا جْيْتْ آبيْ مَدْ اليْـدْيْـنْ الشْحْـوحَهْ
ولاجْيْتْ ضَـامْيْ فْيْ رْجآ الغْيْرْ يْسقْيْه



سَـرّتْنْيْ آقْـــدآرْ الّـيَالْ اللحْوْحَـهْ
لَوْ كْآنْ مَسْرايَهْ عَلَىْ شَيْ مآبْيْه

رد مع اقتباس
  #8  
قديم 24-08-2010, 02:35 AM
ناصر العظيمان ناصر العظيمان غير متواجد حالياً
 عضو نشيط
 
تاريخ التسجيل: Jun 2009
المشاركات: 443

اقتباس:
المشاركة الأصلية كتبت بواسطة عـآزمـي الـنـقـيـرهـ مشاهدة المشاركة
صح السانك والسان شاعرهااااا,,,,,,,,,,,,,





.,,,,,,,,,,تقبل مروري,,,,,,,,,,,,

صح بدنكـ

تسلم على مرورك الكريم

__________________

رد مع اقتباس
  #9  
قديم 24-08-2010, 02:36 AM
معيض بن سالم معيض بن سالم غير متواجد حالياً
 عضو جديد
 
تاريخ التسجيل: Aug 2010
المشاركات: 26

شكرن على الطرح

رد مع اقتباس
  #10  
قديم 24-08-2010, 08:00 PM
ناصر العظيمان ناصر العظيمان غير متواجد حالياً
 عضو نشيط
 
تاريخ التسجيل: Jun 2009
المشاركات: 443

اقتباس:
المشاركة الأصلية كتبت بواسطة ضامي مشاهدة المشاركة
لاهنت على النقل المتميز

ولاشنت على مرورك الغالي

__________________

رد مع اقتباس
إضافة رد


تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 08:13 AM.


Powered by vBulletin® Version 3.8.0, Copyright ©2000 - 2026, Jelsoft Enterprises Ltd. TranZ By Almuhajir
Design And Develop By DevelopWay

تصميم : طريق التطوير
لحلول الإنترنت والتصميم DevelopWay.com