ياناصر خذ وصاتي لا تطيّر

[منصور بن منيخر]

ياناصر خذ وصاتي لا تطيّر=هذا علمي مدام أنك صغيّر
تري الأنسان مهما طال عمره=يسيّره القدر ما هو مخيّر
عليك بطاعة الله في صلاتك=وصاحب في حياتك كل خيّر
تري الرجال يسأل عن قرينه=وهذا الوقت للعاقل يحيّر
وضيفك كرّمه وأحشم جنابه=وجارك لو تغيّر لا تغيّر
وبيتك لا تصكه دون ربعك=ولاالعاني ولا دون المسيّر
وصمتك خير من كثر الهذاري=لا تمزح مع سفيه ولا تعيّر
وسرّك للعواذل لا تذيعه=تري الأقدار بأمر الله تسيّر
وصبرك للقضا واللي يصيبك=جزاه الخير كلّه لا تطيّر
ولا تشرب ضماء من كف غيرك=وحبل الكذب لو طوّل قصيّر
وبنت الاش لا تطلب نسبها=ولو كانت كما الريم المذيّر
مشاكيل العرب في كل ديره=لكن المنسب الطيب تخيّر
تعلم من دروسك ما يفيدك=ظلام الجهل وألا العلم نيّر
نصايح قلتها لك من تجارب=تراها خير من شيك(ن)مجيّر
وصلي الله علي محمد وسلم=ومن يمشي بهديه ما تحيّر

[محمد سالم الشاعر]

صح اللسانك طال عمرك...

[صقر العجمان]

صح لسانك

[الباشا]

مشاكيل العرب في كـل ديـره لكـن المنسـب الطيـب تخيّـر

وصح السانك يالسفراني

[فيصل بن حجرف]

تعلم من دروسـك مـا يفيـدك=ظلام الجهـل وألا العلـم نيّـر
نصايح قلتها لك مـن تجـارب=تراها خير مـن شيك(ن)مجيّـر

عزالله نصحته
وصح لسانك ياشاعرنا المبدع سفراني وتراك مقصر في قصائدك الرائعه لهذا القسم ونحن بدورنا نطلب منك المزيد من الابداع والروائع لكي نثري بها هذا القسم

[منصور بن منيخر]

الشاعر بيض الله وجهك لا هنت

[منصور بن منيخر]

صقر العجمان بيض الله وجهك لا هنت

[منصور بن منيخر]

الباشا بيض الله وجهك لا هنت

[منصور بن منيخر]

فيصل بيض الله وجهك لا هنت
وأبشر أن شاء الله

[هداج تيما]

مشاكيل العرب في كـل ديـره لكـن المنسـب الطيـب تخيّـر

وصح السانك يالسفراني