[بنت الوطن]

.................... لا تغـــنــّي للجنــــــوبي ........................


عيّدي يأغلى القصايد وأبدعي بحروفي
دام طرقيّ الهوى ..يطرب على موّاله

سيّري رجلي عليك..وسامحي لظروفي
دامنيّ سجيت من عود الهوى وعياله

ماسلى قلبي ولا وافق لشوفك شوفي
غير أكابد جرحيّ الليّ ماقدرت أحتاله

لابغيت أدله ..وأدلّه خاطرٍ مكلوفي
عنتّه شحب الخواطر ..وأبتدى غرباله

صاحبيّ عذب الصبا ..والوف حالي لوفي
من غيابك شرّد الأفكار بأردى حاله

تقتفيّ بيّ ..سوجة الأيام ..وأخذ وأووفي
بين غربال الزمان ..ونكبّة العيّاله

ماسمحتك يالطريق وعادني ملهوفي
في مرابيع الفؤاد ..وضامريّ مدهاله

لاجذب قلبي ربيع الجادل المنسوفي
سقت له ..عربٍ غوالي خفّها تشتاله

أتوّهم ..وأحسبنّي كاسبٍ معروفي
وأثر مبليّ الهوى ..؟؟ عوّد على سلاله

سمّ حالي . وعناي . وياشقاي . وخوفي
من مرمسّت السوالف ..وألسن القوّاله

كلّ ماغنيت جاوبني ؟؟ صداي بجوفي
لاتغنّي للجنوبي ...والعقل ميّاله

ششت ياراسي وشوّش جرحي المشعوفي
لاطرالي .؟ شاش بيّ ..وأعوذ من هوباله

أتحلّى بالصبر ..وأجامل الملقوفي
قافل الكنوّد ...وقلبيّ مغلقٍ جوّاله

ياربيع القلب ..شوفك رغبتيّ وأحلوفي
حالفٍ لا أكتب لك الواهس ..؟ وأصوغ أجزاله

ماتهيّالي لقاك ..ولاقدرت أطوفي
كنّ زولك في حشاي ..وطارييك تمثاله

أنسجم في ذبذبات المبسم المعزوفي
وأتيممّ في عيونك ..وأنكّف الرحّاله

سجّ بيّ ..مادام عسرات الهموم أوقوفي
وأفرج لقلبٍ عناه ...مخيّمٍ في جاله

جعل شوفه ..؟ عقب شوف مضيّع المعروفي
وجعلني مأعتاض به .. والليّ شناه فداله

...................... مدرج هيثرو..؟ .........................




ياوجودي مابقى لي على الفرقـا عـزوم
والطواري تفلج الصدر .. والمخرج ملـي

أتسلى وأحسبني عـن الضيـق معصـوم
وأثرنـي مبلـي ويالله تعيـن المبتـلـي

كل ماصكيت بـاب الطـواري والهمـوم
تعترض لي ضيقة أعصير وتغير علـي

حزة فيها الطواري علـى راسـي تحـوم
ليـن تنقـاد لعمسهـا الضلـوع النحلـي

الحزن خلا العزايم مـن العاقـل تشـوم
وجعل ماللحزن والي ولا لأسمـه ولـي

ماتضيق وعـاد للحمـل رجـال يقـوم
ومايحس بلوعة الحـزن والغربـه خلـي

راكب اللي تدني الفين ميـل بربـع يـوم
ماهـي بلحيـة فـراري ولحيـة بنتلـي

صبها اللي مايعـرف المبـادي والسلـوم
مايقـال لخبرتـه جعـل ماهـو بأولـي

من دهى عقله تمنـاه قوقـل دوت كـوم
ويعتبر عند الأجانيب فاليعرب ( شلـي )

