[اطياف الماضي]

[1- مواصفات المراه الجميله؟

انا عمري 24 سنة
اول معيار حقيقي للجمال لدى المرأة جمال روحها واخلاقها وبعدين
تأتي اهتماماتها بنفسها من ناحية الشكل يعني المرأة هي اللي تصنع جمالها بنفسها مثلا تهتم بوزنها بحيث انه مايزيد عن الطبيعي وبعد تهتم لاناقتها

من حيث ترتيب شكلها الخارجي واختيار الملابس اللي هي تليق عليها وتحس انها تبرز فيها يعني مو شرط ان كل موضة راح اتبعها عشانها موضة بس يعني لازم تناسبني انا ولازم تكون محتشمة وهذ اهم شئ .. غير كذا انا اهتم بالميك الي يضفي علي جمال مو يشوهني .. يعني طلعات الجامعه مثلا لها ميك اب هادئ والسهرات لها ماكياجها وبعدالقصة لازم تناسب شكل وجهي .. ومع ذلك ما انسى بشاشة الوجه مع الاخرين هي السحر والجمال الاكيد


2-هل للتلفزيون تاثير على معاير الجمال ؟

بصراحة ايه احيان انا االتلفزيون يفيدني في اشياء كثيرة صح اني ما اكون مستنسخة للي فيه بس اخذ اللي يجوز لي .. يعنيالتلفزيون يتقل لي التطورات الجديدة .. ممكن اخذ فيها وممكن لا


3-بعد الزواج , هل يقل الاهتمام لدى المراه بجمالها؟

انا اتوقع عن نفسي اني بالعكس راح اكثر من الاهتمام بنفسي .. عشان زوجي مايطالع بغيري .. يعني راح اهتم بكل جديد يناسبني اغير في شكلي شوي ..
وطبعا راح يكون في حدود المناسب لي ..


4-كم تصرف بالشهر على مستحضرات التجميل؟

المستحضرات انا ما اغيرها كل شهر بش احيان انا القى شئ جديد يعجبني .. يتناسب معي .. واحيان مو شرط تكون الصرف في المستحضرات نفسها .. يمكن تكون في تنظيف او للبس او اشياء ثانية وبصراحة ما اقدر احدده لك لان ممكن
تنقص وممكن تزيد بعد عن المرات اللي قبل .. يعني على حسب ..


5-المراء تبحث عن الجمال لزيادة الثقه؟ ام الثقه تزيد من جما المراه؟ ام لك وجهة نظر اخرى؟

ثقة المرأة في نفسها هي التي تكسبها جمالا وجاذبية .. يعني مو شرط تكون المرأة جميلة بحيث انها ممشوقة القوام وعيونها كبيرة وشعرها طويل وبيضاء لااا.. انا اعتبر المرأة هي تقدر تخلق جماله بنفسها واهم شئ انها تكون واثقة ..



واحب اضيف ان المرأة الخليجية مو شئ جديد اهتمامها بنفسها وبجمالها يعني هالشئ هذا من زمان بس تغيرت الطرق والاساليب


واذا فيه اسألة غيرها انا حاظرة

تحيتي لك