[بنت الوطن]

......................... مــواقـف حاسمـــه ؟؟ ........................



يامعرضٍ قلبي على شيٍ وصوله مستحيل000عزيت قلبي من هواك .. وشيّعت مراسمه


ماكنت أظنّ إنّ الفراق يغيّر العقل الثقيل000حتى عرفت إنّ الربيع أتغيّره مواسمه


حطيت لك بأقصى الحنايا شيّ ما حطّه نزيل000وبنيت لك قصرٍ .. قوامك في علوّه راسمه


وأكبر دليل إنّك مغيبنّي . وأخذ منيّ دليل000حبّك لحال ومن جنابك حبّ غيرك قاسمه


عرضتني صبحٍ غثاه يبين فالصبر الطويل000تبدلّت صلف الرياح .. وضيّقت مناسمه


طاوعت طيشك بأنفعالاتك .. وسوّى بيّ جميل000قريت صفحات الكتاب .. وبينّت طلاسمه


مافيه داعي تعتذر لأنكّ مثل عذر البخيل000 لاهو بلا داسم .. ولانفسه بعذره داسمه


نفسيّ منزحها من الهيّن ومن كسب القليل000 ولا أرتخيّ لاشفت للدعوى مواقف حاسمه


عبرة زمن وأنا أعتبرها درس .. والشكر الجزيل000 للبسمه الليّ علمتني ضحكتك ياباسمه


عزلت من حبّك لأنه من ملف المستحيل تلحق 000 على قلبٍ غرامه شيّعت مراسمه

....................... مقبــــــــــــــــــــــــــــــوله ؟؟ .........................



صاحبــي ؟ عزلـــت مــن غـفلـت أحلامـــي !
تبــــــت مـــن .. لغــــزٍ مــــواريــه مجهولــــه



شـاح بـي .. فكــــري علـى روس الأقلامــــي
ليـــن ظهــــّر ؟؟ خـــافيّ الشـــوق محصولـــــــــه




عشــرتك خلـــّت مـــواريديّ إحيامـــــي
مارفيــــتبها ؟؟؟ ولا ؟ قلــــت: مقبولـــــه ؟




غيــــر ؟ مشـروهــي على جـــرحيّ الدامــــي
والعتــــــب يركبـــــه ؟؟؟ مـن عرضــــه لـ طـــــــوله



قـــد نهيتــــه ؟؟ مــن تصاريـف الأيامــــي
ضـحكـــة الأيام ؟؟ غبـــرا ومذهولــــــــــه




لاكــــن ؟؟ إنــيّ .. للمقابيــل مقـــدامـــي
ما تنــازل ؟؟؟؟ دام لـي طـــرق مفتــولـــــــــه !




ماخـذٍ عســر الزمـــن بالتبـسامـــــي
مكســـــبٍ ما يرضـــيّ النفـــس ؟؟؟؟؟ ( وش هـــــولــــه )




عــــزةٍ ماتــرفع الرأس ؟ ياحــزامـــي
ماتطــــــاولنــي ؟؟؟ وأنا راعــيّ الطـــــــــــــولــــــه





أدريّ إنــّي مـــــوجعٍ قلبــيّ النـــامــي ؟؟
وعيبـــــيّ إنــيّ ؟؟؟؟؟؟ لا تــوجعــت ما أقــــــــولــــه ؟





صابـــرٍ صبــر الجمــل ( وأتبـع الهامـــي )
ولــــوّ يطيـــح ( الهـــرش ) ما طاحـــت حمـــــــــولــــه





غيــــر قفـــّي ياذعاذيـــع الأنسـامـــي
وأتركـــــي راع الهـــــوى ؟ يغتنــم زولـــــــه




والا انا ؟؟ ما عاد لـي فيـــك مــنّ عامـي
غيـــــــر جرحـــي ؟؟ منـــك ماطاع مسئـــــولـــــــه





مشكلــــــه لاصـــرت خلفـــي ؟؟؟ وقدامــي ؟؟
بأتراجــع ؟؟؟ وأحزمـــك محـــزم الجولـــــــه





لاكـــــــن العلـــــــّه بلا جرحــي الدامـــي ؟؟؟؟؟
لانهيتــــــــــــــــــه منـــــك ؟؟؟؟؟؟؟ وقـــــّف على طولـــــــــــــــه

[size=4]
..................... زااهية القصايد .........................




