[الحارثي]

بسم الله الرحمن الرحيم

البـارحــــه ليـلي هــــــذاري وهـنداب= ملـــيت نــوم (ن)خـاطـري مــا اهتـنابــه
اغـــض طــــــرفـــــــي واتـقـلـب تــقـلاب= واسـال نــفسي ويـش فكـري سرابه
وملّي عـنـاه الــــــقـلب وارداه مـنـصاب= من دون سـابق ذنـب ضـاقـــه وصابه
يسوق فيه الـــــسم من راس مشهاب= ســم الـحـريب اللي ســميم حرابه
في ليلة بـــــان الـقـمـر ودبــح وغـــــاب= وانــا مــع الـهـاجوس اعانـي واجابه
قامت هجوسي ليلي إذهــاب ويـــــاب= شــيً صـــواب وشــي فيه التشابه
ويوم اعتلت شمس الضحى كل مرقاب= وانـــا مــقـّـيـــــم مــابــدا ونــتهـــابه
من بعد تحليل الهواجيــس بـــــحساب= ويضــافة اللـــي معرض عن حسابه
ركــــزت تــفــكيـــري ومــّيــزت الاسباب= عــن ســـر جرح(ن) في ضميري عنابه
ســابـــق زمـــانــي حول ضني ومرتاب= ابــيح صــوت(ن) مــايــمـــكن صـــــوابه
الصــبـــر مــفــتــاح الفــرج قهر الاصعاب= والصــمت في بعض المواقف صلابه
مـنــها تـــسِكر بـــاب وآشــي وطـــلاب= وفـيـها تــسجل طــب راعــي غلابه
كبــرت وهــانت بامر فكــاك الاكــــــــراب= والنــطـــق دون ادراك وش يـــــنبغابه
يــارد عـلــى جــالـــه مـنــاحي وجذاب= ســاحــة مـــــــزاد ومكرويف الجلابه
انــتاجـــها مـحــصول توتـــير الاعـــصاب= وحــقــوقــها تـنــزع بـحــرفة نـــهابه
والصــبر والادراك مــن رب الاربــــــــــاب= اللــي عـطــانــي مــاكـفاني جوابه
يــضيــقه اللــي يــرتدي ثـوب الاصحاب= يــرضى مشاكلتي وانا آسف لمابه
حيثه ضعيف مـــــع رفيــعين الاشــناب= مـــايــنــذكـــر عـــلــمه ولا يـــنبدابه
ضــنه يــخالــفني وضــني مـعــه خـــاب= عــليــه ستــــرك يـامنشي سحابه
يرسل هجومه من تحت ستر وحـجاب= والــخافـي اظـلم بعد شفف حجابه
لوحال من دونه عن الشوف ظب ظاب= يبــيح صــوتــه مــن ورى مــا اتقابه
واضح دليلي حول مضمون الاغــــــراب= شـــخصـــيةً فــيــها ونـــهج(ن) وشـابه
مــرفــوع يــامـفــتــاح مـقـــفل يادولاب= مــفــهوم يــاموضــوعه اللي غـزابه
يلقى نصيبه كانه اخطاه ون صــــــــاب= علـــى مــدار مــثــل قـــوس الربابه
في حجم ما مشاه محمول بــركـــــاب= ذاهــب وعــايــد والوســــيله اركابه
مازيدها بالــــــــوزن مـــايـــازن اثــقــاب= انـــهــيه واعــيــده مـثــل مــا بدابه
كـــل الــذي فـــاده وكــل الــذي جــــاب= مــغـــزاء جــبــان(ن) صــاحـبـه مادرابه
كــم والخــبر نـــلقاه مـــــن عدة ابواب = نـــا طــاه مــانـــكتــب عليه الاجابه
مــن شيــمه نـــرفـــع بـها روس ورقاب= دام الحـيــا مـــاحــــزن اهله ذهابه
الطــيـــب لـهــلـــه طيب والاش لاطاب= اخــر مـطــافـــه عض راس السبابه
يـــاعـــارف المــظــمون مــانــي بهياب= اهــاب شـــان(ن) جـــاوزه مــايـــــهابه
حــيــث الــحـيــاه الــهــا قـوانين واداب= وسـتــاذي الاســلام واحــب ادابـــه
صبــري علـــى صحــب زجــور وعـياب= نـــامــــوس يــدرى هيبتي والحلابه
وصدي عن اللي فطرته حقد وعـــتاب= يدرى عـلى نفسي سلوب المعابه
وبعض النفوس الطب فيـــــها التجناب= والـلــــي حـصــل ماصالح لي غدابه
