المضحى والغدااااااااء كل يــــوم وسط فيضه (صـــور)

[أبـــوسعـــــود]

السلامـ عليكمـ ورحمة الله وبركاتة ......

أخواني وخواتي أعضاء المنتدى ......

الكل خابر في هذه الأيام أن البر يغدي جنه من جنان الأرض .... سبحان من زينه بالماء والخضره ، وأن رواد البر في هذه الأيام يكثروووون دبل الدبل ... وهذه كله بركة المجلانات ( القارمن) جعل من صنعه للجنه .
لكن البر بدون ترتيب وبرامج لطلعات والكشتات يبقى ناقص .... وأهم من ذلك القياده أو الأماره لأحد الشباب الطيبن .


وحنا مخيمين هذه الأيام في جويات الهمل حدري دكات أم المصران .... ونبعد من مطينت الكهرباء الجيد مسافة 11كيلومتر .


ومن هذا المخيم كل يوم لنا أنطلاقه إلى أحد الفياض الجميله المليانه بالماء والخضار اللي يسر الناظر، ونضحى فيها ونتغدى بعض المرات وسط هذه الفياض .... وبعدها كل منا يركب على موتره ويتمشى على الفياض والدحول والبدوان ......إلخ .

ورجـــــوع للمخيم على مغيب الشمس ونبدا في متابعة التلفزيون وخصوصا القنوات البدويه الساحه الواحه ...إلخ ، ولعب الورقه لتالي الليل ...!!!


و ذلحين أتركم مع بعض الصور التى صورنها في الفياض عسى أن تعجبكم .......


1-صوره لطريقنا صوب الفياض .






2-الفيضه الذي يتم الأتفاق على المضحى أو الغداء فيها ... طبعاً مثل منتوا خابرين ساعه أو ساعتين على مانختار المكان ....
































3-بعد تحديد الفيضه.... يتم تجهيز المكان بالكامل من شبة الضـــو وإصلاح القهوه و فرش الزوالي ....إلخ .










4 – بعد ذلك يتم التصويت على الربع عن طريق الأجهزه ( الآيكم ــ الكنوود ) بالتجمع في الفيضه الفلانيه .
وأثناء التجمع تصادفنا بعض المعوقات البسيطه .... وهي طرااااات البر .












5-يتم التجمع ونتفقد بعض ونرسل على اللي مابعد وصل .






6-عقب ذا كلاً منا شفقان على القهوه وعلوم الربع ... وكلا يعلمنا وين وصل وأي فيضه وأي دحل وأي ديره وصل اليوم قبل المضحى .

وهذا أمير حملتنا عجمي بن فاضل الشاعر و أبوتركي ضيدان بن منصور بن قضعان يعلمنا بعلومه وهو ياكل العرمووط (كمثرا ) .










7-وهذا غدانا اللي يحوفونه الشباب مع صبي المخيم ومرات يسوى فالمخيم ويلحنا به أحد ومرات في الفيضه وهو على رغبتنا بالتصويت طبعاً .







وعقب هذا كله ننقسم لقسمين و نركز النصع وتبدأ المنافسه على النصع ولكل واحد من الفريقين خمس طلقات .... ونحسب النتائج و الفريق الفايز
يشرط على الفريق الخسرااااان شرط عند المعواد للمخيم .





وســــــــــــالمتكم وعسى تنال ذايقتكم هذه الرحلات .



أخيكم / مليحان .

[Trust me]

السلام عليكم ورحمة الله وبركاته

ماشاء الله عزالله هذي طلعات النشاما

أكثر شي عجبني الترتيب والجدول اللي عملتوه لرحله

بس ماقلت لنا أخوي شسم الفياض اللي انتوا فيها؟

[مربوش]

الله لا يهينك يا " مليحااان " على الصور الرائعة ...





.,’.,’.,’.,’.,’.,’.,’.,’.,’.,’.,’.,’.,’.,’.,’.,’

[كعبــــــول]

وليه ماعزمتني جعلك اللي مانيب قايل

< قلبه مغل

لاهنت على الصور الرائعه

وثاني مره لاتخفي وجه المقهوي

[نـاصـر]

وعليكم السلام ورحمة الله وبركاته

الله لايهينك يامليحان ومشاالله على الربيع صور تشرح الصدر

يعطيك العافيه يامليحان

[فرز الوغا]

السلام عليكم ورحمة الله وبركاته

الله لايهينك ... ولايهين والربع إلي معك
وخاص راعي الدلة الله لايهينه ...

[جلوي بن سبعان]

مليحان بيض الله وجهك على الترتيب الحلو

عزالله طلعه ماتمل وصور تشرح الصدر والغدير والسدر

بس ما علمتنا وشلون طلعتو النيسان من التغريسه والله ان تغريسته قويه

وعزالله انك صدقت هذي طرااااات الــبــر

لاهنت يا مليحان على الصور

[اطياف الماضي]

ماشاء الله على الاجواء الحلوة

يعطيك العافية اخوي مليحان

تقديري

[سـعـود]

الله لا يهينك على الصور الروعه


والطلعه الحلوه


ولا تبخل علينا بالعلوم الطيبه يامليحان

[فيصل بن حجرف]

السلام عليكم ورحمة الله وبركاته

ماشاءالله تبارك الرحمن

طلعه اكثر من رائعه واكيد انها رائعه دام الربع الي انت ذكرت فيها وانت اولهم يامليحان

وتصوير ولا اروع كن حنا معكم

بس اشتر كامره عشان يغدي التصوير احلى

ولاهنت وبيض الله وجهش