يا هجــوس الشعر دام القاف واخيار القصايد

والمعاني والبيوت الدر في مبدا قصيده


من قدر ينطح وجيه العاتيات امن القلايد

لاسمر براقهااا حن الرعد !! والله يزيده


زعزعي هامت زعيم الشعر يالدر الفرااايد

وامطري غيض القصيد وبكري باحلى جديده


من سعاطير الفكر دكت ملاعبت الشراايد

واحتوت بنت القصيد ولابقى منهاا شريده


سيدة نظم البيووت ولابقى للنظم سااايد

كنهااا تااامر على سيد القصيد وسيد سيده




بنت سااس وبن راس وبنت كساب العواايد

وبنت روس مزحزحت الاعداء هل الارياا السديده



ولانشدتوا من بناات الفكر زاهية القلايد

قلت ذولي من خصال المجد والرووووس العنيده


علمي الي يحسبوون الشعر مااحوله زنااايد

يحسبووون الشعر صوره وابتسامه فالجريده


من عرف وزن القصيده قال اناا فالزووود زاايد

وان نشدته من بحوور الشعر حولهاا على ايده


وان نشدته من رصيده قال اناا مبدع وكايد

وان بحثناا في رصيده مالقينااا الا وحيده


ولابغينااا الفوود منه ما لقيناا له فواااايد


ياخسااره دام قافه ما يفيـــده ما يفيــــده



الشعر يبغي صميدع من وسيعين البناااايد

لانتهض للقااااف ماخلاااا لبوووو الطيب شريده


مثل ابن هذااال سيد القااف حلال العقااايد

لاسمعته كش جسمي من تماثيل النشيــــــده


ومثل ابن جدلالالالالان تكفي منه راعية الشدااايد

لاسمعناااا بدعهااااا عفت القديمه والجديـــــده


ومثل ومثل ومثل ومثل ومثل ماتبغي شهاااايد

مانسيناهم ولاكن مانبي طوووول القصيــــده


والله اني من طغاااة الشعر والحكام ناااايد


لاكن اني ماحقر نفسي ولي نظره بعيـــــده



يابناات الفكر هديني ترى العداد زاااااايد


لايزيد الضغط والسبه ضعــــوفن مستبيــــده



لاتلوموووووني الى غنيت زااهية القصاااااايد


والمعااني والبيووت الـــدر فـــي مبـــدا قصـــــيده

[/size]

.......... نجــــد ومداهيلة ............


ماكل داعي نوجّب لـه .. ونأتـي لـه
بعض الدعاوي .. بعيني مالهـا داعـي !

