السلام عيكم ورحمة الله وبركاتة
أعتذر عن الأنقطاع لفتره أراها طويله
لأسباب فوق أرادتي
هذه رائعه من روائع الشعر الشعبي ولا أظن أنه يجهلها أحد
وهي لبركات الشريف موجهها لأبنه مالك
وتتميز بالحكمه والمواعض التي يندر أن نجد من يتمسك بها
أتمنى أن تحوز على رضاكم
يــا مـرقـب بالصـبـح نطـيـت راقـيـك=مـــا واحـــد قـبـلـي خـبـرتـه تـعــلاك
ولـيــت يـاذالـدهـر مـأكـثـر بـلاويــك=الله يـزودنــا الـسـلامـة مـــن أتـــلاك
ياللي علـى العربـان عمـت شكاويـك=ولـيـت يـادهـر الشـقـاء ول مـاقـواك
والـيـوم هالـكـانـون غـــاد شبـابـيـك=تلعـب بـه الاريــاح مــن كــل شـبـاك
يامالـك اسمـع جايتـي يـوم أوصـيـك=واعرف ترى يابـوك بآمـرك وانهـاك
وصـيــة مـــن والـــد طـامــع فــيــك=تسبـق علـى الساقـه لسانـك لعلـيـاك
أوصيـك بالتقـوى عسـى الله يهـديـك=لـهــا وتـدركـهـا بـتـوفـيـق مــــولاك
الله بـحــق أجـــدادك الـغــر يعـطـيـك=مرضـاتـه مــع مــا تمنـيـتـه أمـنــاك
إحفظ دبشك الي عـن النـاس مغنيـك=اللـي إليـا بــان الخـلـل فـيـك يـرفـاك
واعـرف تـرى مـكـه ولاهــا بناخـيـك=لـو تشحـذه خمسـة ملالـيـم معـطـاك
إجعـل دروب المرجلـه مــن معانـيـك=واحـذر تميـل عــن درجـهـا بمـرقـاك
لا تنسـدح عنـهـا وتبغيـنـي أعطـيـك=جمـيـع مـــا يكـفـيـك مـاحـاصـل ذاك
أدب ولــدك إن كــان تبغـيـه يشفـيـك=واستسعفـه مــن بـعـد مـربـاه بــالاك
إمـا سمـج واستسمجـك عنـد شانيـك=ويفـر مـن فعـلـه صديـقـك وشــرواك
وإلا بـعــد جـهـلـه تــراهــو يــاذيــك=لــو زعـلـت أمــه لا تخـلـيـه يـــالاك
واحـذر تضيـع كـل مـن هـو ذخر فيـك=معـروفـه لا تنـسـاه وأوفــه معـرفـاك
تـرى الصنايـع بيـن الأجـواد تشريـك=الـيــا طـمـعـت بغـرسـهـا لا تــعــداك
واحـذر سـرور بغبـة البـحـر يرمـيـك=ولا عنده أفلـس مـن تشكيـك وإبكـاك
وأوف الرجـال حقوقهـا قـبـل تأتـيـك=لا توفـيـه بـالـقـول فـالـحـق يـقـفـاك
وهـرج النميمـة والقفـا لايجـي فـيـك=وإيـاك عـرض الغـافـل إيــاي وإيــاك
تـبـدي حـديـث للـمـلأ فـيــه تشـكـيـك=وتهيم عنـد النـاس بالكـذب وإشـراك
ويــلا نـويـت احــذر تعـلـم بـطـاريـك=كـم واحـد تبغـى بـه العـرف وأغـواك
واحذر شماتـة صاحـب لـك مصافيـك=واليـا جـرى لـك جـاري قــال لــولاك
ولا تحـسـبـن الله قــطــوع إيـخـلـيـك=ولا تفـرح ان الله علـى الخلـق بــداك
للضيـف قـدم لــه مــن حـيـن يلقـيـك=ممـا تطولـه يـا فـتـى الـجـود يمـنـاك
احـذر تلقـى الضيـف مقـرن علابـيـك=خـلـه مـحـب لــك صـديـق إذا جـــاك
