السلام عليكم ورحمة اللة وبركاتة
وش حالكم عساكم طيبين وابشركم ناقتي القحة بعد عناء طويل مع المستشفيات ومانفعهاالااللة الاول ثم الطب الشعبي المهم ماودي اوجع روسكم بمشكلتي بس اللة يصبرني على فرقاها مرقدة في الدختر معها وجع في ظهرهااااااااااورقدوهااااااااا
اللة يرزقهاابحوار يضمهااااوينفعهاااااابعد فراق بعيرها مهيبيلان عنهاااااااا
المهم نرجع لقصة محمد واخوة راشد الي كنت كاتبتهاااااافي قسم الترفية تعرفون حزينة على ناقتي
ومافيني حيل اشد لقسم الترفية بكملهااااا في ذاالمكان الزين ... اختك ياصبي ياولد شب الضووصب القهوة يالربع لاتواخذوني نسيت اقهويكم ذلحين بحدثكم دام الصبي يجهزهااااااا
محمد وراشد اخوان بس الفرق عايش محمد في مدينة واخوة في البر(تفاصيل هنااااك )
وصل راشد لبيت اخوة محمد لسلام والتسوق مع زوجتة بخيتة وعيالة
على قولت المثل حج وحاجة...
وكان وصولهم الساعة 9 صباح يوم الخميس وقت متاخر بالنسبة لة وعكس اهل المدينة المهم بعد
ماعلق على هرن السيارة وازعاج الجيران طلب من حمد ان يدق الجرس
حميد جعلك السلال طق الجرس على العرب رقود لشفت الواحد الاجنوبة متوسدهااااامن الشحم قومهم قل الحركة
حمد: ابشر فديتك ويدرعم حمد حافي ناسي نعالة وراة وحدة مكانة والثانية كانت تصويبة محترمة على اخوة جابر ويوقف محتار من كثرة الازرار اي واحد يضرب ويختصر جابر المهمة ويضرب بيدية على كل الازرة
حمد: جعلك الدعم لية تحول من الموتر
جابر: بسرعة والاطبيت من الجدار ( مسكين يبي الحمام وانتم بكرامة من كثر شرب الحليب)
حمد: صة جعلك السلال هناء صوت جاي
وتفتح الخادمة الباب ولابسة لبس الخدم لزوم الكشخة العمة مديرة مدرسة
جابر: امحق سنة وش ذاالمودمي
الخادمة: بابا حمد وقابر(جابر) تذكرهم وقت ماراحولهم زيارة
حمد: وين ابي محمد موجود
الخادمة: ايوة موجود فية نوم
وينزلون باقي العائلة وسالم معة الضب هدية لعيال عمة وتنزل الشقحة وشيخة الاغراض بعد منع حمد وجابر الخادمة من الخروج بسبب لبسها ( بنطلون وبلوزة واسعة وطويلة)
الشقحة: يمة فديتش لاتنزلين بقشة الكسوة بعدين نزليهااااااا
بخيتة الام: خبشش ادخل على امش جوهرة الوح بيدي جيبيها (جوهرة زوجة محمد ومن العادة عندهم الكبير من العائلة ينادونة كذا) اللة يرحم حالنااااااا مهوب عيال ذاالوقت
جابر بعد مادخل البيت توهق وين الحمام وقدة واصل حدة شاف الحديقة وقف في الزاوية واسقى الزرع
والحمدللة محد شافة كان صارت مصيبة
الخادمة واقفة في وسط الحوش من العفسة الي صارت صندوق وبقش والنعال وانتم بكرامة في كل جهه الاسالم كان نازل وهو يشل نعالة خايف توصخ جديدة وماجلس الاهي بجنبة
راشد: يصيح ياهل البيت ياعرب
الخادمة: بابا شوي مافية صايح وتدخلهم المقلط وتجيب القهوة
راشد وبخيتة مااعجبتهم قهوتهم
بخيتة: شقوح جيبي صندوق قهوتنا راسي مفتر
شقحة
كانت تشاور اختهاااا جيبي الدلة بشوف برقعي عدل
شيخة: في شنطتي مراية الوايت اختش صقرة مانسيتهااااا
شقحة: تبين اخيش حمد يشوفها معي
( ماكانو يدرون ان البيت في كل زاوية مراية )
راشد: حميد صبلي فنجال
حمد بينة وبين نفسة ( امحق شهر الامتى حميد)
بخيتة : ابوحمد مازين بيت اخيك ولومغيرينة عقبي
راشد: انة يحايلني اسكن وزانة يبيني اصدع ماداني المسلحات (يقصد البيت)
جابر: يابة انت شفت العشب الي في شوارعهم و حوشهم واللة ان تربع الابل في البلاد
حمد: ليت البزران يسكتون ابكيك ذي فيها كماوي يقتل الابل
سالم بعد كلام حمد يركض علشان الضب كان فاكة في الحديقة ويلحقة جابر
سالم: جويبر اخاف استاثم فية
جابر : يبن الحلال بنشوية وبناكلة
سالم: امحق هدو تاكل هديتك لابن عمك
وفي داخل البيت بعد ماصارت الساعة العاشرة والنصف صحى محمد وجوهرة
الشقحة وشيخة كانوفي المطبخ
شيخة: زين براد المطبخ اشوف بنت عمي بيضاء قومها الكنديشن حنى احترقنا
الشقحة: شويخان ابي يبي قدح للفناجيل بدال البويدية الصغيرة الي حطتها خبشهم
شيخة: وش دراني الكباتة واجد انا بدور هناء وانتي دوري في الصوب الثاني
الشقحة: مكثرمعاميلهم وقشهم
وفجأة يسمعون صوت جرس المطبخ وترد الخادمة على عمتها جواهر تطلب الفطور
شيخة : امحق مرت عمي مهيب في البيت
الشقحة: وش دراش
شيخة: داقة على التلفون تحاكي الخدامة
الشقحة: هية يالخبش تكلم الخادمة ماما جواهر وين فية
الخادمة: ماما فية كلام جيب فطور
شيخة: امحق وقت الغداء وتوها تفطر حيي بموت هلكة جويعة
الشقحة: العيشة واجد اكلي لين تقولين بس
فجأة يسمعون صوت جابر وسالم داخل الصالة وعندهم صوت
شيخة: شقوح فديتش اخوانش ليفضحونااااجويديهم وارضخيهم
شقحة: تبين جويبر يحذف قشي
شيخة: تسرع لصالة وتشوف المصيبة سالم يطامر من كنبة الى كنبة وجابر يلعب بااالمباااااات
جعلكم الحمى وتكفخهم
شقحة تروح للمقلط علشان الفناجيل تشوف اهلها رقود خدرهم المكيف وتنادي ابيهااا
شقحة: يبة يبة قم فديتك الفناجيل
راشد: صبي صبي فنجال هاتي القدوع اللة يعزالنعمة قدوعهم اخضر(يعني فية شبة ماء والصحيح من الدبس )
شقحة: واللة يبة انة زين وطيح اكل من الجوع
حمد يصحى والجوع ذابحة
حمد: شقوح فديتش جيبلي خبزة ميت من الجوع
تقوم بخيتة على صوت ولدهااااااا حميد فديتك تعال وتفتح صندوق القهوة وطلع الخبز المعفوس باقي فطورهم
راشد: العويل وينهم ليغدون
( العذر منكم بكملها في الليل بروح انا وشويخان وشقوح لسوق خخخخخخخ بصراحة قهةو العصر ماافوتهااااااااا والي يسمعني من كثر الي بيقراهااااااااا)