ياوجد حالي كانه ابطـى طلوعـك
يانجمتن شعت على كـل الانـوار
يالله عسا ياضح مواري شموعك
ويالله عسا دربك يزيّن بالازهـار
لبى غطاك اللي تحضن ضلوعـك
ولبى جـدار الـدار ياليتنـي دار
واكون جنبك في سرورك وروعك
ولا عاد يحرقني غيابك ولا اغـار
ااخذي كلامي واضمنه ما يلوعـك
لاني عرفت ان الهوى ماله أوكار
يشهد علي ربن لوحده خضوعـك
اني فلا غيرك من الناس مختـار
ماشوف من بين المزايين نوعـك
لانك مجسم مـاس يـا در محـار
زودن على زينك حلاوة اطبوعـك
ومن لامني ينطح من الضيقه جدار
ويزود حبـك لاطرالـي اربوعـك
فحول الرجال الكايده نسل الاحرار
ياكايده صار الزمن كيـد طوعـك
بالله وينك من تصاريـف الاقـدار
ياوجد حالي كانه ابطى رجوعـك
بهل شعري هـل همـال الامطـار
وكانك تبي يطفي زماني سطوعك
وتبعد بدون اعذار واروح بأعذار
أبتركك واروح بس ! حب كوعـك
شمر وحبه .. واتركك سر واجهار
صح السانك منا الييييييييييييين تمل.
قصيده في منتهى الصدق والروعه
تسلم يمينك وادام الله لنا هذه القريه المنفرده بأعذب الكلمات واصدقها وقربها صلا الى ذائقة كل متذوق للشعر.