السلام عليكم
غريب امركم كل واحد ينعت ويغلط كأن هذا المكان محطوط لتصفية الحسابات فيما بينكم وتسيئون لأسم القبيلة بأسم قوائم الي لعبة عليكم وفرقتكم وخلتكم مثل شعر الظبي .
المنتدى ماوضع الا لتقريب وجهات النظر وتصفية القلوب بين ابناء العمومه و المرحلة المقبلة محتاجة تكاتفكم وتكونون على قلب واحد .
بكرة بيكتسحونكم القبائل والاحزاب وبيصيرون وزراء وناس متنفذين بالبلد ولهم كلمتهم وانتوا خلكم مثل .... ولا مانيب قايل
اتمنى من كل قلبي انكم تكونون متعاونين مع بعض وابن عمك مثل اخيك فالبيت ان غلط في موضوع معين او قالك كلمة تحس في خاطرك لاتبادله نفس الشعور وتكبر السالفه ويكبر الشق امتص حماسه وحاول انك تكبر عقلك وتاخذ وتعطي انت وياه لين تاصلون لنتيجة معينه وبإمكانك تحط بينك وبينه حكم من اهل البيت (القبيلة) ويكون شخص حقاني وعاقل ويقدر الامور وصدقني انك منت خسران شي اما كلمة وشمعنى فلان ولا وليه هو مهب انا وليه يختار هو بكيفه؟ فهذي مهب مؤدية لنتيجة بالعكس راح تزيد تأزيم فالموضوع اتمنى ان الموضوع يتقفل وينتهي
تكفون تكاتفوا المرحلة المقبلة تبي تكاتف وشد حيل وخلوا مشاكلكم بينكم وحلوها بينكم لادخلون احد عليكم
اقتدوا في شيبانا الاولين تاصل بينهم ذبح وذبيح ولا يدخلون احدٍ بينهم ويحلونها المشكلة صدق انهم جاهلين علميا ُ ولكن انضج عقل ولهم رؤوية مستقبلية سليمة
والسلام ختام
اخوكم / المحلل