الاّ ... ليا جات من مكـرم هشاشيلـه
نا أتيه .. لوّ كان نحفي روس الأكواعـي

سلام لهل الظفر .. ياقف علـى حيلـه
ويومي بكفّه .. على ذربيـن الأسناعـي

الليّ لهـم مجـد فـي نجـد ومداهيلـه
وروسٍ على الروس روس وذكرهم شاعي

قومٍ تفكّ الجمـوع .. وتنطـح الزيلـه
بمصقـلاتٍ لصمـخ الـروس بتّـاعـي

كم راس شيخٍ فنى .. وأفنت محاصيلـه
وحامو على أبله .. وشاعو كلّ مشواعـي

قومٍ تعـزّ القصيـر .. وتكعـم العيلـه
وتكرم خطاطيرهـا .. وتقـدّر الساعـي

لاقيل منهم ... وقف جيلٍ ورى جيلّـه
قحطان ساس العرب .. ذربين الأطباعـي

يشهد لهم نجد .. وأحجازه .. وأسافيلـه
وشرق الجزيره .. وفعلٍ شاع وأنذاعـي

بشلفٍ تفجّ الظلوع .. وترجـح الكيلـه
وترفع من العود .. والمسلوب .. والراعي

وسوٍ على الليّ من أشعافه .. شعف خيله
يرجع وكبده مـن الشرهيـن .. تنلاعـي

طيب الجحادر شهر .. والطيب يأويلـه
وصيت العبيدي .. قنيفٍ لـه تشعشاعـي

ومن روس منهل عبيده ؟ جنب يركيله
قومٍ علـى الضـدّ .. قاسيـنٍ وقطّاعـي

هواجرٍ حظنّا الطيّـب .. زمـا سيلـه
وعلى الرفاعه .. بيوت العـزّ شرّاعـي

ظفريـن .. لاقـدّم العايـل مراسيلـه
ونهوش للضد هوش انمـور واسباعـي

نقلط بجنـدٍ .. يـروع القلـب تهليلـه
ونغيـر .. ليـن العـدوّ يعـود ملتاعـي

بسيوفنـا نحتمـي .. سـودٍ مباهيلـه
ترعـى عناقيـد نبـتٍ .. تـوّ مافاعـي

حبيـت ابيّـن بعـض مابـان تأويلـه
ولا أجحد الطيبيـن .. بكـل الأقطاعـي

وأختامهـا .. ماهمـل وبـل بهماليلـه
سلام لأهـل الظفـر ذربيـن الاطباعـي

......................... قــــدره .؟ .........................



العنا والوجد والوقت وظروفه000وغيض نفسٍ من عواقيبها سدره

جلسةٍ في داخل الصدر محفوفه000عمرت بيت العنا وأسست جدره

لين دوّت صيحة العمر في جوفه000وضيّقت حدب المحاني على صدره

ملّ صبري ماكسبني بمعروفه000وعذر صبري قسمة الوقت والقدره

لاغفى ثلث أخر الليل وصدوفه000وطاب نوم اللي فرش فرشته حدره

جيت أداعب واهس القاف وحروفه000مبطيٍ منّه وهو عاليٍ قدره

كنيّ أشرب ندر الأفكار بكفوفه000وأتذوّق ماعطا قلّه وندره

مستبيحٍ ماكنى الصدر وشفوفه000يالعيون اللي مظاليلها خدره

كلمةٍ منها ترانيم معزوفه00وصمتها ليلٍ سرى بأوله بدره

وردةٍ ماهي مع الغير مقطوفه00في ذرى قصرٍ .. على جالها سدره

لاتخطىّ والسحى خالطٍ خوفه00إيتحشى الليّ مقاريدهم ودره

حال دونه نازح البين من شوفه000والزمان الليّ روى الكبد من غدره

حالف إنيّ ما أتعداه وأطوفه 000دام لي في ساحة أهل الهوى قدره

................... بكــــــور الوســــم .؟ ..................




