السلام عليكم ورحمة الله وبركاته ....صبحكم الله بالخير جميعا ..
هذه قصيدة طلب مني أحد الأخوان أن أكتبها على لسانه ..
هلا يا محمدبن سعيد وشلونك وكيـف الحـال=أنا جيتك وتـرى الدعـوى مولعهـا مولعهـا
أنا جيتك ذبحنـي الهـم والتنهيـد والغربـال=وآهات(ن) ملت صدري تبي منهـو يونعهـا
أنا جيتك ياطيب راس وطيب جد وطيب خال=وبيبان الشكى لغيرك ترى مانيـب اشرعهـا
عرفتك والليالي جزال وعرفتك والليالي هزال=وثبت لي إنك ذهب اصلي وسلومك ماتضيعها
فلا من قلت لك تكفى وترى تكفى تهز جبـال=فلا تجمع لي كفوفـك ولا تفـرك أصابعهـا
أبيك تنهَض حجاجك وتصهل والرجال أفعـال=وتقول ابشر بما تبغى ولـو نبايعـك سابعهـا
وأنا شفي ترى ماهوب حيازة حكم وإلا مـال=ولكن دون رغباتـي ظروفـي مـن يسنعهـا
نبي المنهاج فوق إللي إلى منها هبطت زلـزال=يشوق العين في المـدرج تدرجهـا وتخشعهـا
نبي المنهاج للي لـه بقلبـي مدهـل ومنـزال=هنوف(ن) ذابـح روحـي تغنجهـا وتدلعهـا
صباح الخير ياوجه الرضا ياغايـة الآمـال=ياابو رمش(ن) ذبح روحي وشرحها وقطعهـا
يا نادر وصف يا تحفة إلا أقول يا سـلااااااال=يا مسهر عيني وعينك على نوحـي مهجعهـا
يا طيف من النواظر زال ولكن في الخفا مازال=يشكل معضلة عسرة ولا بـه مـن يطوعهـا
غرير(ن) ليتني والله على صدره كما السلسال=وأحس بفايح وروده وإلا من صد . أطالعهـا
لا تنشدني هذي من هي ياناشدني بلا إستهبال=تراك تعـرف منزلهـا ومشغلهـا وشارعهـا
وقبل شهرين في بيته قلطت وصب لك فنجال=ولكن نفسك القشـرا عـن الفنجـال تمنعهـا
وتهيبني وتحذرني وتقول احذر ترى المحتـال=إلا مـن حصـل الفرصـة حيالاتـه يقنعهـا
رجيتك خلني ويـاه جعلـه يحطنـي خلخـال=ونفس(ن) تكره الواقع مـع إحلامهـا دعهـا
هذا شفي ولكن عزتي لقلبي بغـى ولا طـال=وبيبـان الرجـى وقتـي يقفلهـا ويشمعـهـا
وبما إن الظروف الإقتصاديـة علـى ماقـال=كبير(ن) شقها جدااااا إلى من جيـت أرقعهـا
إلا مني جمعت ريال فأدر إني صرفت ريـال=أجمعهـا وأضيعهـا .. وأضيعهـا وأجمعهـا
وإستناداً لما سبق ذكره فـإن الأمـر كلـه آل=إلى التأجيـل لا الإلغـاء إليـن الله يوسعهـا
أنا جيتك وترى الدعوى سوالف ليل يا رجـال=فلا مـن جيـت اطفيهـا طلبتـك لا تولعهـا
وسلاااااااااااامتكم
24-10-2005, 04:17 AM
العرض العادي