صممة بأحدث الأساليب وأتقنها الجـزوم
شايـب مـا أهتـم فالشافعـي والحنبلـي

كن لج المروحـه قبـل مفرعهـا يـزوم
لـج ورد قرعوهـا مميـحـة الـدلـي

وأستلمها اللي طموحـه يعديـه النجـوم
ليـن حقـق ماتمنـى00 ووفقـه الولـي

من سلايل صلب جدي مطوعة الخصـوم
محرقيـن البـن ومجدعـة راس الطلـي

تلها لين أعتلـى خشمهـا متـن الغيـوم
كنهـا سيـل تقفـاه غـيـث منـزلـي

مشعفه طاروق سلطان في حفـل البقـوم
- ماهو بطاروق ( صوتو صفير البلبلي )

من مدرج هيثـرو مقلعـه والهـا لـزوم
لين تنزل فـي مطـار الكويـت الدولـي

منوة اللي ضامه البعد واعلومـه اعلـوم
ايتجلـد والطـواري براسـه تصطلـي

إيتذرى من هل الشمت وعيـال الرخـوم
لـو طواريـه براسـه تحـل وتفتـلـي

والله ماأصعب من فراق النشاما والقـروم
لاتقـول فـراق راع الثمـان الذبـلـي

حي صوت اللي غمرني وأنا شبه امعدوم
شايب حبـه يطـول السحـاب ويعتلـي

ياعلي لجيت من غيـر قاصـر فالعمـوم
حب لي راسه . وخشمه . ومتنه . ياعلي

والله إن حبه معا الدم في عرقـي يعـوم
حب شعـب المملكـه للمليـك الفيصلـي

لي شهر منه وكني علـى حـر السمـوم
والعيون يلوعها البعـد والقلـب أمحلـي

يالله إني في ذرى وجهك الرحب الرحـوم
لاتواخذنـي بنفسـي .. وحقـق مايلـي

جعل ماني من مقابيـل الأيـام أمحـروم
والأجر فاللي حصل .. والعوض فالمقبلي

................... وليّ عزّه وليّ ربع وقبيله ....................


القصايد هيـّجنت والطـرق والمعـنى وليــله

................ والخــواطر مـنّ ثـلاث أيام منزلها محــــالي


يـــوم شافـت رمســـة المشطــــون في رأس الطويلــــه

................ طـوّحت فالصــــوت كنــّها تعتـزي ؟؟ ياسـّم حــالي



ويــن ؟ رحــت ؟ وكيــف ؟ جيـت وليـه ؟ ماعنـدك وسيلـــه

.............. يــوم تتـركني مع الســالين ! وتخمــّن سؤالـــــي


مادريت أنيّ شكيــــت البيـــن وأحمـــولي ثقيلــــه ؟

............. يـــوم غيــري دالـهٍ .. وتدلهــــه ســــــود الليالــــي


ماتـونيـــت المفـــر ؟ يـــــوم القدر مافيــه حيــــله

........... صكـــّت الأيام غبـراء والزمـــــن لاملـــت مالـــــي


وأنت ســــاهيّ مادريــــت وغـّرك الوقـــت بقليلـــــه

........... إن بغيــــتك قلـّت لا لا ؟ وإن نشدتــــك قلــــت سالــــي


واللـه انـّي مارضيــت العـن زمانٍ جابنـــي لـه

........... لاكــــن المشـــروه غالـــي وأنت يالمشطــــون غالـــــي


ياعميـــلٍ ماتـونّى يـــوم كلٍ من عميــــله

.......... شـاحتـــــه زومـــــة فســــق ... والبنـــك مرهيــــــه الريالـــــي


أسمحيــلي وانصتـــيلـي وأسمعـــيّ شـور الدليلـــــه

..............لاتلجيـــّني تـــرى مانيّ مــن الأيام خالــــــي


مشقـــّي نفســـي وأحب أتعب علــــى ردّ الجميلــــه

.............ولا حيـيّـت بطـردة المقفـــــي .. وأحب الأ نعزالــــــي



طـــــيّب المبـــدى .. وليّ عـزّه وليّ ربع وقبيلـــــــه

.............. وأن نشدتـــــي من خـــــوالي ؟؟؟ قلـــــت : عمـــــّاني خـــــــوالــي


