سليل المجد
قصيدة جزلة ووافية وشاملة على الكثير من المعاني الطيبة حيث كتبها الشاعر مانع محمد العجمي تقديرا الى النائب الاول لرئيس مجلس الوزراء ووزير الداخلية والدفاع الشيخ جابر المبارك الصباح
شعر مانع محمد محمد العجمي
فرصة ثمينة في ليال فضيلة=عنوانها صرخة ندا إنسان مدروك
سلام والتسليم فرض ونفيله=بحلول شهر الصوم واقول مبروك
على صيام الشهر وقيام ليله=والله يطول عمرك ويرحم ابوك
يابو المواقف والفعول الجليلة=اللي عليها جملة الناس حبوك
الطيب ساسك والوفا تنتميله=والحر لك من طيب الافعال مملوك
ومن طيب راسك والمواقف نبيلة=يا طيب العادات بالطيب سموك
يا جابر العثرات واسمك دليله=فعلك يزكي ما ذكر ما به شكوك
مدات كفك بالمكارم جزيلة=والله يرحم من على الطيب ربوك
يمناك يا شيخ المراجل طويلة=ونظراتك ابعد من مدارات وفلوك
والعز بيت المجد وانتو سليله=بيت الامارة قبل حكام وملوك
من لابة تروي حدود الصقيلة=آل الصباح مطوعة كل مصعوك
هذا وانا وقتي على فيه ميله=معقل الاربع مقيد ومشبوك
حملي ثقيل حيل وازريت اشيله=والموج يلعب بي على ظهر سنبوك
الدين طوقني ولا لي وسيلة=موثق باحكام واسناد وصكوك
وانت الرجا ياسعد من يشتكيله=بعد الله تفرج على كل مضنوك
لا قفلت بيبان ناس بخيلة=بابك على المصراع ما هو مصكوك
ولا علكيم حاجة مستحيلة=والدين كله بين شركات وبنوك
الصرف واجد والمداخل قليلة=والراتب من البنك ما يدخل البوك
وانا مواطن والوطن ما يبي له=مزايدات بين تاجر وصعلوك
فرد من افراد الدفاع الاصيلة=جيشك الى ناديت بالصوت لبوك
متقاعدين وعند قدح الفتيلة=دون الوطن لو كان نوطي على الشوك
جيتك وانا ماعاد في يدي حيلة=والله يطول عمرك ويرحم أبوك
اكسب لاجر في ذا الليال الفضيلة=واطلق سراح اللي من الدين مشبوك