هلا بكويتيه
أتمنى ان الكأس عربية .. لكن ما نحكم على الفريق من أول مبارة .. أنا أتوقع الصين
1. شمعنى تحب الصالحيه ؟؟..
لان باقي المجمعات مثل مارينا والفنار وشرق كلها مصبنجيه وزحمه وازعـاج .. اما الصالحيه أرقى بمليون مره ومافيه زحمه والقعده فيها حلوه
2. قولناا موقف محرج صارلك.. .. نبي محرج من قلب..
في لندن الصيف الماضي كنت انا وعيال عمي راجعين بليل من بكدلي ندور تكسي يرجعنا للفندق ولا لقينا .. قلنا ما في الا الباص وكانت الساعه 1 بليل تقريباَ وكان فيني نوم امشي وانا مغمض
.. المهم يوم ركبنا الباص راجعين لفندقنا طافت المحطة الي المفروض ننزل منها .. ويوم وقف الباص نزلو الشباب وانا ما كنت منتبه (نايم)
.. ويوم جيت ابي انط الا الباص ماشي الله لايرويك .. طحت على القار وتعورت ايدي ورجلي .. لكن الحمدالله ان ما كان وراي سيارة ولا كان رحت فيها
3. شنو ناوي تدرس بعد الثانويه ؟؟..
والله ما حددت الا الان لكن أهم شيء عندي الحين اخلص من الثانوية بمعدل حلو .. وبعدين أشوف لي أي جامعة وادخلها
4. متى ناويين تسافرون لندن.. ..
السبت 24/7
5. شمعنى تشجع السالميه و ماتشجع مثلا القادسيه ولا العربي؟؟
والله اول كنت أحب القادسية .. وفي السنوات الخمس الاخيرة حولت على السالمية يمكن لاني كنت أحب الهويدي وبشار
6. موضوع كان ودك لاو انت اللي كاتبه؟
روعه وبخوت واطياف ومقهوره بعد نضوب النفط
7. عضو اتابع مواضيعه و كتاباته
والله هم أكثر من عضو .. كويتيه ، السؤدد ، راكان اليامي ، ALAJMI ، أبوحمد الشامري
8. عضو ينرفزك
سيد الظل
9. بجم منتدى مسجل؟
العجمان فقـط .. لكن سابقاَ كنت مشرف على منتديات ستار تايمز .. لكني استقلة منه
أسعدني مرورك وحياك الله في أي وقت
لاهنتـي