قصيدة في الأستاذ حجرف بن محمد

[العضياني العتيبي]

هذه القصيدة قلتها في سعادة الاستاذ /حجرف بن محمد العجمي مدير مستفى الامير سلطان بن عبد العزيز بمليجه وذلك شكر وعرفان وتقدير لوقفاته معي والتي ليست بغريبه علية ولا على العجمان عامة وهم المشهورين بالشجاعه والكرم والتخوة ونعم الرجال واليكم القصيدة:

يوم القلم بالحبر سالت حروفه= جاهيض صدري بالقصايد من اقصاه
ومن شذ منها قلت جعله ذلوفه= واللي بقى من زرع الافكار جبناه
وسويت منها للقصيدة بروفه= وقطفت من زرع البساتين مشهاه
واليا بدعت القاف بالفكر احوفه= واختار منها اللي جزيل بمعناه
ابني القصايد طوفة فوق طوفه= واليا بنيت الساس جودت مبناه
ماهو طرب للشعر والاطروفه= والا التغزل ويني اليوم وياه
لكن وقتي صادفتني ظروفه= وقت تحداني وانا ازريت لاحداه
ونصيت قرم من رجال معروفه= قرم ولد قرم تنومس سواياه
ذخر الرجال اللي ترد الحسوفه=ابومحمد جعل الانذال تفداه
من روس قوم للمراجل شغوفه= على الكرم والطيب نفسه مضراه
عجمي وفعله كل حي يشوفه= ونعم بربعه في نهار الملاقاه
اهل الوفا والجود واهل المروفه=الكل منهم تكسب الطيب يمناه
عجمان منهو يحتدنه ظروفه= ويزبن لهم ياصل لشي تمناه
رجالهم في العسر يكرم ضيوفه= وان جات حزات المواجيب تلقاه
ابومحمد مانسيت معروفه=ومادام راسي حي ماوالله انساه
مانسى معاريف ولاانسى وقوفه=وياسعد منهو فالمواقيف ينخاه
دايم على الامجاد نفسه شفوفه= ويحفظك ياعود على الخير رباه
ياذخر حر يشبعنه كفوفه= حر ولد حر بعيدة مداياه
ويابومحمد لوكتبت معزوفه= كل القلم ما يكفي اللي كتبناه
مار العتيبي قال شي بجوفه= ولك عهد معروفك فلا والله انساه
ويحفظك رب البيت من كل خوفه= ويوفقك للي يحبة ويرضاه

وسلامتكم
عبد المجيد بن محمد بن مطلق بن رايز العضياني العتيبي

[ابن سفران]

السلام عليكم ورحمة الله وبركاته
عـــــبــــــد الــمـــجـــيـــد

كفيت و وفيت ابو محمد يستاهل ويكفينى فخر انه احد شباب ال سفران الي نفتخر فيهم

وهذا ان دل على شي يدل على طيبك ومعدنك الطيب وعزالله يستاهل

[فيصل بن حجرف]

السلام عليكم ورحمة الله وبركاته

الأخ عبدالمجيد العتيبي مرحبا ومسهلا مليون في منتداك ومنتدى الجميع
وصح لسانك على هذه القصيده الرائعه

ويستاهل ابو محمد وعلومه كلها غانمه وبيض الله وجهك

[الجديد القديم]