مافاد فيـــــــد ولاكسب غيــر الاتــعاب= واللـــــي جـــهل مضمون سره قرابه
حتى توحد وجتمع طـــب الاطبــــــاب= عــــلـيــه بالــجـوده ختــــوم الطبابه
يحكم بعزلة من به الحقد شـــــــــباب= طــــــوال عــمــره شيبته مع شبابه
ويريح من حوله غيابه الـــــــى غـــــاب= وايــــضــى يــريــح البال فرقى عتابه
والله حسيبي في خطا كل مــغــتــاب= ولله شـــانــه فـــي جـــزاه وعـقــابه
سميت بسم ملجم الهام والــــــــداب= اللي على الشيطان يرسل شهابه
ياجاهل الدنيا بها اغراب واعجـــــــــاب= ويــاجــاهــــل الاصحاب فيها انقلابه
صاحب صدوق وصحب يضحك بالانياب= وصـاحب يبي غلطتك قبل الاصابـــه
وصاحب ينسق لك مواويل نــصــــــاب= كــنه عــلــى شــانك موضف رقابــه
اعلم ترى الاصحاب محمود وعتــــاب = وعتـــاب مـــع محمود يلبس ثيابـــه
وعَلم ترى ثلثين الاصحاب كـــــــــذاب= والّدهم مــن يـتــــــــصف بالغرابـــه
يلعب على كل المعاني تــــــــــــلعاب= مــايــبــخصه غـيــــر العقول اللبابـــه
والا صـــديـــق عــاصره مـثــــل الاقراب= خبــير مـــيلاده وعـصــــر انتسابـــه
درست شخصه عبر تمييز والـــــــباب= مــتــوســط (ن) بالــمــعرفه والــكتابـــه
ياغالي الاصحاب ياعـــــــز الاحــبــاب = الـــــداب لّين لمس والسم نابـــه
ابحث عن الاصحاب اذا كنت طــــــلاب= صــحب(ن) تنومس رفقته وصطحابـــه
وعرف صديقك قبل تنقد وتنـــــــــــعاب= وتــــزل عن نهج النبي والصحابـــه
اما حسبت الكل خطوه تــــــــحّساب = مجبــــور ماحولك تحط احتسابـــه
وقتك تمر احداثه الشيخ والـــــــــشاب= علــــــى طريق(ن) كل حي مشابـــه
من حاصل الايام راس الفتا شــــــــاب= وشكى من ايامه مشاكي اتعابـه
الصقر ماينزل على ماكــــــــــــر غــراب= رفــيـــع منـــزالـــه ووكــر رقـــــابــه
له همة ترفع وله ضرب مخــــــــــــلاب = مــاهي على يمنا الحدا والغرابــه
وقر مقامك عن مهابيط الانشــــــــــاب= لوكــــــان مهما كان حضرة جنابــه
لاتامنه لو منطقه من عســـــــــل ذاب= مـــــاعاش قلبه صدق قد الذبابــه
ولارفقته ناموس ولاتــــــــــــــــــكساب= ولالـك شرف في ماقف عند بابـــه
قلبه سواد الصاج وهروجه اعـــــــــذاب= بـاحدث طراز للخداع المذابـــه
شب الشباب ورشه الشيب ماتـــــاب= واغـرب مقاله رايمن طبع سابــــه
كم هويعاني كيف يسلك ويــــــنساب= والمنتبه يكشف خلول انسيابــــه
ارمه مثل رميك لمرسات الاســــــلاب= لاتـــــــــــرتجي فج(ن) تقطع سرابــــه
مقطع ضماء لااشجار لامنبت اعشـاب= مــــعَروفه الوحشه وغدر الذيابـــــه
ولاسموم حرها يلهب اللـــــــــــــــهاب= عــلى غشيم ظل درب (ن) سعابـــــه
فيده هموم تلفي ازفال واســــــــــراب= فـــي ذنب غيره لابسه بالـــــنيابه
هاذي وصاتي ياعزيزين الانســـــــــاب= كـــم جاهل في صاحبـــــه وقتدابه
حتى وصل باب(ن) يقّفل ورى بــــــــــــاب= والا طـــــــــــليب (ن)واصـــــل(ن) بالطلابه
الاصل غايب والجزاء حق من نــــــــاب= هـــذاه محصـــــوله وهاذي اسبابه
وصلاة ربي عد ما عجت اطيـــــــــــاب= في سوق راع المسك باع وشرابه

قصيدة للشاعر : عواض بن بريكان المعتبي الشـــــلوي