قبل فتره نشر حمود بن فطيس قصيده مطلعها
يالله يلي كل خلقه ترجاه = ياربنا الي عالمن بالسريره
وهذا ردي
يحمود ابن حماد والشعر نبداه = وبيوت شعرك كالسيوف الشطيره
لاتجذب الونات وتقول عزاه = لاضاق صدرك ثم تزايد صفيره
ابشر بعزك والزمن بنتحداه = ياما صبرنا والصبر فيه خيره
احد(ن)ضحكله الحظ والله ولاابكاه = وياما بكينا من حظوظن كثيره
يحمود شوف الجرح ضيعت انا ادواه = وين الطبيب الي تبي نستشيره
من شافني في سريتي قال وش جاه = جسمي وعه والراس يطويه سيره
واحن قلبي حنة الجمس لعطاه = راعيه بنمره وهو فالحفيره
او تل قرناسن عقب ماتعداه = جول الحباري ولادسم فالكبيره
لكن ابطلب ربنا واترجاه = يمدنا بجوده ومدات خيره
يعدل الاحوال عقب المعاناه= يوم الحساب وكل نفسن فقيره
يبدل السيات بكرم عطاياه = يالله جنبنا لهيب السعيره
يحمود هذا الحظ والي تمناه = يجنبه ربي حياتن مريره
وسلامتكم