قصيده في شباب هذا الوقت

[االسالمي]

ياخفوقي هات علمك عسى علمك سمين ،،
واطرق اجزل قافيه للشعر قولٍ واستماع ،،

وانسج حروف القوافي على السلك الحزين ،،
لاتخلي شف في خاطرك والدنيا
متاع ،،

عش مع العالم الين الله يزينها
تزين ،،
اقطف من زهورها قبل لحظات الوداع ،،

راحوا الشيبان شيبان الظفر علم ودين ،،
اشهد انهم جامعين الطيب وجمول الطباع ،،

ياعساهم للجنان وفي كنفها
خالدين ،،
وياعسانا نذكر علومهم في كل
ساع ،،

عاشوا الدنيا كذا ماهمهم قسى
ولين ،،
يوم يلقون الطعام وعشرة ايام
جياع ،،

والشباب اليوم كله ماشكى ضيم
السنين ،،
لا تعذب في الحياه ولاشتكى هم وصراع ،،

لا مشقه لاتعب وكل شي يبغى
بزين ،،
ماشرب من كاس الايام ياكود
الكراع ،،

مادرى ان العمر لاراح مافاد
الونين ،،
وان مركب عمرهم يجري والايام الشراع ،،

وخلف درب العولمه يطرد ولايدري
لوين ،،
البخيت العاقل اللي ماشترى فيها وباع ،،

التطور والحضاره نعمةٍ
للشاكرين ،،
لكن انها قد تصبح متاهات
وضياع ،،

صار صعب انك تميز وضعها شين
وزين ،،
ومشكلتها كل يوم دايرتها في
اتساع ،،

ياشباب الوقت لايضيع وانتم
غافلين ،،
اغتنم وقتك بحكمه لكن بدون اندفاع ،،

الزمن هذا خذانا وانتشر شره
وشاع ،،
صايرٍ للعالم اللي غافله مثل الكمين ،،

الحذر كانك تبي تتبع دروب الغانمين ،،
من عطا نفسه هواها تجبره
للانصياع ،،

اسع في درب الكفاح وفي دروب الصالحين ،،
واجتهد واجعل لعمرك يافتى صيت يذاع ،،

وادع من بيده جميع امورنا الهادي
المعين ،،
من دنا منه قدم يقترب منه
ذراع ،،

ربنا اللي يغفر الذنب لو كانه
سمين ،،
ماندم من حط ربي قدم عينه له
وطاع ،،

اشهد ان طاعتك يالله هي الحبل المتين ،،
ادع ربك واقترب له بقدر
المستطاع ،،

والحتم صلوا على رسولنا الهادي
الامين ،،
وال بيت المصطفى كل وقت وكل ساع ،،

[الـعـابـر]

صح لسانك ولسان شاعرها

[الباشا]

لاهنت على نقل القصيدة وصح السان شاعرها

[●• Ŝђǿǿq •●]

قصيَدهـَ وآقعيَه تصف حآل الكثَير بهذآ الزمآن ..
تِسلًم يمينكـَ ..~

[االسالمي]

الكلماتي لي واتمنى انها تكون اعجبتكم

[العــــديم]

صح لسآنك يالشيخ
جزله


تم نقل قصيدتك لقسم صدى المشاعر

[سحر الغروب]

اي والله قصيده تصف وضع الكثيييير ,,,
تسلم يمناك ,,,

[مُغـتآل]

الله يصلح الحال والأحوال
أشكرك وسلمت يمينك

[عبرة وداع]

عليه الصلاة والسلام

صح اللسانك طال عمرك

وبيض الله وجهك على المكنون الرائع

وفقك الرحمن لما فيه الخير والصلاح

سلمت ودمت

[االسالمي]

الله يبيض وجيهكم جميع ع الردود وان شاء اكون على تواصل دايما مع منتداكم الرائع اللي اشارك فيه لاول مره