ناكر الجميل . !
صبحكم الله بالخير جميع
هذي مصافحه اولى ..
اتمنى تحوز على رضاكم
لك مدةٍ ماعاد تنشد عن الحـال = مدري تغلي ولا لا يوجد ارسال
مدري تكبر او صدر مني الشين = لاكن تراني خابر الزين مازال
ياصاحبي بيني و بينك مواثيـق = لايمكن الرجال ينساه رجال
دام الوفا مابين الأضلاع مدفـون = فأنا الوفي الي يوفـّي بلأقوال
انا الـذي للخير شبّاب نـاره = وانا الذي للطيب يضرب له مثال
وقت المواقف ينتخوني جماعه=وانا على كل المواقيف خيال
ماني بمن ينكر اصول النشامه=وماني بمن كذب رفيقه ليا قال
ولاني من الي يطرد الضيف لاجاه=الضيف يكرم وسط دله وفنجال
ما ادعي اني انا كامل الزين=لاشك انا عبد(ن) ولله الأكمال
انا احمد الله لي مكانه رفيعه=مابين ربعي والقبايل والأجيال
ولا انت لا صاحب اماره ولا شيخ=يومك تكبر والتكبر للأنذال
يومك تصيّد زلتن فالرياجيل=ماعلموك اهل الوفا كيف الأفعال
حط للتواضع في حياتك عناوين=وامسح عناوين التكبر من البال
هذا و انا الرحال بين القصايد=ابدع جزيل القاف في كل الأحوال
وسلامـتكم
راشد بن محمد العتـل