المواقف عرفتني على اصحابي

[عبرة وداع]

تحيه معطره بالمسك والعنبر والكادي

لكل زوار متصفحي الكرام

من القصائد العذبه بصوت العذب حامد الحلافي

كلمات الشاعر سلطان آل مطلقه الودعاني

اتمنى ان ترقى لمستوى الذائقه




يوم انا غنيت غنيت من مابي
ونة بأقصى المعاليق محجوبه


ما كشف مستورها اللاش والهابي
والكذوب اللي كل الناس بسلوبه


تستلمني لا اظلم الليل وانسابي
واستلمها لين تنساق مسكوبه


غني ياجرحي على راس مرقابي
اصدح الونه على كل مشذوبه


(من صداقة هالزمن خاطري طابي )
(والله ان بعض العلاقات مضروبه )


لااحد يشره ليا صرت متغابي
الغباوه بعض الاحيان مطلوبه


المواقف عرفتني على اصحابي
قبلها تايه وكني بغيبوبه


كل يوم يطيح واحد من احسابي
وطيحته لاطاح ماهي بمحسوبه


دام ماله وقفة ظلعها نابي
ما تشرف به ولا افخر بمندوبه


اقرب التشبيه في الظن لا خابي
ظن اخو هدلا بجيشه ومنصوبه


في الرخا جيشه عن العرض ما غابي
ولا نطق له كلمتن ترزف شعوبه


يوم جات الصادقه راحوا احزابي
ما صمد غير الرمادي وبعقوبه


يا اولي الالباب لا قلت الالبابي
انصتوا للي لكم فر دالوبه


سجلوا شكري مع وافر اعجابي
للزمان اللي صلانا بلاهوبه


الزمان الشين لو كشر النابي
الركايب يمة العز مشعوبه


مالنا عن قمة المجد مجنابي
لو نموت نموت ووجيهنا صوبه


وان نصانا اللي شكا ثقل الاتعابي
نرتكي له لين ينزاح مكروبه


وقفة يفرح لها كل منصابي
مثل وقفة جيش سلطان فالخوبه

[نوآآآرة]

الله يعطيش العافية

لاهنتي

[مـح,مـد بـن راشـد]

صح ولسان شاعرها

ولاهنتي على النقل الرائع

تحيـــــــــــــــاتيــــ,,

[الفريض]

صح لسانك ولسان شاعرهااا
ولاهنتي ع النقل الرائع
تحيــــــــــــــــــــــــــــــــــاتي ،،

[عبرة وداع]

المشاركة الأصلية كتبت بواسطة نوآآآرة

الله يعطيش العافية

لاهنتي

الله يعافيك ويبارك فيك

ولاهان قايلها ربي يرضى عليك

منوره فديتك بها الاطلاله العذبه

لك مني ارق التحايا واعذبها

سلمتي ودمتي

[عبرة وداع]

المشاركة الأصلية كتبت بواسطة مـح,مـد بـن راشـد

صح ولسان شاعرها

ولاهنتي على النقل الرائع

تحيـــــــــــــــاتيــــ,,

صح بدنك طال عمرك وبيض الله وجهك

ولا هان قايلها ربي يرضى عليك

الروعه هو تشريفكم الكريم في متصفحي

لك مني اطيب التحايا واصدق الاماني بالتوفيق والسداد

وفقك الرحمن وانار بصيرتك لخير الدارين

سلمت ودمت

[متذوق شعر]

كل يوم يطيح واحد من احسابي
وطيحته لاطاح ماهي بمحسوبه


دام ماله وقفة ظلعها نابي
ما تشرف به ولا افخر بمندوبه


صح الله لسان شاعرها وناقلها

[ديقول22]

صح السانه ...
ولاهنتي يالغاليه ...

[عبرة وداع]

المشاركة الأصلية كتبت بواسطة الفريض

صح لسانك ولسان شاعرهااا
ولاهنتي ع النقل الرائع
تحيــــــــــــــــــــــــــــــــــاتي ،،

صح بدنك طال عمرك وبيض الله وجهك

ولا هان قايلها ربي يرضى عليك

الروعه هو تشريفكم الكريم في متصفحي

لك مني اطيب التحايا واصدق الاماني بالتوفيق والسداد

وفقك الرحمن وانار بصيرتك لخير الدارين

سلمت ودمت

[عبرة وداع]

المشاركة الأصلية كتبت بواسطة متذوق شعر

كل يوم يطيح واحد من احسابي
وطيحته لاطاح ماهي بمحسوبه


دام ماله وقفة ظلعها نابي
ما تشرف به ولا افخر بمندوبه


صح الله لسان شاعرها وناقلها

صح بدنك طال عمرك وبيض الله وجهك

كل الشكر والتقدير لكرم التواجد

لك مني اطيب التحايا واصدق الاماني بالتوفيق والسداد

انار الله بصيرتك لخير الدارين

سلمت ودمت