لاكـــنّ أنتــي ياهجـــــوسي ماذخــــرتيّ لـي حصيــــــله ؟

.............. غيــــر جيتـــني تســــــوقين الهبايـب مـــنّ شمـــالــــــي


ويــشّ علمــتس ؟؟ جعل منتـــي للـزمان الشيــــن عيلـــــــه

.............. لاوردتينـــي ... ولا عيـّنت للقــــــاعه أحبالــــــــي


قالـت أصبر : دوك مربـاع الحيـا قفـــرٍ شتيلـــــــه

............ مارعتبـــــه قطـّف النــوّار وظبــّي المفالـــــــــي


يــــوم كان العام ترعـــى بــــه وتسقيــــــه المخيـــــــله

.......... شــّد منها كـــنّ قفـــر العام ماجاء فيـــــــه والــــي


رحـــــت أدوّر لــه ؟ ولاعيــــنت لرســـــــومه بجيلـــــــــــه

............ غيــــــر صــــــوتٍ من شمــــال يقـــــــــول عــــوّد ياحلالـــــــي



وأنزعجــــت وقلــــت ياللـــــه لاتجيـــــب المستحيـــــــــله

............. ياللــــــه أنيّ في رجــــاك ولا علـــــى الغيــــــر أتكـــــــالي



ويـــــــــوم شفتــــتك يارفيـقيّ جيـــت وأظلـــــوعي هزيلــــــــــه

............... ويــــــوم شفتــــك ترقـــّب المرقـــاب وتروم المعـــــــالي



وجيــــــت صـــــوبك يـــومك تعدّي وأنا عيــــني هميلـــــــــه

............... وأشتكيــــــلك وأتشــــّره واللعـــن الحـــــظ المـــــــــوالي



قلـــــــت باللــــــه لاتزيـــديني ترى نفســـي عليلــــــــه

............. مـّن صواديـــــف الزمــــان الشيـــــن مانيّ بمتشـــــــــالي



لاكــــّن الدعـــــوى تبي نفسِ عزايمــــها جليلــــــه

............. لابلاها اللـــــــــه تقـــــــول الصبـــــــــر مخـــــزون الرجــــــــــــالي



وصفيــــيّ لـّي ياهجــــــوسي زول منســــــوع الجديلـــــــــــله

............... وأكتبـــــيّ وشّ قال والاّ كيـــــف عـــــزّم الأرتحــــــــــالي



قالت : أذكـــــر يـــــوم سال السيـــــل وأدركنـــــي مسيلـــــــــه

............... مــــّن حقــــــوقٍ سيــــل نـــوّه حــــدّر حيــــــود الجبالـــــــي



مـــــرّني كنـــّه يحســـّب خطـــــوته ويقــــــول ويلــــــــــه ؟؟

.............. مـــــنّ عرضّ ليّ لايحمــلنيّ بحملٍ مايشالـــــــــي



قلـــــت لـــــه دنّ وتقهــــــوى يابعد مـــّن له خليلــــــــه


............. وأقلـــــط وقنـــّد هجــــــوسك مــــّن مباهيــــــر الدلالالالالــــي



قال يامــــاخــــــوذ وشلـــك باللذي قاطــــع سبيلـــــــه


............... لاتعــــنّي خاطـــــرك بعض الحكـــــي مالـــــه مجـــــــالي


قلــــت : أنا داخلّ عليـــك بجـاه مـّن زبــّن دخيلـــــــه

............... لاتهبلـــبّي ؟ ترى المشطـــــــون فـّي راســـــــه هبــــــالـــــــي


