استقبلوها لتواصل
عسى ان تنال على ربع الذائقه
ياوجد حالي كانه ابطى طلوعك= يانجمتن شعت على كل الانوار
يالله عسا ياضح مواري شموعك = ويالله عسا دربك يزيّن بالازهار
لبى غطاك اللي تحضن ضلوعك =ولبى جدار الدار ياليتني دار
واكون جنبك في سرورك وروعك= ولا عاد يحرقني غيابك ولا اغار
ااخذي كلامي واضمنه ما يلوعك= لاني عرفت ان الهوى ماله أوكار
يشهد علي ربن لوحده خضوعك =اني فلا غيرك من الناس مختار
ماشوف من بين المزايين نوعك = لانك مجسم ماس يا در محار
زودن على زينك حلاوة اطبوعك = ومن لامني ينطح من الضيقه جدار
ويزود حبك لاطرالي اربوعك= فحول الرجال الكايده نسل الاحرار
ياكايده صار الزمن كيد طوعك = بالله وينك من تصاريف الاقدار
ياوجد حالي كانه ابطى رجوعك = بهل شعري هل همال الامطار
وكانك تبي يطفي زماني سطوعك = وتبعد بدون اعذار واروح بأعذار
أبتركك واروح بس ! حب كوعك =شمر وحبه .. واتركك سر واجهار
وسلامتكم