يوم القلم بالحبر سالت حروفه= جاهيض صدري بالقصايد من اقصاه
ومن شذ منها قلت جعله ذلوفه= واللي بقى من زرع الافكار جبناه
وسويت منها للقصيدة بروفه= وقطفت من زرع البساتين مشهاه
واليا بدعت القاف بالفكر احوفه= واختار منها اللي جزيل بمعناه
ابني القصايد طوفة فوق طوفه= واليا بنيت الساس جودت مبناه
ماهو طرب للشعر والاطروفه= والا التغزل ويني اليوم وياه
لكن وقتي صادفتني ظروفه= وقت تحداني وانا ازريت لاحداه
ونصيت قرم من رجال معروفه= قرم ولد قرم تنومس سواياه
ذخر الرجال اللي ترد الحسوفه=ابومحمد جعل الانذال تفداه
من روس قوم للمراجل شغوفه= على الكرم والطيب نفسه مضراه
عجمي وفعله كل حي يشوفه= ونعم بربعه في نهار الملاقاه
اهل الوفا والجود واهل المروفه=الكل منهم تكسب الطيب يمناه
عجمان منهو يحتدنه ظروفه= ويزبن لهم ياصل لشي تمناه
رجالهم في العسر يكرم ضيوفه= وان جات حزات المواجيب تلقاه
ابومحمد مانسيت معروفه=ومادام راسي حي ماوالله انساه
مانسى معاريف ولاانسى وقوفه=وياسعد منهو فالمواقيف ينخاه
دايم على الامجاد نفسه شفوفه= ويحفظك ياعود على الخير رباه
ياذخر حر يشبعنه كفوفه= حر ولد حر بعيدة مداياه
ويابومحمد لوكتبت معزوفه= كل القلم ما يكفي اللي كتبناه
مار العتيبي قال شي بجوفه= ولك عهد معروفك فلا والله انساه
ويحفظك رب البيت من كل خوفه= ويوفقك للي يحبة ويرضاه

الاخ القدير عبد المجيد صح لسانك ويعطيك العافيه قصيدة جميله في شخص يستحق
ابو محمد فزعاته واجد وعزالله يبيض الوجه ابو محمد


وفزعته لمثلك وشرواك هي الي تنومس لاانك عتيبي في ديرة العجمان ولا لو كان فازع لعجمي كان عادي ولاتستغرب

لاكن عزالله انك تستاهل

[الخيال الحر]

يوم القلـم بالحبـر سالـت حروفـه جاهيض صدري بالقصايد من اقصاه
ومن شذ منها قلـت جعلـه ذلوفـه واللي بقى من زرع الافكار جبنـاه
وسويـت منهـا للقصيـدة بروفـه وقطفت من زرع البساتيـن مشهـاه
واليا بدعت القـاف بالفكـر احوفـه واختار منها اللـي جزيـل بمعنـاه
ابني القصايد طوفـة فـوق طوفـه واليا بنيت السـاس جـودت مبنـاه
ماهو طـرب للشعـر والاطروفـه والا التغـزل وينـي اليـوم ويـاه

صح الله لسانك اخووووووي العتبي على ها المشركه الطيبه والله يقويك يارب
على ها الابداع ومن فعل طيب يستاهل العلوم الطيبه

[وثيلان]

السلام عليكم ورحمة الله وبركاته





مساكم الله بالخير




اخي الرائع مرحبا فيك وصح لسانك ومشكووور على مخطه قلمك لابومحمد

ويستاهل الطيب


وانت يدل هذا الشي على انك طيب وتستاهل

ولاهنت





والله العظيم لو اني شاااعر كان رديت عليك لكن ياليت احد من شعارنا يرد





والله يعلم اني مانيب شاعر لاكن اخواننا فيهم البركه




وان شاء الله مايقصروون

[مشاعر حالمه]

عبدالمجيد العتيبي

صح السانك مليون ولاتهون

وقصيدة رائعه وقيلت في من يستحقها

تحيتي لك / مشاعر حالمه

[بندر]

الله يصح لسانك

ويستاهل حجرف

وهاذا ان دل على شي يدل على وفاك وطيبك

ولاهنت طال عمرك

[فالح بن عيد]

السلام عليكم ورحمة الله وبركاته
صح ألسانك يعبدالمجيد وبيض الله وجهك وماعليك زود
وأبومحمد يستاهل ولاهي قريبه عليه ولا سوى ألا الواجب
وتقبل مروري.

[جراح بن ضيدان العجمي]

صح الله اللسانك

وماعليك زود






وسجل اعجابي بما قلت




تحياتي
جراح