خذيت من ريقه شروب المولي= شروب اهل هجن قربهم مطواه

[روقي]

الامير ناصر بن عمر بن قرمله رحمه الله

عشق فتاه من قبيله غير قبيلته على نزاهه وعفه وكانت الفتاه واهلها نازلين عند قبيلة قحطان وعندما احال اهل الفتاه لجهه بعيده لطلب المرعى لحلالهم واقترابهم من قبيلتهم وقد قال بن قرمله هذه الابيات يصور مايعنيه من الم الفراق عن محبوته ويقول:وهو كان مع اخيها في بيتهم

ابكي وحطيت البكا سهمتن لي=هافت غصون القلب واصفن ركاياه

ابكي خفا واضحك بيان مع اللي=القلب مايدرون عن غاية اقصاه

قالوا لي العذال ماأخبلك ياللي= تبكي ولد ناس تفارقت وياه

قلت آهماأنسااللي حديثه يسلي=والله ماأنسا اللي تواجهت وياه

وعندما سمعت الفتاه القصيده طلت عليهم من ورا حجاب البيت وارخت لثامها وضحكت فأكمل ابن قرمله قصيدته

اللي ليامنه نوى ذبحتن لي= ارخا المليثم لين تبدي شفاياه
يضحك بحجر عالعين كله رضا لي= من خوفه يدري حد من دناياه

فشك اخو الفتاه والتفت على الرواق ولكنه لم يراها فنتبه ابن قرمله واكمل قصيدته ولكنه ابعد ديار الفتاه كي يبعد شك اخيها

العارض المنقاد من دون خلي= والمجمعه وسدير قاصي قراياه
خلي ورا العارض وانا فرع سلي= يا بعد ديرانه ويا قرب طرياه
مزين حديثه فوق فرشا وزلي=لا واحسايف يوم ماأبطيت وياه
خذيت من ريقه شروب المولي= شروب اهل هجن قربهم مطواه

[سلطان بن جفن]

صح السانك ولاهنت

على نقل الجميل والقصه الفريده من نوعها

تقبل تحياتي

اخوك
سلطان

[روقي]

ارحب يا سلطان بن جفن

وصح ابدنك وشاكر لك المرور

تحياتي ابن روق القحطاني

[فيصل بن حجرف]

لاهنت يالروقي
قصه جميله
وابيات اكثر من رائعه
الله يرحم ناصر بن عمر

[جالس بن مبارك]

لاهنت يالروقي
قصه جميله
وابيات اكثر من رائعه

[أخو رفعة]

يعطيك العافيه يا روقي

[تركي بن ماضي]

اسمع هالقصيد ولا ادري منهو له .


تسلم على الموضوع الحلو والرائع جدا جدا .