قال تـــمّ ..... وصـــّب لي فنجـــال وأبهـــرني بهيلـــــــــه

............... ولاتطــــّول فالقضيــــّه .... قلـت ؟؟ تــّم ولاتبــــــــالي


قال وصفــــنّي وقلــــت ؟ الوصـــــف والله مايبيلـــــــه

............... فيــــكّ طلــّه من بنات الحـــــــور وأزينهـــن أقبالـــــــي


لــّو تحاكي مــــزمن العلات بـ رمــــــوشٍ ظليلـــــــــــه


............... قام كنـــّه من فراش المــــــوت بعزومٍ جـــــلالي



ولـوّ تبســـــّم للمهــــــوجس فيّ همـــــــومه وتحكيلـــــــــه

............... ســــّج مـــــنّ همـــــّه ؟؟؟ وغنـــــى للسعــــــد ياهملالالالالالــــي




وأبتســـمّ لــّي قال ماشــي ؟؟ قلــــت : بــــدري ؟؟ ياجميلـــــــه ؟

............. ويــــنّ رايـــح ؟؟ قال : ماشـــي ؟ وأنت لاتنســــى مقالـــــي



والوعــــــد مــــّن بيننى لا بكـــــّر الوسمـــــي بسيلـــــــــه

............ فـّي نهايـــــة شهـــــر عشــــره لابــــــدى نـــــــور الهلالـــــــي ؟



وأنتطـــــــرته ؟؟؟؟ وأرجــــيّ اللـــــــه والمــــــروجع عزيتيلــــــــه

............. لاتلــــــــومه لا شكـــــالك من تصــــاريف الهــــــــوالي




قلــــــــــــــت ؟؟؟؟ تــــــــــــــوبي ياهجـــــــــــــــوسي ماورى المقفيــــــــــن حيلـــــــــــــــــــه


............ قالـــــــــــــت اللــــــــه ..... والصبـــــــبر للعبـــــــــد محمــــــــــــــــود الفعـــــــــــــــالي

[size=4]

.................. الليــــله المبـــاركه ......................




