هذه احدى قصائدي وانا في غربه
خارج الوطن ,,,,
الا يا حمام الورق يالي تجر اللحان = يحس الغريب إبنوح صوتك بتغريبه
انا وجد حالي شوف بدوٍ على المقطان = وقاعٍ كساه العشب والخير واللي به
وابتبع شفا ذودٍ تبارا لها الحيران = واسج القدم في خايعٍ عاوين ذيبه
وجمعت بني عمي على العز والصفطان = وهذا نرحبه وهذا نهليبه
فلو كان لقياهم يجي مع مرور ازمان = كما شايبٍ يبغا الشبب من بعد شيبه!
وياراكب اللي صمموها لها جنحان = تفج الغيوم وتقصر البعد وتجيبه
عليها مسيحي خالف الشرع والاديان = هبوط اضطراري مايحسب محاسيبه
شلعها ونطحها صفا الجو ولا شان = ولا دب في قلبه من الشك والريبه
وياصل هل الدوحه وينصا هل الريان = ويعطي مناديبي وياخذ مناديبه
لبو راشد اللي مدي الحق فالميزان = علوم المراجل زاهي إبها وتزهيبه
إفقله صحيبك ضايق الصدر مما كان = وهمومٍ تقبل به؟ والاخرى تقفيبه؟
اخايل ولا حولي سوى الباب والحيطان = وفكرٍ بدا من حيث منهج اساليبه
غريبٍ حداه الوقت ثم غادر الاوطان = وعنده لزومٍ خارج الدار يقضيبه
والا ويش بندق دون محزم ولا نيشان = والا ويش صبيٍ ماظهر للعرب طيبه
والا ويش قومٍ دون شيخٍ ولا فرسان = والا ويش ذيبٍ دون سطوا مخاليبه
والا ويش قلبٍ دون حبٍ ولا خلان = نهار الموادع يوم قفوا اصاحيبه
لذا؟؟ يا حمام الورق لا تزعج الالحان = ولا ترهق المهموم وتزيد تعذيبه
وسلامتكم