[فزاع]

هذي قصيدة عبدالله بن عون (ابونايف)

والله مابدلك بالغنم يالمغاتير=واني مابدوي بك من الناس شاوي
حتى تخضين الفياض المخاضير=وتقطفين ارقاب نبت الصداوي
اليا جاء لروس قليقلانه نواوير=مثل الدقوق بريش خطو النداوي
الابل محبتها لها طابعن غير=واليا وقعت فالقلب ماهيب تاوي
ثنتين مافيهن مساوم وتسعير=لا فاتن الرجال طاح متساوي
دامه يراودهن وهو في رجاء خير=ولا غيرهن لمراض روحه مداوي
وليا تركهن هف مع شفت البير=وصارت اموره بين هاوي وعاوي
محبة الوضحا وحب الغنادير=يستانس اللي في طلبها رجاوي
اليا عرضت شقرا شعرها دعاثير=بعيونها تخلف مسار الهواوي
واللي يبي يطلب عن القول تبرير=لاينشد الا طيبين الهقاوي
يرفع لمثل لمحمد الخس تقرير=ويستنظر الحل الصحيح القصاوي
واليا خذا التقرير من شاعر مطير=تراه حلن مايعقبه دعاوي
ويمكن يقول الثالثه نقلت الطير=اللي حصل رفض الجناح الرهاوي
رفض الجناح اللي ليا استتبع السير=حول على راسه بالامر السماوي
طرح الشبك ماهوب من وارد الجير=من طار من عشه امراحه خلاوي

وهذا رد ابوخلف محمد الخس

جتني بيوت مصخر القاف تصخير=عبدالله النايف ربيع الفداوي
يقول وش رايك ويباني اشير=رايي مثل رايك على منت ناوي
ياراعي الوضح الخيار المصاغير=اللي لمثلك ماتجي بالمناوي
لاتطيع بالمغتر جميع المشاوير=كانك على لذات قلبك شفاوي
خل الغنم لو هي تجيب الدنانير=راعي الغنم فقري لو انه غناوي
ليا طاح من غر المزون الشخاتير=فأرضن بعيدأ دونها الذيب عاوي
ثم جاء لعشب الوسم فيها دواوير=وتغاوزوها من جميع النحاوي
راع الغنم ماهوب ياصل بتيسير=الا بشيل وحط واخذ وكراوي
والبل تزاعج مع وجيه المظاهير=يومن لها عشر اجبتن للشواوي
تاصل ولو ان الحيا من ورى الذير=مادام تلقى من شحمها شلاوي
ويضأ ضحاياها رقاب المناعير=يوم الطرب قبل السلاح النواوي
وان جتك عكشأ مثل خشف الحمارير=نبريه تبحث خفا كل غاوي
ارجع لها لو يزعلون الحجاجير=كان انصحت لك بالغلا لاتراوي
والاشقر اللحاق عوق المدابير=لاتتركه دام انت هاوي وقاوي
اللي تماري به جميع الصقاقير=لاجيت قاعن فيه عشب وحراوي
وانته سديد الراي في كل تدبير=وتسنع الغاوي كفيت البلاوي

واعتذر ان وجدت اخطاء