[العماني]

كاتب الرسالة الأصلية ضيف الديوان
جوبعدها تركهم مصلط ورحل عنهم وجاور الدوشان شيوخ مطير سبع سنين وتزوج منهم وأعطوه البل اللي كان يبيها وقال هذه القصيدة :


ابي اتصبر والظما يبعد الجــــــــــــاش @@ الياما طواني وايبسن يبست الجود
المسعد اللي ما سرى من الليل حشاش @@ عقب الحيا ياطا على كل منقــــــود
خلا هدوم القز والجوخ واقمـــــــــاش @@ ومجالس فيها من الزل ممـــــــدود
قم سوا فنجال ترى الراس منــــــداش @@ لعيون من قرنه على المتن مرجـود
يابن مهاوش كب حمسات الادفـــــاش @@ تجيك حمسات الهلايم بها ســـــــود
دقه بنجر يسمعه كل طـــــــــــــــراش @@ حسه الى حرك على الهون به زود
وحطه بدلة مولع كنها الشــــــــــــاش @@ وابهارها ما الى حط معـــــــــــدود
وان فاح ريحة بنها وهيلها جــــــــاش @@ ومن الزباد اقنه على شذرة العــود
كنه بعرض الصين ورسٍ الى نــــــاش @@ أو زعفران كلما علّــــــــــــم أردود
أبيه رسم للنشاما عن الـــــــــــــــلاش @@ اللاش لافاقد ولا هوب مفقـــــــــود
والمرجله ماكل رجل لها حــــــــــــاش @@ واللي يريد الطيب ماهوب مـــردود
دنياك لذتها معاميل وافــــــــــــــــراش @@ وصينية يركض بها العبد مسعــود
وصفرٍ الى جا العصر مع كل هبـــــاش @@ تطاوحن قلب المناحيز بالعـــــــــود
في ربعة يفرح بها كل هتــــــــــــــاش @@ ويزبن لها اللي من دناياه مضهــود
يالله طلبتك عند سرحات الادبـــــــــاش @@ صفر ومغاتير ويبرالهن ســـــــــود
مرباعها الصمان ماتقرب الطـــــــــاش @@ ومقياضها دخنه الى صرّم العــــود
وأنا على مثل النداوي الى حـــــــــاش @@ تنزع كما ينزع من الكف بـــــــارود
لما حلا وقت الضحى قول شوبــــــاش @@ وقامت تنازا بالمناعير جلعـــــــــود
وثار الكتام وصار للشلف هبــــــــــاش @@ والذود قفا بالمساويق عرجـــــــود
ومن لايروي شذرة السيف لا عـــــاش @@ عليه جيب مورد الخد مقـــــــــدود

وطبعا هناك أحداث لهذه القصيدة أن مسلط عمل حشاش عند الدويش وغزى على حلال الدويش قوم وراح مسلط فك الحلال منهم وخذا قلايع منهم ..وعرف الدويش انه ماهو بشخص عادي وزوجه بنته وعطاه اللي تمناه ..وسوف أورد هذه القصة بموضوع مستقل..

[/b]

السلام عليكم ورحمة الله وبركاته

الأخ ضيف الديوان

لاهنت على الموضوع بس عندي تعقيب بسيط

القصيده أعلاه قلت انها لمسلط الرعوجي والمعروف انها للشيخ مشعان الهذال والقصيدة أشهر من نار على علم وموجودة في كذا مصدر مثل ديوان الشعراء للطلال السعيد.
فأتمنى ان تذكر لي مصدرك اللي على أساسه ذكرت ان القصة والقصيدة لمسلط.

تقبل تحياتي،،،