[نـاصـر]

السلام عليكم ورحمة الله وبركاته

محاورة الشاعرين جرير والمصطفق تم جمعها ووضعها في موضوع مستقل.

المصطفق :

ياسلامٍ مايجي بعده ولا قد صار قبلـه=يرضي الصفين والشعار والدنيا مديـه
من بغى كاس المزاين ينتقيله خيرة ابله=ياعساها تلفة الانظـار والدنيـا مديـه

جرير :

مرحبا بالمصطفق يالله عساها تنحسب لـه=ترضي الصفين والخطار ..والدنيـا مديـه
غير عنتر يبن عمي ما يشوق انضار عبله=حتى لو فنجال جاب إخيار .. والدنيا مديه

المصطفق:

والبقى من يمة الغيم الذي يحييـك وبلـه=مرّتيـن اتعلـم الشطـار والدنيـا مديـه
اعرف ان فنجال فيه الفين عبله تنجذب له=دلّتك تحتاج منك ابهـار والدنيـا مديـه

جرير:

ابطت رعودك تحن وتالي المقسوم ربله=الغلط وارد وش اللي صار.. والدينا مديه
ودك الوبال يقني نوق منها ينحلب لـه=ما يفيد سبال ولا نظار ..والدنيا مديـه

المصطفق:

مابقى في منتدى الترفيه شخصٍ مالعب له=الغلط خله هنـاك يسـار والدنيـا مديـه
انت رجلٍ كل يوم نشوفه يصلـي بقبلـه=مادرى انه ماعليه ستـار والدنيـا مديـه

جرير:

لو تجامل ما تجامل منتدى الترفيه طبلـه=ينسف اللي يقرب التجار.. والدنيا مديـه
من سكن بيتٍ زجاجي لو يغث الناس نبله=لا يتحسف لا لفاه اعصار والدنيا مديـه

صح لسانكم واعتلا شانكم

تحيتي للجميع