السلام عليكم ورحمة اللة وبركاتة
بعدالقصة الاولى وبعدالتشجيع منكم والتكفيخ اذاجت الفاتورة بس على فكرة محدشجعني غيرفتى وامير
وترى لحدينسى الصوغة ذكرتكم في بداية قصتي (كيسة اقط)وانتبهو ليكون مغشوش
وترى ودي اكون جيدة بالمقدمات بس ماش مابعداصبروشوي وبعدودي تكون مزخرفة قصتي وتلفت بس المضمون اهم ...........
المضحك اني كتبت قصة في منتدى اللة يذكراهلة بلخير حضر والقصة بدوية كلماتها وناديت اختي علشان تضحك وتمدح شوي وليتني ماناديتها ..........
شوفووش قالت التفتت علي وهي تضحك ابكيش يالخبلة ذولامايعرفون وش تقولين حضر
فشليت بقشتي وجيت عندكم
القصة
***************
كلنانعرف ان البدواول قلوبهم نظيفة على الفطرة( ولاتفهموني غلط )ادري الكاتب الممتازيكثرالنقدعلية....
كان فية بدوي وزوجتة ودة ان ولدة يتعلم حفظ القران ودايم الفكرة براسة بس مشاغلة مع حلالة تلهية ّّّّّ~~~~
ومثل مانعرف ماعندهم مشاكل مرتاحين البال ومدام حلالة بخيرفهو بخير
وفي يوم بعد صلاة الفجر وجلس هو وزوجتة بعدشبة الضو والغوري عليها
قعد يحرك ضوة بلملقاط ويهوجس .............
ومرتة صارة عيونة وطالعة خايفة ان فية شي
نسيت الزوج عبدالهادي والزوجة وضحى وتصغيرينادونة هادي
وضحى: هويدي وش بلاك نفداء خشمك حالك مهوب عاجبني انت مستوجع اعطيك عشرق
هادي: خبشش من مرة واللة انش خبش
وضحى: ياويلي وش انا قايلة وقامت وهي زعلانة
هادي جالس يحرك الضو ويشعر
ووضحى صحيح قامت بس قلبها عندة وتفكر وش قومة وماهي بخير حزينة من حزنة
هادي : ياوضحى
وضحى: لبيك
هادي : قومتي الصبي يتريق ويعين من اللة خير
وضحى: فديتك صلى ورقد شوي وبذهنة
هادي راح عندشبك ابلة يسرحها ويشوف جارة سعيد
قرب عند بيت الشعر وينادي سعيد جارة
وجارة جالس ومعة زوجتة
سمع صوت خوية وفز وبغى يشوت زوجتة تدخل لشق
اللة حية مرحبا واللة باخي
اللة يرحبك
وجلس هادي وسعيد يقهوية وشاف خوية ماهي بعادتة مكتم
سعيد : افااااااااعليك وانا اخيك قاصرن عليك شي وانا موجود
هادي: بعد ان جر التنهاد من اقصى الضلوع ( وصف بليغ ) خخخخخخخخ
واللة ماقومي شي من اموردنيتي
سعيد: اخوك ياصبي وش قومك
هادي : انت عارف ولدي قدة رجال وماحفظ القران على الاقل يصليبنا
سعيد: جعل ابلك توخذ احسب فية شي كبير ازهلة
هادي: انت صادق
سعيد: قفية الصبح نروح البلاد نتسوق لاهلنا الزاد وحط ولدك عندالمطوع
هادي: واللة انك وسعت صدري
يفزهادي مستعجل وينادية سعيد تعال الخبز الخبز وتعرفون البدو مستعجلين ان طرى شي بروسهم خلاص من يردهم
هادي : وضحى اغسلي ثوب الصبي بودية معي البلاد
وضحى: وش عندك
هادي : بودية المطوع
****************
في الصباح الباكر هادي وولدة وجارة ومع هادي عنز ببيعها يتسوق بقيمتها ويعطي المطوع منها
هادي : اسمع ياسويلم تحفظ زين مازين
سالم : ابشريبة (عادسالم عمرة حول العشر بس لوتشوف عيونة وكيف نظرتة تخاف ماتقول بزر)
وصلوعندبيت المطوع ومن قوة ضرب الباب تروع المطوع يحسب الموت جاة
فز وفتح الباب وشاف هادي وولدة والعنز المربوطة
المطوع: عسى ماشر وش صاير
هادي : ماهناالاالخير هاك الصبي حفظة زين مازين
المطوع : ابشر بس خلة عندنا كم يوم
هادي: وش تقول معصي بروح ابيع العنز وتسوق لاهلي وجيبلك قروشك قدالصبي خالص
حاول المطوع مافية فايدة واحتار كيف يقنعة كيف يخلي ولدة يحفظ لوسورة صغيرة
هادي:اللة اللة بصبي ابية يصليبنا تفهم
المطوع: ابشر
بعدكم ساعة بعدماتسوق هادي وجارة وشرو الطحين والقهوة واهم شي عندهم هالشيين والفلوس قيمة العنز الي كان يسحبها بحبل علشان يبيعها
جاء عندالمطوع وضرب الباب نفس اول مرة وفز سويلم قدة عايف روحة
ماتعوديجلس في مكان ويسكرعلية الباب كنة في سجن
سويلم: يبة ويحب خشم ابية
المطوع عندالباب وهادي يطالعة بنضرة تخوف بشر الصبي خلص
المطوع يبي الفكة والسلامة
المطوع: ابشرك خلص
عطاة الفلوس هادي وروح لاهلة
جلس عند زوجتة وضحلى فرحان ويبشرها بولدها
وضحى: واللة اني خايفة على ولدي لينطب
(تجية عين واللة من شافة مالتفت مرة ثانية من الروعه)
هادي: اذاسيروالنسوان اخذي غسولهم لقهويتيهم
وضحى: اي واللة انك صادق
هادي يطلب ولدة وهو فرحان يقولة وش علمة المطوع
هادي: اقراء فديتك ياولدي وش علمك المطوع
سالم: ابشريبة
البـــــــــدو هبالا عـــــــــلى روس الجبالا
كــــــــــسوت بدنهم من صـــــــوف غنمهم
هادي فرحان وزوجتة تسمي على سالم خايفة علية
وســــــــــــــــــــــــــــــلامتكم