هات يانبض القوافي وروح المسرجات000عاصياتٍ ماتطاوع بغيضين الوجيه

كنّها شعشاع بدرٍ نجومه مرمسات000ساطعٍ بجنيه والنور يعكسه الجنيه

والله انيّ منحرف من هواها غير جات000ضاوياتٍ من غزيرٍ هواه يموت فيه

يوم عزمت وتقهويت وانهيت الصلاة000ناويٍ ومنيّ النفس في شيٍ تبيه

وجهزّة الاغراض .. والليل يدعي للمبات000ماذخرت الليّ بجاهي ومالي مشتريه

جيب لاند كروز فكسار .. ايت محركات000فتحه اسطبّات لكزس ولونه هيه هيه

لادرج بشويش .. عودٍ تعنزه العصات000وانّ تمادت سرعته قلت يالله تهديه

وارده شطارته .. ماذخرها يوم مات000موصي اعياله على صنعة الشكل البديه

يوم شاف الخطّ .. جنّت اجنون التايرات000ولا ردعه الا النويصيب والليّ له شبيه

وعقب ماطفت المراكز .. تشوّته وشات000لين صار الخط قدمه خصم ..من غير ليه

ومرّ خطّ القاعده عجل .. والسوده وفات000ولابقى الاّ مفرقٍ مع مسيره يحتريه

ولاخذا له ربع ساعه وهو عجلٍ شتات000غير هذا مفرق الخطّ .. والساجي يليه

وسندّه قبله .. وطاف المدن والمركبات000لين شاف اعريعره والسريع اقبل عليه

وعرضه خط الرياض السريع وفي ثبات000ومعه طاف الفيصليّه مع مدن المويه

قزّر الخط المزفلت وكثر الشاحنات000كلّ ماعرّض مسافر .. حداني واحديه

ولاخذيت الاّ وانا بأرض ساس الطيبات000ديرةٍ ربيّ حماها قبل حملة بريه

لابس احرامي والبيّ ويالله النجات000لاتخيبنا بعفوٍ نبيه ونرتجيه

يالله الغفران واغفر لنا ذنبٍ فوات000ولاتحاسبنا بما قدمت نفسٍ سفيه

نسألك عفوك وتخفيف عنّا السيئات000ورحمةٍ تضفي لعبدٍ رضائك يبتغيه

خاشعٍ متباسطٍ راكعٍ ساجد وبات0000طول ليله .. يرتجي والعفوّ منّك .. واليه

نطلبك فالدين رفعه وفالدنيا الغناة000وعزةٍ تغنيّ من الناس والذكر النزيه

ومنزلٍ يبقى على العزّ بعيون الطغاة000وفي عيون اهل المواجيب معروفٍ مجيه

طاعةٍ ماتغنيّ الرجل في ظل الحياة000وش يسرّه لاتكفّن بقبرٍ يحتميه

وعزةٍ ماتغنيّ الرجل وتطول السرات000ويش خانة عزةٍ ماتعزّه وتحييه

ومنزلٍ مايدهلونه اكعام المعضلات000وش طراته .. دام حلوّ النبا مايشتهييه

والله انّ هذي امالي وكبر الامنيات000طاعة الله .. والمعزّه .. وذكرٍ نعتليه

وكلّ شيٍ فانيٍ غير رب الكاينات000واحدٍ باقي وغيره على الدرب الوجيه

تمّ قافي .. واسرحي ياخيار المفردات000شردٍ من فكر شاعر ومعدنها نبيه

والصلاة ازكى على المصطفى خير الصلاة 000والسلام ورحمة الله وانا منّه واليه

[/size]

.....................مــــانـــي بعـــــادي؟؟ ........................



ذعذعي يانود وأرسي يامراسيل الكتابه 000مال عسرات الدروب الاّ رفيعين المبادي

ماذخرتك ياقلم والحبر ماوقّف خطابه000خابر إنيّ لاكتبتك قلت لي عاشت الأيادي

والله أن بيني وبينك ولف وأكثر من قرابه000مثل ما تألف على المنهاج راعيّة الشدادي

لاتضايق خاطري والهمّ في صدري خرابه000جيت من باب التسامح يامفرّج للمهادي

ياقلم ماجيتك الاّ في معاليقي حرابه000حرب قومٍ تقصف الأعمار من ضرب الهنادي

كلّها لعيون سوداّ ربعّت قفر اللهابه000وجهها ضافي ومنتلّه وغاربها سنادي

ماسمحتك ياقلم وجروح قلبي من غيابه000كنّها مدهال للّوعات وسنين الزهادي

ولّ ياحظٍ حداني من مشيبه لي شبابه000كنسل الجرح القديم ووظّف جروحٍ جدادي

صاحبي لاعاد معروفك ولوّ يقدي صوابه000والله إنّ عرفك جهاد والله إنّ صدّك جهادي

همت في حبّك وأنا كنيّ على جال السحابه000لاضميتك بلنيّ ريقٍ شذى طيبه زبادي

وأن رويتك عشت في جوٍ تشاكيله غرابه000سلسبيلٍ ينبت الحوذان في قاعٍ حشادي

أه ياحلمٍ غشاني وأه ياليلٍ سرابه000فوح صدري يوم قفىّ فوح صالية القنادي

ماصحى به واقعيّه وأكثر أحلامه كأبه000جوّ هادي وأنسيابي غير ماجوّي بهادي

مضميٍ يقطع ضماه القيض وأنحابه سرابه000أهلكه طرد السراب وعاد في راسه أعنادي؟

هيجني لاغاب قرص الشمس واللعيّ ياربابه000مابرى حالي سوى الغربي ونسناس البرادي

بريّ حالي لا لمست الجرح ياحلوّ اللبابه000والله أن طيشك منوخني وأنا ماني بعادي

سامح الله قدرة الأيام وعيون التشابه000لاغفى الجرح القديم أحياه خفّاق الفؤادي

ماليّ الاّ لذكرتك قلت ياحضرت جنابه000سجّ في دربك وأنا في خير من غير أعتمادي

بسّ غيّر في قوانين الرسايل والكتابه000وأكتبّ إنّك شخص عادي ...والاّ أنا ماني بعادي

,...................هــــوى الغــربي ؟؟؟ .......................