أوصيـك زلات الصديـق وان عثافيـك=مـازال يغطاهـا الشـعـر فاحتـمـل ذاك
راعــه ولــو ماشـفـت أنــه يراعـيـك=عـسـاك تكـسـر نيـتـه عــن مـعــاداك
واحـذر عـدوك لــو ظـهـر بيصافـيـك=خـلـك نبـيـه وراقـبـه ويــن مـاجــاك
لا تأمـنـه واطـلـب مــن الله ينـجـيـك=ويكـفـيـك ربــــك شــــر ذولا وذولاك
شفنـي أنــا يـابـوك بـامـرك وأنهـيـك=عـن التعـرض بيـن الاثنـيـن حــذراك
إذا حـضـرت طـلابـة مـــع شـرابـيـك=إسـع لهـم بالصلـح والــلاش يـفـداك
ابــذل لـهـم بالطـيـب ربـــك ينـجـيـك=ولا تجضـع المـيـزان مــع ذا ولا ذاك
أمـا الشهـادة فـأدهـا إن دعــوا فـيـك=بيـن عمـود الـديـن لاعمـيـت أريــاك
بـالـك تمـاشـي واحـــد لـــك يـرديــك=طالـع بنـي جنـسـك وفـكـر بممـشـاك
رابــع أصـيـل فــي زمـانـك يشاكـيـك=لاشـاف خملاتـك عـن النـاس غطـاك
وأحـذرك عـن طـرد المقفـي حذاريـك=عليـك بالمقبـل وتــرك الـلـي تـعـداك
ثــم إلـعـن الشيـطـان لـيــاه يـغـويـك=تـــرى ان تـبـعـتـه للـشـرابـيـك وداك
وأوصيـك لا تشـكـي عليـنـا بـلاويـك=أنـت السبـب طرفـك عيونـك بيمـنـاك
وإعرف ترى اللي واطي الهر واطيك=ولا أنت أعـز مـن الجماعـه هـذولاك
المسك يا راسـي عـن الـذل واخطيـك=واحـــذر تـكـلـم يالـسـانـي حــــذاراك
والطف بجارك وقم مـن دون عانيـك=وافطن لما يعنيـك عـن ربعـه اخـواك
ياذيـب وإن جتـك الغنـم فـي مغالـيـك=فـاكـمـن الـيــن إن الـرعـايـا تـعــداك
مــن أول يـاذيــب تـفــرس بـأيـاديـك=واليـوم حاذيـت عـن الـفـرس عــداك
ياذيـب عاهدنـي وأعـاهـدك مارمـيـك=مرميـك أنـا ياذيـب لــو زان مـرمـاك
والنفـس خالـف رأيهـا قـبـل ترمـيـك=تـرى لهـا الشيطـان يرمـي بالـهـلاك
ومـن بعـد ذا لاتصحـب النـذل يعديـك=وعن صحبة الأنذال حاشـاك حاشـاك
تـرى العشيـر النـذل يخلـف طواريـك=وأنا أرجـي انـك مـا تجـي دون أبـاك
والهـفـوه إن مـاتـجـي دون أهـالـيـك=ولا ظـن عـود الــورد يثـمـر بتنـبـاك
والحر مثلـك يستحـي يصحـب الديـك=وأن صاحبه عاعـا معاعـات الأديـاك
لا تستمـع قـول الطـرف يـوم يلفـيـك=بالكـذب يقضـي حاجتـه كـل مـاجـاك
مـن نـم لـك نـم بـك ولا فيـه تشكيـك=وايــــلاه قــــد أزرا رفـيـقــك وأزراك
عندك حكـى فينـا وعنـدي حكـى فيـك=وأصبـحـت كارهـنـا وإحـنـا كرهـنـاك
ما أخطاك ما صابك ولو كان راميـك=واللـي يصيبـك لـو تتقيـت ماأخطـاك
ميـر استمـع منـي عسـى الله يهديـك=الـنـصـح يـامـالـك لـــه الله مــــولاك
عـنــدي مـظـنــة ماتمثـلـتـهـا فــيــك=واطلب لك التوفيق مـن عنـد مـولاك
19-02-2007, 11:19 PM
قمة الحكمه والنصح
العرض العادي
