مشاركه اخرى اتمنا انها تحوز على رضاكم :
مانيب اعينلي طريقه ولا طب = ولاهيب في دعوة اعلاج واشاعه
لاهب نسناس الهوى والهوى هب = ينبيك عن جرح المحب إللتياعه
نار الهوى في ضامري شع وشتب = واهل الولاعه في اثير الولاعه
لي صاحبٍ قدلي وانا ابغيه واخب = وطبع المحب احيان يركز كراعه؟
مدام مالي فالبسيطه ولا ذنب = ليه الزمان ايضيق عقب اتساعه؟
يالي تغيب وصار حبك مهب حب؟ = وين الغرام او وين ذاك اندفاعه
خل الهوى في جنب وانته على جنب = لا صار مالك فالوصال استطاعه
مانيب لعبه في يدينك وتلعب = وفن اللكاعه خلها للكاعه؟
الصدق ما وافق مع مزمن الكذب = ومافيك شيٍ يستحق الشفاعه
قدلي وانا اراعي خيالك واهذب = بيوتٍ مشيدها بروس الرفاعه
بانت خفايا خاطرك يالمعذب = واثر المعذب خافقي وإجتياعه
لا وقفت الاريا وكثروا هل السب = فانا عن الغاوين عندي مناعه
لا دارت الدنيا وذكرى الهوى دب = ياتي تندامك علي كل ساعه
ولا هب نسناس الهوى والهوى هب = ينبيك عن جرح المحب إللتياعه
وسلامتكم