الله علـى اللـي يعجبـك كونبليـتـه
من مقدمه لقصـى زوايـا السطابـات

تصميمـه .. وفخامتـه .. وأتكيـتـه
تعطيك نبذه عـن حديـث الصناعـات

صدامه .. وشبكه .. وسكنـه .. وليتـه
وكبوته .. وجامه .. وروس المرايـات

وجنبه .. وبيبانـه .. وقصّـة أبليتـه
منّـاك ربـلاتٍ ومـنّـاك ربــلات

وسكّانه .. ووطبلونه .. وجلـد سيتـه
وقيره .. ولمساته .. وكتلـة علامـات

مـن راس ماطـوره الـى قازقيـتـه
عزايـمٍ .. تدنـيّ بعيـد المسـافـات

يعجبك لادرتـه .. والـى مـن قفيتـه
كأنّه يؤدي فـرض خمـس الصلـوات

تنفـث علـى ديزاينـه .؟ لا أعتليتـه
وعليـه تقـراء ماتيسّـر مـن أيـات

لادقّ سلفّـه .. وأعتدلـت .. وشعيتـه
سوى البدّع .. فالمنعطف .. والملفّـات

يهـوي وكـنّ أهوايتّـه .. لاعطيتـه
هويّة حصـاةٍ مـن علـوّ السـراوات

لولاا فريد الصنـع .. مـاذاع صيتـه
ولا غبطتـه .. المانيـا .. والولايـات

يزيـن للفكـسـار قـافـي وبيـتـه
الليّ علـى تمثـال .. هيئّتـه حلقـات

مـن كـدّ يمنـاي السخيّـه .. شريتـه
ماهـو بعاريّـه ؟ ولا شحـذة أبيـات

ابغيـه لـأدرج هـاجـسٍ مابغيـتـه
ودكّـة مراميـس الهمـوم الثقـيـلات

لـغاب قرص الشمس .. وأعلن مبيتـه
و غدالهن فالصدر .. صوله وجـولات

وغنيـت بيـت لـمبـدعٍ .؟ مابنيتـه
(ياليل خبرنـي عـن أمـر المعانـاة)

عايرت .. زيتـه .. والأديتـر سقيتـه
ومليت .. مسّاحه .. وقست .. الأطارات

وفوّلـت بنزينـه .. وبدلّـت زيـتـه
ووصديت من صخب المدينه .. والأفات

وشايم من زفلتـه .. ومـن كونكريتـه
ومن دورة اللفّه .. ونـور الأشـارات

شفّـه .. وشفـيّ .. خايـعٍ ماشنيـتـه
متخالفٍ نبتـه .. علـى كـل مشهـات

خمسيـن ليـلٍ .. والسحـب محتويتـه
فاصل مطرها بين جارح .. ورشّـات

وسـمٍ بكـور .. ورحمـة الله دعْيتـه
حتـى غـدى للنبـت روسٍ وزافـات

ترعابـه اللـيّ .. قدرهـا ماهفيـتـه
خطوى زعوجٍ سيرهـا فيـه ميحـات

لفرعّت .. ماهي علـى السيـر ميتـه
كنها تراقب سبـق سـرب المغيـرات

مــع جــل ذودٍ دقّـهـا معتنيـتـه
للزيـن فوجيـه الحنازيـب شــارات

أحبّهـا مـن حـبّ مـن شـاد بيتـه
امروبـعٍ لـه فالرفـاعـه عـلاقـات

طلـق الحجـاج .. ومدهـلٍ لـعنيتـه
وكريم سبـلا .. فالعسـر والمسـرّات

الـى عطـى .. ماقـال هـذا عطيتـه
والى تجمّـل .. قـال مابـه جمـالات

سعد الرفيـق .. ويعجبـك لـنصيتـه
عـودٍ يحـلّ المعظلـه . والمهـمّـات

هطل اليمين .. وطيـب ذكـره قنيتـه
وحاز النعم غصبٍ . ولا فيـه منّـات

حبّه لوّ انـيّ بحصـره .. ماحصيتـه
ماهو بحـبّ أهـل الحيّـل والحيـالات

اللـيّ لوجهـك .. مرحبـاه وفديـتـه
ولا أقفيت .. سووّبك سواتين وسـوات

مافيهـم اللـيّ ينفـعـك . لـدعيـتـه
وعند القفيّـا .. عدّهـم كبـر أبانـات

مانـي بغـاوي .؟ والغـوى ماهويتـه
حبيت أعبّر ماكنـى الصـدر والـذات

من لا يحـوز النعـم .. ويشيـد بيتـه
يموت حيّ .. ويعتبر ضمـن الأمـوات

, , , ,

ملاحظه : مابين القوسين .. شطر للشاعر الامير خالد الفيصل

..........................عظم الله أجرنا في ملكنا ........................