كلّ ماذعذع من الغربي شذى الطرق ونسيمه ءءء طيّب الخفاق نسناسه .؟ وربّع فالمحاني

أنسجم في سجّة النسناس .؟ عقب أهطول ديمه ءءء ليلها برق ورعد .؟ والصبح شمس ..؟ وجوّ ثاني

غاية الليّ مادله خاطره .؟ وهمومه مقيمه ءءء كلّ ماريّح ثواني عوّدت له .؟ في ثواني

ياهبايب ماعليّ أخلاف .؟ دام انّ ليّ عزيمه ءءء ماثنيت الرجل .؟ وأعزومي لها رسم وبياني

ماخذٍ طرق العزيز الليّ .؟ مواقيفه عظيمه ءءء سعد ربعه ؟ لا أحتمى الميقاف .؟ وأنّ صدّ الهداني

عشت ياعودٍ على العليا مواريده محيمه ءءء وجعلني مأعتاض به .؟ وأنّ متّ جعني الأولاني

ياشنار الطيب مدري .؟ ياغريمك ياغريمه ءءء المهمّ انّك على العليا مشيّد لك مباني

وسرت في دربك وأنا عيني وهقواتي سليمه ءءء والشكر لله وثمٍ لله ولله أمتناني

ماحسبة مرويّة صحف المجالس والنميمه ءءء وأن غفلت بسهوتي .. طوّحت يالله تهداني

جيت أرتب لي قصيده يابقيمه يابشيمه ءءء أضعف الأيمان خلق الله تصحح لي لساني

لا قنصت أتعب على صيد الفرايد من لزيمه ءءء وعادة القنّاص لامن صاد يحري بالسماني

أبدعي واقع خيالي . وأتركيّ منيّ قديمه ءءء لاتحسيني وأنا مشغول والوقت أمتحاني

قدرت الأيام بصمه .؟ كنّها مطرق وسيمه ءءء ماتزيح الاّ يزيحون الجنوب امن قحطاني

عادة الطيّب يموت .؟ ولا يفكّر فالهزيمه ءءء مايسلّم لحيته للقوم ... دام العمر فاني

ياقصيده علميّ من كان يحسبني خصيمه ءءء لا يشوف سهيل وأعيونه .؟ ولدها مايداني

علميه .؟ بوسع بال ..؟ ومكنيها في صميمه ءءء الجديّ ثابت .؟ ولوّ يوضيّ له سهيل اليماني

سالفة عبدالحليم ..؟ تعلمّه فيها حليمه ءءء والجمايل ضايعه .؟ والنقص ماودىّ مكاني

ماشحنيّ خوّة المظهر .؟على شان الزعيمه ءءء ولا موديلات السنّه .؟ وأخر ترانيم الغواني

ولا كلام الليّ يروّج له كلامٍ دون قيمه ءءء مالها عنوان .؟ والشيطان فيّ صمّ الأذاني

هميّ الشاغل معرفة .. كلّ قرمٍ من نديمه ءءء لابغاني ماعصيته ....وانّ بغيته ماعصاني

طيبٍ من طيب ساسه ..؟ للقروم أقدوم غيمه ءءء طيبها برّاق ..؟ واليمنى بكورٍ له جناني

يتعب الطيّب على الطيّب .. ويبشر فالغنيمه ءءء خوّة الطيّب تنسيني غرابيل الزماني

ولا أجل حلوين النبا .. ذعذع هوى الغربي نسيمه ءءء طيّب الخفّاق نسناسه ..؟ وربّع فالمحاني