هــزيت غصن البيوت وجات منثره=على خـدود الورق ينثرهـن لساني
وأنــا لك الله ما أكتب المـــدح بالمره=ألا لمــن يستحـق الطـيب وإنــساني
جتني هجوس الضمير اليوم تتشره=تقول لا مـن دعـيت الطيب تلقاني
ولـــولا فعـولٍ تهــز القلــب وتسره=للحاتمـي كــان مـا غـنيت بألحاني
(راكان بن خالــــد) الله للعــرب دره=حاولت بأحصي فعوله بس ممداني
خــيرٍ على الناس من بحـره إلى بره=بهمال مزنه يعيش القفر من داني
خـيرٍ علــى الناجعي كـره ورى كره=وخــيرٍ علــى باقي العجمان هتاني
وخيره تعدى حـدود الـدار وان مره=عابـر سبيـلٍ لقـا من كفــه احساني
يـوم الكويت الصبح افطر على شره=أجـزل عطـا فـوق الوطــا فـي ثواني
وفالخير يبـذل صــافي المـال مـا صره=ما قال نبغـى التجاير ذرب الايماني
كم عاجــزٍ قد جاه يشكي بـــلا ضره=وقــال إتكـــل في أمــان الله وأماني
واللي من الضيم لزم الجيب ثم طره=أضفــا عليــه بطرف بشتـه بليهاني
وراح بوجــاهاتٍ ما تأتــي علــى غره=وحـرر رقــابٍ لهـــا البتـــار قوماني
وكــمٍ مريـضٍ شكا للشيــخ من ضره=وعلى حســابه يحـسب الطب مجاني
واسس وطـور على (مليجه) مـع بره=حتى دعــوا له جــزاه الله بالاحساني
وطالب بخدماتٍ تـأت الانسان وتسره=وسمى المصحـة على ذربيـن الايماني
ولا هي غريبه منه إلى إنعرف سره=سليل راس العُرب ماهوب من داني
قد قال جده عيـوب الهــرج من جره=ما قـل دل وزبدة الهرج نيشاني
10-04-2007, 08:06 AM
العرض العادي