لا الـه الا الله الوالـي ولاغيـره عوينـي
واحدٍ ماله شريك ونسألـه مـن كـلّ سيّـه

نستغفره من سهوّ الأنفس ونرجـع تايبينـي
من خطى جلب الذنوب الليّ تحملنّـا خطيّـه

ونسجد لوجه الكريم اللي خلقنـا مسلمينـي
وخصنّا الدين الحنيف وقادنا محمـد نبيّـه

والصلاة أزكى على خاتم جميع المرسلينـي
صفوة الخلق الرسول الهاشمي خير البريّـه

يالله عنّا صبر طيّب يامعيـن الصابرينـي
في فقيد الأمتيـن اللـيّ فذمتّـك ضحويّـه

جعل علمٍ صرحّت فيه المحطـه مايزينـي
ضيّق صدور الشعوب الليّ لبو فيصل وفيّه

المليك الليّ لشرع الله حكـم دنيـا ودينـي
حامي البيت العتيق وحامـيٍ نجـد العذيـه

المليك الليّ لشعب المملكه حصنٍ حصينـي
للوفي خزنـه وللعـدوان مابـه مرحميـه

حاكمٍ ماله شبيه ولـوّ خلـق منّـه أثنينـي
أستقر الشرق الاوسط من هناك الـى هنيّـه

فالمواقف يعجبّك فعله ولـه عقـلٍ رزينـي
وفال***** يتعب أعقولٍ هقاويهـا مديّـه

وللعداء ياقوم ياهتلـر وطيشـة موسلينـي
وللصداقه بيـت عـزّ ومرحبـاه وشاذليـه

ترفع البيضاء لبو فيصل عشير الغانمينـي
يوم بار الجار جاره والخوي همّـل خويّـه

ساعةٍ كلٍ تبـرى وأعتـذر عـذرٍ مشينـي
قام ابو فيصل ووقف وقفـةٍ فيهـا حميّـه

رحّب بشعب الكويت وفالهم سمن وسمينـي
وعقبها قاد الكتايـب والفصايـل والسريّـه

حررّ اقيود الكويـت ورد كيـد المعتدينـي
وقال انا لاهل الكويت اليوم والصبح وقفيّـه

وقفته تغنيك عن وقفـة عيـون الطامعينـي
من عربنا والشعـوب المسلمـه والاجنيـه

عطّر الله قبر أبو فيصـل فقيـد الأمتينـي
وأسكنه جنّات عدن اللـيّ منازلهـا هنيّـه

ليه مايرثيك قلـب وليـه ماتبكيـك عينـي
وأنت في هذا مقرّ وقرةٍ فـي شـوف ذيّـه

حكمة الله فالعبـاد المؤمنيـن الصالحينـي
وعظم الله اجرنا فـي حاكـمٍ مافيـه زيّـه

والعوض في راس ابو متعب اكعام العايليني
حاكمٍ رايه سديد ولا أحتمى الموقـف بليّـه

حبّ عبـدالله زرعـه الله بقلـب الطيبينـي
و حيّ ابو متعب ومنهو مثل ابو متعب ياحيّه

بايعك شعبك وحب الشعب في قلبك رصيني
وكلنا مـن دون عبـدالله قواعـد عسكريـة

والولي العهد تجديد الـولاء حبلـه متينـي
ومن محبتنا لسلطان الكـرم نغلـي سميّـه

عشت ياسلطان ابو خالد مـلاذ المعسرينـي
سعد منهو ضامته بقعـاء ولا لـه مقدريـه

دام عز المملكـه علـى مـدارات السنينـي
والله يخلي هل العوجـا لهـا والنـار حيـه

وعطّر الله قبر أبو فيصل فقيـد الأمتينـي
وأسكنه جنّات عدن اللـيّ منازلهـا هنيّـه